Sport veterani helimu säptä

0
599 ret oqıldı

Gšhärbüvi İSMAYİLҖANOVA, «Uyğur avazi»/ Panfilov nahiyäsiniŋ Pähriy grajdini Yoldaş İbragimovni pat-patla sportqa beğişlanğan märasimlarda uçritimän. U çoŋ-kiçik turnirlarniŋ eçiliş täntänilirigä qatnişip, šsmürlärgä utuq, aq yol tiläp, rämzlik lentilarniŋ qiyiş hšrmitigä egä bolidu. Egiz boyluq, dayim җiddiy qiyapättä jüridiğan Yoldaş aka illiq muamililik insanlardin bolup çiqti. Sšhbitimiz uniŋ baliliq dävridin başlandi. — Uluq Vätän uruşi başlanğan jili dadam rämiti «Dehan Ğäyrät» kolhoziniŋ räisi edi, — däp sšzini başlidi u. — Apam šydä, bäş oğliniŋ tärbiyisi bilän bänt boldi. Dadam Uluq Vätän uruşiğa atlandi, apam bizni yetäkläp, etiz-eriq işliriğa çiqişqa mäҗbur boldi. U jilliri «Dehan-Ğäyrät» kolhozida gürüç šstürülätti. Yerim belimizgiçä su keçip gürüç šstürüp, u pişqanda hamanğa yäküzüp, tazilaş işlirida anamğa yardämläştuq. Dadam 1942-jili posılka arqiliq üç danä qulaqça ävätiptu. Biz äşu qulaqçilarni bäşimiz novätlişip kiyip, çoŋ bolduq. Äpsus, şu jili mäydandin «qara hät» käldi. Keyiniräk dadamniŋ Jitomir vilayitidiki Kolıbel'ka yezisida däpin qilinğanliği toğrisida hävär taptuq.
Uruş jilliri arqa säptiki anilarniŋ iradisini, ğäyritini, ämgigini alahidä atap štmäy mümkin ämäs. Jutumdiki anilar egiliktiki härqandaq işqa paal arilaşti. Meniŋ anam şularniŋ biri edi. U uruştin keyinmu egilik işliridin qol üzgini yoq. U nahiyädin däsläpkilärdin bolup Moskva şähiridiki Pütkülittipaqliq häliq egiligi muvappäqiyätliri kšrgäzmisigä qatnaşti.
Yoldaş İbragimov däsläp Dehan Ğäyrättiki yättä jilliq, andin şähärdiki Molotov (hazirqi İ.Altınsarin) namidiki mäktäptä tähsil kšridu. Uni tamamliğandin keyin Almutidiki täntärbiyä vä sport tehnikumiğa oquşqa çüşidu.
— Biz, yeza baliliri, u jilliri qosaqniŋ ğemida jürüp, poŋzäk degänniŋ nemä ekänligini bilmättuq. Uni 5-sinipta biraqla kšrduq, — däp sšzini davamlaşturdi mštivär. — Bir küni Abit İsqaqov degän ağinäm Yarkänttin poŋzäk kštirip käptu. U jilliri futbol oynaşnimu bilmättuq. Äytävir, yeziniŋ sirtida tšrt-bäş bala jiğilip, şu poŋzäkni u yaqqa-bu yaqqa tepip, oynap jürduq. Keyiniräk bir komanda qurup, başqa mäktäplärniŋ baliliri bilän oyniğidäk däriҗigä yättuq.
Mäktäptä täntärbiyä pänidin istipadiki mayor Andrey Kolıgin degän kişi däris berätti. Meni sportqa dävät qilğan şu adäm boldi. U jilliri şähärdä hazirqi balilar istirahät beğiniŋ ornida çoŋ sport mäydani bolidiğan. Meni moşu җayğa elip kälgän şu Andrey Timofeeviç edi. Bu yärdä çoŋ-kiçikniŋ hämmisi päqät voleybol oynaydekän. Mänmu şularniŋ qatarida boş vaqit tapsamla moşu yärgä kelişni adätkä aylandurdum. Nätiҗidä voleyboldin nahiyä tallanma komandisiniŋ äzasi boldum.
Şundaq qilip, täntärbiyä tehnikumini äla bahalarğa tamamliğan yaş mutähässisniŋ ämgäk paaliyiti Başçi yezisidiki säkkiz jilliq mäktäptin başlinidu. Andin šzi uçum bolğan Altınsarin namidiki mäktäptä täntärbiyä pänidin däris beridu. Ariliqta Almutidiki täntärbiyä institutini sirttin oqup tamamlaydu.
1966-jili nahiyädä däsläpki šsmürlär sport mäktivi täşkil qilinğanda, nahiyälik bilim bšlüminiŋ rähbärligi mäzkür mäktäpkä Yoldaş akini mudirliqqa tayinlaydu. Ular hatalaşmiğan edi. Çünki u bäş jil davamida mäktäplärdä täntärbiyä pänini štüş metodikisini juquri däriҗigä kštiridu. Öz käspigä ästaidil berilgän mutähässis oquğuçilarniŋ boyida täntärbiyä pänigä bolğan qiziqişini häm intilişini oyğitişni bildi. Balilarniŋ qälbigä yol tapqan ustaz voleybol, basketbol, futbol, yenik atletika boyiçä komandilarni täşkil qildi. Mäzkür mäktäptä 18 mäşiqländürgüçi iş elip bardi. Ösmürlär nahiyälik, vilayätlik musabiqilärgä iştrak qilip, päqät aldinqi orunlardin kšrünüşkä başlidi. Oquğuçilarniŋ «Planeta» futbol komandisi vilayätlik, җumhuriyätlik musabiqilärdä birinçilikni bärmidi. Bu, älvättä, ustazniŋ tinimsiz, mäs°uliyätçanliq bilän iş elip barğanliğiniŋ nätiҗisidur. Tävädä şundaqla muällimlär komandilirimu täşkil qilindi. Nahiyälik «Märipätçi» voleybol komandisi bilän «Säyyarä» futbol komandisi şular җümlisidindur.
Y.İbragimov sport mäktivini on bäş jil başqurup, keyinki on jilda bilim beriş sahasi hadimliriniŋ Panfilov nahiyälik käspiy ittipaqlar komitetiniŋ räisi bolup işlidi. Şähärdiki 6-käspiy-tehnikiliq uçiliöeda mudirniŋ orunbasari lavaziminimu egilidi. Andin yänä şu nahiyä rähbärliginiŋ täklivi bilän nahiyälik bilim bšlümidä mäktäplärdiki täntärbiyä päni boyiçä metodist, inspektor, bšlüm başliğiniŋ orunbasari hizmätlirini şäräp bilän atqurup, 2000-jili hšrmätlik däm elişqa çiqti. Uniŋ kšp jilliq ämgigi munasip bahalandi. Nurğunliğan Pähriy yarliqlar bilän birqatarda «Käspiy tehnikiliq oqutuşniŋ älaçisi», «Qazaqstan maarip älaçisi» ataqliriğa muyässär boldi. 2005-jili bolsa, nahiyäniŋ Pähriy grajdini ataldi.
— Mäşiqländürgüçi — šy kšrmäydiğan adäm. Meniŋ hayatimniŋ mälum qismi yolda, säpärdä štti desäm, aşurup eytqanliq ämäs. Vilayättin kälsäŋ җumhuriyätlik, andin häliqara turnirlar kütüp turğan, qisqisi, kšp vaqtimni şagirtlirim bilän musabiqilärdä štküzdüm. Meniŋ hädäŋlärdin minnätdarliğim çäksiz. U meni qollap-quvätläpla qoymay, üç pärzändimizni munasip tärbiyilidi. Qizlirimiz Laura bilän Melikäm meniŋ izimni besip muällim käspini egilidi, oğlumiz Ruslan tiҗarätçi. Ulardin altä nävrä, ikki çävrä sšyduq. Nävrilär bilän futbol, voleybol oynaşni yaqturimän. Һazirqi balilar bähitlik. Sportniŋ qaysila türi bilän şuğullinimän desä, şarait yetärlik. Sport kiyim-keçäkliriniŋ tür-türi bar. Päqät ularni dävät qilip, yol kšrsitiş kupayä. Şunimu täkitläş keräkki, şähär vä uniŋ ätrapidiki yezilarda şähsiylär hesaviğa barliq җähättin qolayliq futbol mäydançiliri selinivatidu. Ularda mäşiqlinivatqan yaşlarğa qarap zoqlinimän.
Yoldaş aka bu künlärdä hayatiniŋ şanliq 80-davaniğa kštirildi, Zenät hädä bilän ailä qurğiniğa 55 jil toluptu. İbragimovlar ailisidiki bu hoşalliqqa uruq-tuqqan, dost-buradärlär bilän şagirtlarmu җäm boluşti. Һämmisidä birla tiläk: mustähkäm salamätlik, bähitlik qeriliq…

Panfilov nahiyäsi.

Bälüşüş

Javap qalduruŋ