«Turmuşimiz kündin-küngä yahşilinivatidu»

0
148 ret oqıldı

Ämgäkçiqazaq nahiyäsiniŋ hakimi Binäli Isqaq mäzkür nahiyädiki 25 yeza vä İşiktä şähärlik okrugida štkän jili atqurulğan işlar häqqidä hesavat bärdi. «Uyğur avaziniŋ» Ämgäkçiqazaq nahiyäsi boyiçä šz muhbiri Raşidäm RÄҺMANOVA şularniŋ birnäççisigä qatnişip, ämgäkçiqazaqliqlarniŋ utuqliri bilän muŋ-muhtaҗini bilip qaytti. Nahiyä hakimi ahali bilän däsläpki uçrişişni Sšgiti yeza okrugidin başlidi. Binäli Äbdiqappasulı pat-yeqinda tävädä kün elektr stantsiyasiniŋ işqa qoşulidiğanliğini yätküzüp, turğunlarniŋ käypiyatini kštärdi.
Okrug hakimi Erkinbek Dauıtqulov jil boyi ämälgä aşqan işlar häqqidä hesavat bärdi. Okrugtiki 400 dehan egiligi härhil ziraätlärni pärviş qilidekän. Tšrt dukan, 5 kiosk, 4 kafe, bir avtomaşinilarni җšndäş stantsiyasi, navayhana, 2 satraşhana, yäm tartidiğan tseh häliqqä hizmät qilivetiptu. Ularda umumän 48 adäm iş bilän täminlängän. Bultu plastikiliq işik-derizä işläp çiqiridiğan tseh eçiliptu.
Bartoğay yeza okrugidiki jiğinmu yeqimliq hävär bilän başlandi. Bijanov yezisida uzun jillardin beri egisiz qağҗirap turğan sport sariyini yeza turğuni Ruslan Qämirdinov setivelip, uni remontlap, dšlätkä häqsiz qayturğan. Sahavätlik tiҗarätçini nahiyä hakimi qolini elip täbriklidi. Nahiyä hakimi başqilarnimu Ruslandin ülgä elip, tuğulğan yeri üçün ayanmay hizmät qilişqa çaqirdi. Okrug hakimi Talğat Ömirbekov bultu Bayseyit yezisida uçastkiliq politsiya punktiniŋ eçilğanliğini yätküzdi. Okrugta 481 dehan egiligi, bir işläpçiqiriş kooperativi, 5 ҖÇY paaliyät elip berivetiptu. Dehanlar paaliyitini җanlanduruş üçün dšlättin 2 million 604 miŋ täŋgä subsidiya bšlüngän.
Malivay yeza okrugida ämälgä aşqan yahşiliqlarğa tohtalğan nahiyä hakimi Binäli Isqaq bultu yeza turğunliri üçün meçit selip bärgän Huşiyar haҗim Һosmanovniŋ qizi Räyhan vä küyoğli Nurtay Ğoҗambärdievlarğa sämimiy minnätdarliğini bildürdi.
Okrug hakimi Damir Qaldibaev 5260 turğuni bar okrug häqqidä täpsiliy doklad oqudi. Malivayda bir yeza egiligi kooperativi, bir ҖÇY, 690 dehan egiligi, 22 şähsiy tiҗarätçi bar. Yeza dehanliri asasän kšmüqonaq, soya, aptappeläz, arpa, bedä, kšktat vä yäl-yemiş pärviş qilidekän. Turğunlar qolida bar 2499 siyir, 6413 qoy häm šşkä, 234 at vä 2350 tohu bilän kün käçürüvetiptu. Yezida bultu yüz bärgän çoŋ hoşalliqlarniŋ biri – «Öŋirlerdi damıtu» programmisi boyiçä byudjettin 6 million täŋgä bšlünüp, su mäsilisi iҗabiy häl bolğan.
Ötkän jili Masaq yeza okrugida «Nwrlı JEST» ҖÇY 1 million 978 miŋ täŋgigä şamal elektr stantsiyasini ornitip, turğunlarniŋ beşini kškkä yätküzsä, tiҗarätçi Bolatjan Nurbekov bir gektar yärdiki teplitsisini yänä bir gektarğa käŋäytip, 35 yeza turğunini iş bilän täminläptu. Uşbu räqämlärni pähirliniş ilkidä atap štkän okrug hakimi Ertay Nurmahanov yeza egiligini täräqqiy ätküzüş üçün tüzülgän dšlät programmilirini paydilinip, dehançiliğini җanlandurğan turğunlarniŋ utuqliriğa tohtaldi. Mäsilän, «Quat» egiligi «Qulan» programmisi boyiçä 9 million täŋgä nesiyä elip, ilqa beqivetiptu.
Çät okruglarniŋ biri Qariyota yeza okrugidiki jiğinda nahiyä hakimi 8 yeziniŋ җülmärigän mäktäp, balilar bağçiliri vä klub benalirini äsligä kältürüş biyil Almuta vilayitiniŋ hakimi Amandıq Batalovniŋ qollap-quvätlişi bilän qolğa elinidiğanliğini hävärlidi. Andin okrug hakimi Erik Süleymenov hesavat bärdi. Qariyotida 17 kiçik vä ottura tiҗarät tirkilip, 48 adäm iş bilän täminlängän. Bultu intensivliq bağ pärviş qilidiğan egiliklärgä 762 413 455 täŋgä investitsiya tartilip, 350 adäm iş bilän täminlängän.
İşiktä şähiridä štkän uçrişişta Binäli Isqaq štkän jili atqurulğan işlar vä keläçäkkä bälgülängän reҗilär häqqidä doklad oqudi.
Yeza egiligi. 2017-jiliniŋ nätiҗisi boyiçä yeza egiligi hosuliniŋ miqdari 99 milliard 827 million täŋgigä yetiptu. Bu kšrsätküç 2016-jili bilän selişturğanda 20 milliard täŋgigä šskän. Juquri kšrsätküçlärgä qol yätküzüştä Dšlät rähbiriniŋ yeza egiligi kooperativlirini quruş häqqidiki säyasiti säväp bolmaqta. Ötkän jili nahiyädä 16 yeza egiligi kooperativi qurulğan. Ularni täräqqiy ätküzüş üçün byudjetten 419 million täŋgä, yeza egiligini täräqqiy ätküzüş üçün 2,3 milliard täŋgä bšlüngän.
«Sıbağa», «Qwlan» vä «Altın Asıq» programmiliri boyiçä 7909 gektar yärdä bağ vä üzüm bağçiliri bärpa bolğan. Uniŋ 907 gektarini intensivliq bağlar täşkil qilidu.
Dšlät rähbiriniŋ Mäktübidiki väzipilärni ämälgä aşuruş mähsitidä barliq küç-ğäyrät nahiyäniŋ resursini rivaҗlanduruşqa särip qilinğan. Moşu yšniliştä Masaq yeza okrugida 4,5 MVt şamal elektr stantsiyasi selinip, uniŋğa җälip qilinğan investitsiyaniŋ kšlämi 2,6 milliard täŋgä ätrapida. Türgün däriyasidiki quviti 1,4 MVt gidroelektrostantsiyagä kšlämi 300 million täŋgilik investitsiya särip qilinğan.
Biyil Sšgiti yeza okrugida quviti 200 MVt, Masaq yeza okrugida quviti 55 MVt ikki şamal elektrostantsiyasiniŋ, İşiktä däriyasidiki GES kaskadiniŋ quruluşi ayaqlişiş aldida turidu.
Kiçik vä ottura tiҗarät. Nahiyä hakimiyiti täripidin tiҗarätni rivaҗlanduruş yolidiki barliq tosalğuluqlarni män°iy qiliş, täkşürüşlärni qisqartiş, biznesni täräqqiy ätküzüş üçün qolayliq şaraitlarni yaritiş vä maddiy qollap-quvätläş nätiҗisidä kiçik vä ottura tiҗarät durus yolğa qoyulğan. Mäsilän, «Biznesniŋ yol häritisi – 2020» programmisi boyiçä 1 milliard 621 million täŋgilik 15 layihä mäbläğ bilän täminlängän.
Kiçik vä ottura tiҗarättin 4 milliard 230 million täŋgä seliq çüşüptu. Bu 2016-jili bilän selişturğanda 413 million täŋgigä artuq.
İnvestitsiya, quruluş-montaj işliri. Nahiyä ihtisadini täräqqiy ätküzüş mähsitidä 2017-jili 30 milliard 600 million täŋgä investitsiya җälip qiliniptu. Ötkän jili 14,2 miŋ kvadrat metr turğun šy quruluşi planlanğan bolsa, ämäliyatta 15,4 miŋ kvadrat metr turğun šy seliniptu.
İnfraqurulum. 2017-jili nahiyä yollirini җšndäş üçün 1 655 million täŋgä bšlünüp, 39,6 çaqirim yol muräkkäp, 74,7 miŋ kvadrat metr yol eqimdiki remonttin štkän.
2017-jili Ğulҗa vä Örnäk yeziliriğa su trubiliri tartildi. «Öŋirlerdi damıtu» programmisi boyiçä 14 yezida su trubiliri eqimdiki remonttin štüp, nahiyä hälqini su bilän täminläş 86 payizğa yätkän. Biyil Avat, Kazatkom, Ekpindi vä Kšldi yeziliriniŋ su trubiliriniŋ quruluşini jürgüzüş üçün 650 million täŋgä bšlünüptu.
Ötkän jili nahiyägä gaz kirgüzüş qolğa elindi. İşiktä şähiri bilän Çeläk yezisida däsläpki istimalçilar gaz sistemisiğa qoşuldi.
İş bilän täminläş, iҗtimaiy qollap-quvätläş. Häliqni iş bilän täminläş mähsitidä 2017-jili 2420 yeŋi iş orni eçilip, işsizlar sani azayğan. Nahiyädä ottura maaş miqdari 94,7 miŋ täŋgigä yetiptu. 17600 adämgä 405 million täŋgilik iҗtimaiy yardäm kšrsitiliptu. Nahiyäniŋ iş bilän täminläş märkizi arqiliq 1551 mümkinçiligi çäklängän adäm işqa orunlaşturulğan. 183 Uluq Vätän uruşiniŋ veteraniğa vä naka balilarğa sanatoriya-kurortlarda davalinişi üçün yollanma berilgän.
Maarip. Mäktäp tamamliğuçiliriniŋ Milliy birtutaş testtiki kšrsätküçi 83,2 ballni täşkil qiptu. Bu 2016-jilğa qariğanda 1,2 ballğa juquri. 74 oquğuçi «Altun bälgü» sahibi atalsa, 61 oquğuçi alahidä şahadätnamigä erişkän. 321 tüläk aliy oquş orniğa grantqa oquşqa çüşüptu.
2017-jili İşiktä şähiridä vä Çeläk yezisida 600 orunluq yeŋi mäktäplär eçilğan. Alğa yezisida 50 orunluq ihçam märkizi bar 300 orunluq, Jaŋaşarua yezisida 120 orunluq mäktäp benaliriniŋ, Avat yezisidiki Ömär Muhämmädiy namidiki ottura mäktivigä qoşumçä 300 orunluq benaniŋ, Örikti yezisi ottura mäktivigä qoşumçä 300 orunluq benaniŋ quruluş işliri başlandi. Nätiҗidä nahiyädiki üç smeniliq mäktäplärniŋ sani bälgülük däriҗidä qisqiraydiğan bolidu.
Salamätlikni saqlaş sahasi. 2017-jili nahiyäniŋ meditsina hadimliri 1 million 82 miŋ adämgä meditsiniliq yardäm kšrsitiptu. Bu kšrsätküç 2016-jili bilän selişturğanda 3,7 payizğa šskän. Nahiyädä jüräk qan tomurliri, hätärlik işşiq vä sil ağriqliriğa duçar bolğanlarniŋ sani aziyip, ana šlümni qisqartiş yolida sezilärlik utuqlar qolğa kältürülmäktä. Şundaqla gepatit, sil, brutsellez ağriqliriniŋ azayğanliği bayqilidu.
Ämgäkçiqazaq nahiyäsi.

Bälüşüş

Javap qalduruŋ