Ataŋ bar üçün

0
330 ret oqıldı

İlham ünçiliri

Sän batur, sän qiran, ataŋ bar üçün,
Aqmaydu tärliriŋ kündä tamçilap.
Җür°ät qilmaydu kelip šzgilär,
Yeğir qip müräŋni, urup, qamçilap.Sän bürküt, uçisän ataŋ bar üçün,
Qonisän ğar taşqa qanitiŋ kerip.
Qolidin kälmäydu seni etişqa,
Tursaŋmu nişan bop, peyiŋğa yetip.

Bulbuldäk sayraysän, ataŋ bar üçün,
Uçsaŋ bar qanitiŋ, tenäp kätmäysän.
Eçilğan güllärni başqa quşlardäk,
İzdäp heçqaçan kinäp kätmäysän.

Sän gaday ämässän, ataŋ bar üçün,
Çapsaŋ kätmänni tapisän altun.
Yaqqan otliriŋ šçmäs tonurda,
Püvdäp turğaçqa çiqidu yalqun.

Sän gšzäl nurluqsän, ataŋ bar üçün,
Üzüŋni basmaydu heçqaçan qoruq.
Bäzidä düm çüşüp yatsaŋ dalada,
Ätrapiŋ bäribir kšrünär yoruq.

Sän kekäç ämässän, ataŋ bar üçün,
Kšpçilik diliŋni tilsiz çüşinär.
Yatsaŋ, tepçäkläp, şärät qilalmay,
Qeşiŋdin štkänlär salidu näzär.

Çaqmaqmu çeqilmas, ataŋ bar üçün,
Çeqilsa, çüşmäydu seniŋ qeşiŋğa.
«Җan balam» däp ataŋ turğaçqa hağda,
Därt-äläm kälmäydu härgiz beşiŋğa.

Qäländär bolmaysän, ataŋ bar üçün,
Ömürniŋ tizginin tutup turğaçqa.
Kätmäysän tenäp, makansiz çšldä,
Öyüŋniŋ hulini qurup qoyğaçqa.

Ey, dostlar, çüşänsäk, šmür bäk qisqa,
Amma, šlüm yoq, Ata bar turup.
Bayqimay, ränҗitip Atini şuŋa,
Qalmisaq bolğini keyin ah urup.

Külkäŋgä yätmäydu

(Ağinäm Abduvaҗitqa)
Qädirdan ağinäm jiraqta,
Kšŋlümiz bäk yeqin biraqta.
Ümüt qip yaşayli җännätni,
Kirmäyli heçqaçan dozaqqa.

Yaşliqniŋ otida kšyduq biz,
Özgini dost qilip šttuq biz.
Düşmän kep, nahäq qarilisa,
Demäk, äҗälsiz šlduq biz.

Ömürniŋ kšpini uzatqaç,
Qaldiğu biz basqan izimiz.
Һär yaqta hiyal qip jürsäkmu,
Jüräktä hämmini sezimiz.

Düşmängä zadila yaqmaydu,
Yahşi däp, män seni yaqlisam.
Huş çiray çiqqinä aldimğa,
Seğinip, gär seni yoqlisam.

Adäm kšp koçida izdisäm,
Һämmisi dost bolup štmäydu.
Özginiŋ gül sunup bärgini,
Bir seniŋ külkäŋgä yätmäydu.

Ablekim TOHNİYaZOV.
Qoram yezisi,
Ämgäkçiqazaq nahiyäsi.

Bälüşüş

Javap qalduruŋ