Munasiplar mukapatlandi

0
662 ret oqıldı

Yoldaş MOLOTOV, “Uyğur avazi”/ 9-fevral' küni Astanadiki җumhuriyätlik Oquğuçilar sariyida «Aliy oquş orniniŋ äŋ yahşi oqutquçisi-2017» җumhuriyätlik konkursiniŋ yäküni çiqirilip, ğaliplar mukapatlandi. Uniŋğa Qazaqstan Җumhuriyiti Bilim vä pän ministri Erlan Sağadiev qatnişip, munasiplarğa mukapatlarni tapşurdi. Äynä şularniŋ arisida «Häliqara bilim beriş korporatsiyasiniŋ» (Qazaq memarçiliq-quruluş akademiyasi) professori, memarçiliq pänliriniŋ doktori Mehribanum Ğlavdinova boldi. Mehribanum Bäkrimҗan qizi ottura mäktäpni altun medal' bilän tamamlap, Almutidiki memarçiliq-quruluş akademiyasidä bilim aldi. Mäzkür bilim därgahini 1996-jili tamamliğandin keyin moşu yärgä işqa täklip qilindi. Mehribanum atisi Qazaqstan Җumhuriyitiniŋ hizmät kšrsätkän ärbabi, tonulğan alim Bäkrimҗan Ğlavdinovniŋ izini besip, ilim-pän bilän şuğullinişqa başlidi. 2002-jili «Ottura Aziya meçitliriniŋ (Qazaqstan vä Şärqiy Türkstan misallirida) regionalliq alahidilikliri» mavzusida namzatliq dissertatsiyani, 2010-jili bolsa, «Türk qağanatliriniŋ ibadät memarçiliğiniŋ genezisi» mavzusida doktorluq dissertatsiyasini utuqluq qoğdidi. U pedagogika sahasida bakalavriatlar, magistrlar vä doktorantlar üçün täyyarlanğan tipliq programmilar, metodikiliq komplekslarniŋ muällipi.
Yaş alimniŋ yänä bir alahidiligi, u lektsiyalirini rus tili bilän birqatarda ingliz tilidimu oquydu. Mehribanum şundaqla «Häliqara bilim beriş korporatsiyasiniŋ» metodikiliq keŋişiniŋ vä memarçiliq mutähässisligi boyiçä җumhuriyätlik oquş-metodika komleksiniŋ räisi, diplom işliri konkurslirini uyuşturğuçi vä jyuri äzasi. Uniŋ rähbärligidä täyyarlanğan diplomluq vä magistrliq işlar nurğunliğan җumhuriyätlik häm häliqara konkurslarda ğalip çiqti.
Mehribanum Bäkrimҗan qizi 20 jildin oşuq vaqit davamida oqutquçiliq paaliyät bilän şuğullinip kelivatidu. Mana uniŋ şiҗaätlik ämgigi munasip bahalinip, ministr qolidin mähsus sertifikat vä medal' aldi.

Bälüşüş

Javap qalduruŋ