Häliq üçün oçuq boluşi keräk

0
590 ret oqıldı

“Nur Otan” partiyasi Räisiniŋ birinçi orunbasari Mäulen Äşimbaev märkiziy apparatniŋ barliq qurulumluq bšlünmiliri vä yardämçi täşkilatlar rähbärliriniŋ qatnişişi bilän käŋäytilgän keŋäşmä štküzdi. Keŋäşmidä Dšlät rähbiriniŋ mämlikätniŋ yetäkçi säyasiy küçini yeŋilaş boyiçä tapşurmilirini ämälgä aşuruş asasiy mavzu boldi. Partiyani yeŋilaşniŋ eniq plani täyyar. Bu islahatniŋ asasiy mähsiti – Qazaqstanniŋ ihtisadiy, säyasiy vä rohiy sahaliridiki yeŋilaş yolini säyasiy qollap-quvätläşniŋ äŋ nätiҗidarliq mehanizmlirini vuҗutqa kältürüş. Mäulen Äşimbaev säpdaşliriğa Dšlät rähbiri tapşurmiliriniŋ ämälgä aşuruluşini täminläydiğan asasiy väzipilär toğriliq sšzläp bärdi.
Birinçi novättä, kadrlarniŋ riqabätkä taqabilliğini aşuruş zšrür. Ularniŋ süpät tärkivi toluq täkşürülidu, partiyaviy bilim sistemisi yeŋi däriҗigä çiqidu. “Nur Otan” yaşlar bilän paal hämkarliqta bolidu, juquri kvalifikatsiyalik başqurğuçilarni mustäqil täyyarlap, keyin ularniŋ äŋ talantliqlirini vä paaliyätçanlirini dšlät organlirida işläş üçün kšrsitidu.
İkkinçidin, partiya ideyalärni ämälgä aşurğuçi, umummilliy kün tärtivini şäkilländürüşkä qatnişivatqan strategiyalik küç boluşi keräk. Partiya äzaliri šz paaliyitini җanlanduridu vä mämlikättä päyda boluvatqan äŋ štkür vä problemiliq mäsililärgä operativ halda diqqät bšlidu.
Biz iş şäklini häm usullirini šzgärtişimiz keräk. Biz paaliyitimizni uyuşturuşniŋ byurokratik yandişişliridin qutuluşimiz şärt. Qäğäzvazliqni vä keŋäşmilärni azaytip, işta kšpiräk iҗatkarliq-bärpakarliqni vä җoşqunluqni җariy qilişimiz lazim. Biz nätiҗidarliq vä eniq nätiҗä üçün işläydiğan täşkiliy, säyasiy vä analitikiliq märkäz boluşimiz keräk. Biz Dšlät rähbiriniŋ iҗatkarliq-bärpakarliq märkizigä aylinişimiz şärt, – däp täkitlidi Mäulen Äşimbaev.
“Nur Otan” partiyasi Räisiniŋ birinçi orunbasariniŋ tapşurmisi boyiçä ämäliyattiki barliq partiyaviy layihilärniŋ aktualliği tählil qilinidu vä bahalinidu, şundaqla yeŋiliri – kiçik vä ottura tiҗarätni qollap-quvätläş, innovatsiyalärni täräqqiy ätküzüş boyiçä layihilär täyyarlinidu. Җumhuriyätlik җämiyätlik qobulhaniniŋ işi helä җanlinidu. Şundaqla partiya äzaliri partiyani yeqinki on jilliqta täräqqiya ätküzüşniŋ uzaq muddätlik strategiyasini işläp çiqişi keräk.
Mäulen Äşimbaevniŋ sšziçä, yeŋilaş boyiçä väzipilärni ämälgä aşurğanda, Dšlät rähbiriniŋ partiyaniŋ ministrlik ämäs ekänligi toğriliq eytqan sšzini ästin çiqarmasliq muhim. Partiya räisiniŋ birinçi orunbasari käsipdaşliriğa barliq partiyaviy işni yeŋilaşni toluq ämälgä aşuruş üçün šz paaliyitiniŋ usulliri bilän yandişişlirini šzgärtişni tävsiyä qildi.
“Nur Otan” partiyasi häliq üçün toluq däriҗidä oçuq bolup, mämlikätniŋ keläçigi üçün işlişi keräk, – däp täkitlidi Mäulen Äşimbaev.
Keŋäşmidä partiya katipliri Farhad Quanğanov, Ğabidolla Abdrahimov vä Qanıbek Jumaşev partiyaviy yeŋilaşniŋ däsläpki yäkünliri toğriliq sšzgä çiqti.

Bälüşüş

Javap qalduruŋ