Ätiyazniŋ ägiz suliri hovup tuğdurmaqta

0
295 ret oqıldı

Yoldaş MOLOTOV, “Uyğur avazi”/ Һazir kün issişqa başliğandin keyin elimizniŋ җay-җaylirida yeŋi hovup päyda bolmaqta. Yäni künniŋ issişidin qişta yaqqan qelin qar tez erişqa başlidi. Şu säväptin su besiş ähvalliri hazirniŋ šzidila yüz bärmäktä.
Ötkän düşänbä küni Almutidiki B.Momışulı koçisiniŋ tšvän täripidiki (avtoTsON ätrapi) ayrim yärlärni su besip kätkän. Dšlät organliri bu ähvalğa tez arida riayä qilip, çoŋ hovupniŋ aldini elişqa muyässär boldi. Su besiş ähvaliğa säväpçi bolğan ählätlärgä tolup kätkän eriqlar tazilinip, su çoŋ yoldin şoritildi. Seşänbä küni Taldiqorğan şähiri ätrapidiki Intımaq yezisini su besiş aqivitidin çoşqa qorasi ğulap birnäççä çoşqa šlgän. Bähitkä yarişa, adäm çiqimi bolmidi. Ändi Häşkiläŋ şähiriniŋ Suyunbay koçisidiki 28 šyniŋ hoylisi su astida qalğan. Şundaq vaqiälär Qarasay nahiyäsiniŋ Aqterek, Batan yeziliridimu yüz bärgän. Җambul nahiyäsiniŋ Uzunağaş yezisida säkkiz koçini su besip, 122 šy qorasi su astida qaldi. Bu yärdä suniŋ egizligi 15 santimetrğa yätkän. Talğir nahiyäsigä qaraşliq Tuzdıbastav vä Besağaş yeziliridimu şu ähval. Besağaş jutiniŋ turğuni Turğanҗan Sulaymanovniŋ eytip berişiçä, juttiki Burabay, Sätbaev, Tereşkova koçilirini häm yeza tšvinidiki kottedjlar şähärçisini su besip qalğan ekän.
Seşänbä küni käçqurunluği saat onlarda Tuzdıbastav yezisiniŋ tšvänki täripidä 50 kubometr su jiğilip, 25 šyniŋ turğunliri, miŋğa yeqin adäm kšçirildi. Bu işqa yättä avtobus җälip qilindi. Turğunlar Talğir şähiridiki ikki mäktäp vä medkollej benaliriğa orunlaşturuldi. Talğirda bolsa, bir šy šrülüp kätkän. Tez eriğan qar vä yamğur aqivitidin Ämgäkçiqazaq nahiyäsidiki Almuta – Kškpek – Kšktal җumhuriyätlik däriҗidiki yolniŋ 30 kilometri, Talğir nahiyäsidiki Almuta – Talğir yoliniŋ 64-kilometri, Җambul nahiyäsi Almuta – Taşkänt yoliniŋ 134 kilometri su astida qelip, vaqitliq härikät tohtitildi. Bu җaylardiki ähvalni äsligä kältürüş işlirini «Qazavtodor» şirkiti ämälgä aşurmaqta.
Almutida bolsa, seşänbä küni küçlük yamğur yeğişqa başlidi. Yamğur qarniŋ erişini tehimu çapsanlatmaqta. Demäk, ätiyazniŋ ägiz suliriniŋ hovupi tehimu aşmaqta. Şuŋlaşqa şähärdiki barliq eriqlarni ählätlärdin taziliş, su aqidiğan җaylarni rätkä kältürüş işliri başlandi.
Kelip çüşüvatqan räsmiy mälumatlarğa asaslansaq, su besiş aqivätliridin vapat bolğanlar yoq. Һazir hovupluq җaylarda qutulduruş vä äynä şundaq ähvallarniŋ aldini eliş işliri ämälgä aşurulmaqta.

Bälüşüş

Javap qalduruŋ