Dayim dost bolup qalayli!

0
5 668 ret oqıldı

Jildiqi än°änä boyiçä, 1-mart küni 2018-jil üçün muştiri toplaşniŋ yäkünini çiqirimiz. Äsli muştiri toplaş yäküni yeŋi jilniŋ kirişi bilän çiqirilip bolidu. Amma jil beşida «gezitsiz qalduq, yezilsaq bolamdu?» däydiğanlar nahayiti kšp. Şuŋlaşqa yanvar', fevral' aylirini kütüşkä toğra kelidu. Redaktsiyaniŋ telefoni aram alğandin keyin muştiri toplaşniŋ yäkünigä çekit qoyimiz. Andin 1-mart gezitimizniŋ «tuğulğan küni». Şuniŋ banisida äynä şundaq bäzibir gezithanlirimizniŋ bepärvarliğini yoşurğandäk qilimiz. Amma bu qetimqi muştiri toplaşniŋ yäküni käypiyatimizni helila çüşirivätti. Çünki 2018-jili muştirilarniŋ sani sezilärlik däriҗidä kemip ketiptu. Elan qilinivatqan җädväldiki räqäm, bultuqi bilän selişturğanda, top-toğra 2125 gezithandin «ayrilip» qalğanliğimizni kšrsitidu. Şunçä muştiri nägä kätti? Bu soal bilän җay-җaylardiki jigitbaşliri, hanim-qizlar vä yeza aktivistliriğa muraҗiät qilduq. Banä kšp. Kšpçiligi «gezit šz vaqtida kälmäydu» desä, bäziliri «biz ähbaratni İnternet arqiliq elivatimiz» däydiğanlarmu tepildi. Һätta «biz toğriliq yazmiğan gezitqa nemişkä yezilattuq» degänlärmu boldi.
Gezitniŋ šz vaqtida kälmigänligi bizniŋ äyivimiz ämäs. Uşbu mäsilä ätrapida biz poçta rähbärligi bilän här häptidä degidäk sšzlişivatimiz. U yeşilidiğan mäsilä. Ändi härhil banä tepip, yezilğusi kälmigänlär bolsa, bu ularniŋ milliy ğururiğa bağliq.
Ötkändä šymu-šy kirip muştiri toplavatqan bir aktivistimiz mundaq bir vaqiäniŋ guvaçisi bolğanliğini sšzläp bärdi. Bir šygä kirsä, ikki ayal paraŋlişip oltarğidäk. Kütülmigän mehman ularğa «Uyğur avaziğa» muştiri toplap jürgänligini eytiptu. Şu vaqitta ayallarniŋ biri: «Balam, mänğu gezit oqalmaymän, kšzüm tamamän kšrmäydu, amma «Uyğurniŋ avaziğa» yezilmisam bolmaydu, monu yançuğumdiki pulni sanap kšrginä» däp iltimas qiptu. Ävu jigit sanap: «Bir yerim miŋ täŋgä ekän» däptu. Şu vaqitta šy egisi yenida oltarğan hoşnisidin yänä ikki miŋ täŋgä qärizgä elip, gezitqa muştiri boptu.
Bizniŋ näq äşu momayğa ohşaş җankšydüridiğan muştirilirimiz nurğun. Mäsilän, elan qilinivatqan җädväldin orun almiğan Җambul nahiyäsiniŋ märkizi – Uzunağaş yezisini misalğa alayli. Bu yezida muştirilirimiz sani štkän jilğa nisbätän helila kšpiyip, biyil ularniŋ sani 185kä yätkän vä, umumän, nahiyä boyiçä 200din aşqan. Şundaqla İli nahiyäsinimu misalğa kältürüşkä bolidu. Bu tävädin gezitimizğa 43 adäm yezilğan. Qarasay nahiyäsiniŋ Qoşmämät yezisi toğriliqmu şundaq deyişimiz mümkin.
Biz, gezit hadimliri, här jili җay-җaylarğa berip, muştirilar bilän uçrişişlarni štküzimiz. Äynä şundaq päytlärdä aldimizdin märt-märdanä oğlanlirimiz çiqip, šziniŋ halisanä yardimini kšrsitişkä täyyar ekänligini eytidu. Äynä şundaq hamiylirimizniŋ biri – milliy mädäniyitimizniŋ җankšyäri Zakirҗan Kuziev. U yaqniŋ işi Panfilov nahiyäsidä bolğaçqa, här jili yarkäntliklärniŋ muştiri boluşiğa yardämlişidu. Zakirҗan Pirmähämmät oğliniŋ mehir-sahavätligidin dayim bähirlinip jüridiğan uniŋ yeqin dostliri, yarkäntlik tonulğan tiҗarätçilär Serik Aqsubaev bilän Tasqın Japarqul «biz uyğur bilän bir parçä nanni täŋ bšlüp yävatimiz, muştiri toplaşqa bizmu ülüşimizni qoşayli» däp šzliri täşäbbus kštärdi. Mundaq täklipni quçaq yeyip, qarşi alduq. «Üç aka-uka» bu jili 400din oşuq adämniŋ muştiri boluşiğa yardäm qildi. Һäqiqiy dostlar äynä şundaq boluşi keräk.
Һär jili muştiri toplaş mävsümi başlanğanda, җumhuriyätlik Uyğur etnomädäniyät märkizi bizni rohiy җähättin qollap-quvätläp kälmäktä. Bu yärdä Abdureşit Mähsütov başçiliğidiki jigitbaşliri bilän Sänäm Beşirova vä uniŋ orunbasari Taҗinisa Tohtieva rähbärligidiki hanim-qizlarniŋ ämgigini alahidä tilğa elişqa ärziydu. «Nuraniy anilarniŋ» beşini qoşuvatqan Gülҗahan Muratova šzi istiqamät qilidiğan «Qayrat» mähällisidila ämäs, uniŋ sirtidiki muştirilarniŋ saniniŋ kšpiyişigä šziniŋ yançuğidin pul häşlävatqan insanlarniŋ biri. Millätpärvär anilardin tärkip tapqan «Җanan» (räisi Mizangül Avammisimova), «Anilar» (räisi Zoräm Avutova) keŋäşliriniŋmu muştiri toplaşqa qoşqan ülüşi bebaha.
Uniŋdin başqa redaktsiyamizgä «pensionerlar bilän qoli qisqa adämlirimizni gezitqa yezip qoyuŋlar» däp ikki-üç muştiriğa yätkändäk pul kštirip kelidiğan adämlär bar. Bäzilär kiçik peyilliq qilip, šzlirini tonuşturmayla ketip qalidu. Ändi talğirliq Şeripҗan İliyarov bilän Ärkintay Mäğrupov ikkisi 30 adämniŋ, «BASF-TsA» ҖÇYniŋ tseh başliği Bähitҗan Mämirov on adämniŋ, «SOSMO TRAVEL KZ» ҖÇYniŋ mudiri Mahiräm Şäripova vä «RIAD CREATIVE GROUP» iҗadiy topiniŋ mudiri Riad Qurbanov 15 adämniŋ muştiri boluşiğa yardäm qildi. Häliq arisida içidin kšyünüp gezitimizni täşviqat qilip jürgän dostlirimizmu bar. Şularniŋ biri – «Şatliq» şähsiy teatriniŋ mudiri Şatliq Hudayqulov. U «Alğabas» mikrorayonida muştirilar saniniŋ kšpiyişigä šziniŋ salmaqliq hässisini qoşmaqta. Eytivärsäk, bizniŋ äynä şundaq dostlirimiz nahayiti kšp.
Dayim dost bolup qalayli, qerindaşlar!

Bälüşüş

Javap qalduruŋ