«Män anamğa gül tuttum»

0
5 149 ret oqıldı

Mäktäpkä beriş üçün kündä җedäl bilän ornidin aran turidiğan altä yaşliq oğlum quliğimğa: «Dada, uhlaverämsän, tur. Untup qaldiŋmu? Gülgä barimiz» däp piçirlidi.
Tehi tüzükkinä oyğinip ülgärmigän män uniŋ nemä dävatqinini däsläp çüşänmidim. Keyiniräk keçä uhlaşniŋ aldida «Dada, ätä 8-mart apamniŋ mäyrimi. U ohanğiçä bazarğa berip gül elip keläyli» degini yadimğa käldidä, därhal turup, uniŋ «pärmani» bilän bazarğa kättuq. Taŋ ändila etivatqanliqtin, gül satidiğan birnäççä dukanğa barsaqmu, ular tehi eçilmaptu. Şundaq qilip, gül izdäp helila yol meŋivättuq. Aŋğiçä vaqit bir yärgä berip qaldimu, äytävir, gül dukanliri eçilişqa başlidi.
Şu ariliqta maşininiŋ arqa orunduğida oltarğan oğlum maŋa bir munçä gäplärni qilip ülgärdi.
– Dada, gülni män šzäm tallaymän. Çünki män bügün anamni hoşalliqqa bšläşni mähsät qildim. Undaq qilmisam, äsla bolmaydu. Muällimimizniŋ eytişiçä, ana duniyadiki äŋ mehrivan häm pärzändi üçün otqimu, suğimu kiridiğan insan ekän. Şuŋlaşqa ularni dayim hšrmätläp, heçqaçan ränҗitmäŋlar» dedi. Män apamni yahşi kšrimän vä uniŋ dayim yenimda boluşini halaymän.
Oğlumniŋ bu sšzini aŋlap, nemä deyişimni bilmäy qaldim. İçimdä pärzändimgä moşundaq tälim bärgän ustazğa apirin äylidim.
Ahiri, kšzniŋ yeğini yäydiğan räŋmu-räŋ güllär setilivatqan bazarğa kälduq. Biraz maŋğandin keyin oğlum: «Dada, moşu yärdin alayli, bu ayalniŋ gülliri tolimu çirayliq ekän» dedi. Ätigändiki «şärt» boyiçä, män uniŋğa «yaq» dälälmidim. Oğlum setiqçiğa «Bizgä üç güldästä keräk. Biraq ular bir-birigä ohşimasliği lazim. Äŋ yahşisidin birni beriŋ, män uni anamğa tutimän. Qalğan ikkisimu çirayliq bolsun. Ularniŋ birini ustazimğa, yänä birini hädämgä soğa qilimän» devidi, setiqçi oğlumniŋ äqligä qayil bolğan halda mänilik qarap qoydi.
Güldästilär täyyar boldi. Ularni qoliğa alğan oğlumniŋ hoşalliğida çäk yoq. «Dada, maşinida oltirip turimän» däp çiqip kätti. Amal yoq, maşinamni ançä-munçä remontlavalimänmekin» däp neri qilip qoyğan pullirim birdämdila yoq boldi.
Öygä kelivatimiz. Oğlumniŋ çirayiğa qarisam, u yänä bir närsä demäkçi boluvatqandäk bilindi.
— Yänä nemä eytariŋ bar? — dedim uniŋ kšŋlidiki gäpni tapalmiğandin keyin. Bala degän balidä. Huddi heçnärsä bolmiğandäk sšzläpla kätti.
— Dada, šygä quruq gülni kštirip kirsäk, uyat bolar. Yoldiki dukanlarniŋ biridin tort elivalsaq, qandaq qaraysän? Şundaq qilsaq, ular tehimu hoşal bolup ketidiğu, hä?
Oyumda hesaplap kšrsäm, yançuğumda bir tortqa yätkidäk ahça bar ekän. «Boptu» dedimdä, torttin birni alduq. Uni šzäm tallidim.
Öygimu yetip kälduq. Bizniŋ kelişimizgä šydikilär ändila naştiğa oltarğan ekän. Oğlum aldiraşliq bilän anisiğa mäktäptä yadliğan şeirini eyttidä, güldästiniŋ äŋ esilini täğdim qildi. Buniŋdin beşi kškkä yätkän ayalimniŋ kšzidä ihtiyarsiz hoşalliq yaşliri päyda boldi. Andin u hädisinimu sämimiy täbriklididä, «Dada, saŋa çoŋ rähmät» däp qoyup, šziniŋ bšlmisigä kirip kätti.
Şu küni uniŋ «Män bügün anamğa gül tuttum» demigän adimi qalmidi. Bu kün oğlumniŋ yadida mäŋgü qalidiğanliği talaşsiz. Amma käçkä yeqin uniŋ maŋa «Dada, sän momamğa gül tutqanmu?» degän soali meni çoŋqur oyğa saldi.
Män anamğa gül tutuş bu yaqta tursun, šzini kšrmiginimgä bir jildin eşiptu. Anda-sanda telefon arqiliq sšzlişip qoyğinimni demisäm, tirikçilik koyida jürüp, uni seğinipmu kätmäptimän. Män moşundaq pärzäntlik borçumni ada qilalmisammu, u härqaçan «Balam, qäyärdä jürsäŋmu, aman bolğin» däp meniŋ ğemimdä yaşaydu. Tonuş-bilişlär mäligä berip qalsa, maŋa atiğan bazarliğini ävätişni härgiz yadidin çiqarmaydu. «Oğlum yahşi kšridu» däp šzi tonurda yaqqan nandin birnäççisini selip qoyuş – uniŋ adättiki işi. Һä, män bolsam, huddi asmandin çüşüp qalğandäk, šzäm bilän šzäm bolup, tapqan-tärginimni çeçiptimänu, ularniŋ halidin hävär elişni yadimdin tamamän çiqirip qoyuptimän.
Ägär bügün oğlum maŋa ata-anini qandaq qädirläş toğrisida sšzläp bärmigän bolsa, meniŋ bu hayatiy hataliqlirim qaçanğiçä davamlişattikin?! «Meni käçür, Ana!» degüm käldi kšzümni yaş ägip.
Aldimizda uluq Noruz mäyrimi. Män çoqum anamni yoqlap barimän!
Mäşür SASİQOV.

Bälüşüş

Javap qalduruŋ