Appaq qarda qizil qan (Bolğan vaqiä asasida)

0
564 ret oqıldı

Ätigändin tartipla u yaqtin, bu yaqqa maŋğan maşinilar tünügün taŋ atqiçä yaqqan qarni çäyläp çiŋdavätkäçkä, koçida muz qatqan edi. Äynä, boyi säl uzuniraq, aqüzlük, burniniŋ sol täripidä meŋi bar Älqäm bilän qoşmaqaşliq, doğilaŋ kälgän Murat ikkisi koçidiki balilarniŋ içidä çoŋliri bolğaçqa, mäktäptin kelişi bilänla uşşaqlarni jiğdi. Balilar ikki topqa bšlünüp, hokkey oynimaqçi boldi. Koçiniŋ ikki täripigä qoş yoğan taşlardin yasalğan «därvaza» qoyuldi. Bälgülük vaqittin keyin kündila balilarniŋ oyunidin mämnun bolidiğan yeşi çoŋiraq Azat oyunni başlaş üçün ikki barmiğini eğiziğa tiqip, üşqetip, “oyunni başlaŋlar!” degän bälgü bärdi. Däsläp Muratniŋ komandisi helä maharät kšrsitip, alğa çiqti. Oyunniŋ däsläpki qisminiŋ ayaqlişişiğa az qalğanda, Älqämniŋ komandisi birdinla җoşqun küç kšrsitip, oyun hesavini täŋläştürdi.
Ahirqi taym başlinişi bilän här ikki komanda tehimu qizğin oyunğa kirişti. Şayba mäydanniŋ içidä peqirap-läyläpla jürdi, därvazilarğa tamamän yeqin kälmidi. Balilar biraz herip qalğanmu, äytävir, oyun asta bir qelipta štüvatmaqta edi. Älqämniŋ därvazisiğa novättiki huҗum qilinişi bilän, därvaziçisi urulğan şaybini därhal toravaldi. Därvaziçi oyunni başliğiçä, Murat moşu päytni paydilinip, šz komandisiğa yänä bir rät işarä qilip, räqiplirini yeŋivelişqa çaqirdi.
Klyuşkilarniŋ «taq-tuq» avazliri helä yärlärgiçä aŋlinip turatti. Kütülmigän yärdin Muratniŋ komandisi yänä bir şaybini šz därvazisiğa kirgüzüp qoydi. Murat komanda äzalirini ändi mundaq hataliqqa yol qoymasliqqa çaqirdi.
Oyun moşundaq qizğin štüvatqan bir mäzgildä, qişniŋ qiliçtäk štkür soğiğa qarimay, balilar üstidiki “artuq jük” boluvatqan çapan-җugiliri bilän qulaqçilirini çättiki qarniŋ üstigila atti. Ahirqi minutlarda Muratniŋ komandisidiki huҗumçi Rinat räqiviniŋ qoğdiğuçisini aldap štüp, şaybini uttur därvaziğa bar küçi bilän urdi. Amma därvaziçi Älqäm şaybini çäbdäslik bilän qayturuvätti. Lekin tayiği qolidin çiqip kätti. Һuҗumçi ikkinçi rät urğanda şayba därvaziçiniŋ putiğa täkkän edi…
Älqämniŋ qattiq vaqiriğan avazdin balilar bäk çšçüp, aŋ-taŋ bolup, uniŋ yeniğa kelişti. Putidin eqivatqan qanni vä terisidin sunup teşiğa çiqqan ustihinini, umumän, eğir җarahätlängänligini kšrgän ular dostini kštirip šygä elip kätti.
Älqämni šydikiliri dohturhaniğa elip bardi. Lekin teni tehi qatmiğan җanğa bu küç bäk täsir qildimu yaki täğdirniŋ yazmişi şumu, kšp štmäyla, on güliniŋ tehi biri eçilmiğan Älqämniŋ hayati bevaqit soldi…
Oyunda Älqäm җenini tikip, räqiplär huҗumiğa taqabil turğan bolsimu, äҗäl aldida mundaq iradisini kšrsitälmigän edi …
Abdulҗan AZNİBAQİEV.

Bälüşüş

Javap qalduruŋ