Mahinurniŋ meyizliq nanliri

0
625 ret oqıldı

Gšhärbüvi İSMAYİLҖANOVA, «Uyğur avazi»/ Һazir Yarkänt baziriniŋ šzidä nan satidiğan onçä dukan bar. U yärlärdin härhil nan mähsulatlirini setivelişqa bolidu. Bahalar härhil. Bayqiğinim, kšpçilikni nanniŋ bahasi ämäs, «kimniŋ neni?» ekänligi qiziqturidu. Setiqçilardin «Mahinurniŋ neni» degän җavapnimu kšp aŋlaydiğan bolduq. Şundaq qilip, Mahinur degän kim?Muällim Mahinur
– Çuluqay mäktividä (hazirqi Җamalidin Bosaqov namidiki ottura mäktäp) oquvatqan jilliri muällim boluşni arman qilattim, – däydu Mahinur hädä (1-sürättä) baliliğini äsläp. – Boş vaqit tapsaqla, bir koçida turidiğan hoşna qizlar bilän «Ağçaylam», «Bäş taş» ohşaş milliy oyunlarni oynap çoŋ bolduqqu. Toliraq dostlirimni, ukilirimni oltarğuzuvelip, šzämçä «muällim» boluvalattim. Bolupmu ini-siŋillirimğa ana tili, matematika pänliridin däris štkänni yaqturattim. «Oyun qepi» ukilirim sšzümgä kirmisä, җäzmän җazasini alatti. Şu baliliq arman meni 8-siniptin keyin Yarkänt pedagogika uçiliöesiğa elip käldi. Uyğur bšlümidä oqudum. Meymanqiz Rozieva, Һosmanҗan Mšrdinov, Rehimäm İbragimova, Modängül Başizova qatarliq ustazlardin tälim aldim. Rehimäm İbragimova pedagogika pänidin däris berätti. Meymanqiz Rozieva kuratorimiz edi. här ikki ustaz pedagogikiliq kollektivta alahidä hšrmät-izzätkä egä edi. Ularniŋ meŋiş-turuşliriğa, däris štüş metodikisiğa, muällimlärgä has kiyinişi, çaç ülgilirigiçä hämmimiz häväs qilattuq. Biz äynä şu ikki ustazdäk muällim bolsaq, däp arman qilattuq. Qolumğa diplom elip, muällimlik paaliyitimni Nağriçi mäktividin başlidim. Nağriçida uyğur sinipliri yepilip qaldidä, maŋa Kiçik Çiğan ottura mäktividä işläşkä toğra käldi. Mäzkür mäktäptä işläp jürüp, oylimiğan yärdin käspimni avuşturuşqa toğra käldi.

Ört šçärgüçi Mahinur

Mahinur hädä Panfilov nahiyälik šrtkä qarşi kürişiş hizmitigä işqa orunlişidu. U härbiyläştürülgän bšlüm bolğaçqa, Mahinur Ayupovağa mähsus oquş ornini tamamlaşqa toğra käldi. U Kškçetav şähiridiki Ört bilän kürişiş aliy mäktividä tähsil kšridu. Nahiyädä šrt ketiş ähvalliri pat-pat yüz berätti. Uniŋ aldini eliş, ot kätsä šçiriş, adämlärniŋ hayatini saqlap qeliş, şu bšlüm hizmätçiliriniŋ käspiyligigä bağliq edi. Mäzkür sahada tirişip işligän Mahinur Sadiq qizi instruktor, çoŋ instruktor, andin bšlüm başliğiniŋ orunbasari väzipisini şäräp bilän atqurdi.

Tiҗarätçi Mahinur
Mahinur hädä pedagogikiliq uçiliöeni tamamlap, yarkäntlik Ärkin Ayupov bilän ailä qurup, ikki pärzänt sšydi. İhtisadiy bohran yüz bärgän štkän äsirniŋ tohsininçi jilliri helimu yadimizda. Ändi şu päyttä hoşna Hitay Häliq Җumhuriyiti bilän turizm vä tiҗarätçilikni täräqqiy ättürüş mähsitidä šzara kelişim tüzülüp, çegariniŋ u yeqiğa berip, soda-setiq işlirini jürgüzüş qizğin ovҗ aldi. Mana şu päyttä Mahinur Ayupova nurğunliğan jutdaşliri qatarida hoşna dšlätkä qatnap, tiҗarätçilikkä bäl bağlidi. Şundaq qilip, Qorğas-Almuta-Qorğas marşruti bilän kündä degidäk qatnap jürüp, bu käsipniŋ qir-sirinimu ügändi. Almutiğa šzi bilän nan elip jüridiğan aditimu bar edi. Tiҗarätçi käsipdaşliri Yarkänttä tonurda pişqan uyğurniŋ meyizliq nanlirini nahayiti ätivalaydiğan. Jiraq-yeqindin kälgän bäzi turistlar Yarkäntkä tovarğa kälgänligini untup qelip, uyğurniŋ tonur nenini izdişip ketätti. Mana şuniŋdin keyin uniŋda tiҗarätniŋ yänä bir türi bilän şuğulliniş oyi päyda bolidu. Bu qetim u ailäviy tiҗarätni yolğa qoyuşqa kirişidu.

Navayçi Mahinur

Däsläp är-ayal ikki tonur bilän bir bulka pişiridiğan tsehni işqa qoşup kšridu. İşbilärmän ayal kšp štmäy nahiyälik hakimiyätniŋ qollap-quvätlişigä egä bolup, uniŋğa Yarkäntniŋ juqarqi qismidin yär aҗritilidu. U «Damu» programmisi boyiçä nesiyä eliş arqiliq zamaniviy navayhana selip, çät äldin päçlärni elip kelidu.
Bügün «Ayupov» navayhanisi nahiyädä kiçik vä ottura tiҗarätni täräqqiy ättürüşkä ämäliy җavap berivatqan şirkätlärniŋ biri. Är-ayal jigirmidin oşuq adämni iş bilän täminlävatidu. Һoylisidiki uyğurniŋ üç tonurida vä İtaliya, Rossiyadin kältürülgän päçlärdä 24 saat davamida nanniŋ härhil türliri pişirilivatidu. Bahasi 70 täŋgidin 120 täŋgigiçä. Süt vä may qoşulğan meyizliq nepiz nanğa, toğaç, pomnan ohşaş nanniŋ ondin oşuq türigä buyrutma berivatqanlarmu az ämäs. Һätta Astana, Aqtav şähärlirigä elip ketidiğanlarmu bar ekän.
– Tiҗarättä heridarni «qaçurup» qoymasliq nahayiti muhim, – däydu Mahinur Sadiq qizi. – Heridarğa, äŋ ävzili, halal hizmät kšrsitiş täläp qilinidu. Rast, biz, uyğurlar, dästihinimizni nansiz täsävvur qilalmaymiz, amma hazir uniŋ süpitigimu ähmiyät beridiğanlar kšp. Şuŋlaşqa heridarlarni ränҗitmäslikkä tirişimiz. Bu yärdä bizgä pärzäntlirimiz Qurvanҗan bilän Gšzäl qol-qanat bolmaqta.
Biz navayhaniniŋ täklip vä pikirlär kitapçisiğimu kšz jügärtip ülgärduq. «Ayupov» şähsiy navayhanisida pişirilivatqan nanlarğa bir qetimmu ärizä-şikayät yezilmaptu. Һämmisi tiläklirini «Mahinurniŋ meyizliq nanliri…» degän sšzlärdin başlaptu.

Sahavätlik Mahinur

Mahinur Sadiq qizi – nahiyälik İşbilärmän ayallar assotsitsiyasi nahiyälik şšbisiniŋ aktiv äzaliriniŋ biri. U dayim häyrihahliq işlarniŋ beşida turidu. Tapqan puliniŋ mälum qismini muhtaҗlarğa särip qilidu. Һär jili on ailini otun-kšmür, yemäk-içmäk bilän täminläş bilän billä turaqliq halda «Mäktäpkä yol» aktsiyasidä kšpbaliliq, täminati naçar üç ailiniŋ baliliriğa oquş qurallirini, issiq kiyim-keçäklärni elişqa yardämlişivatidu.
Tädbirçanliğiğa sahavätligi yaraşqan Mahinur Ayupova nahiyälik Uyğur etnomädäniyät märkizi täşkil qilinğan kündin başlap, hanim-qizlar keŋişiniŋ äzasi süpitidä uniŋ paaliyitini җanlanduruşqa at selişmaqta. Mäyrämlärdä peşqädäm ustaz, arqa säpniŋ veteranliri, Qähriman anilar, yeza egiligi işläpçiqirişiniŋ märdaniliri bilän baş qoşuşlar uyuşturuşni untumaydu.
Uniŋ kšpqirliq ämgigi munasip bahasini tapmaqta. «Tädbirçan ayallar klubiğa – 20 jil», «Beybitşilik älemi» qazaq iҗadiy birläşmisiniŋ «Jıl maqtanışı» vä җumhuriyätlik Uyğur etnomädäniyät märkizi täsis qilğan «Sahavät» medali bilän täğdirländi.

Panfilov nahiyäsi.

Bälüşüş

Javap qalduruŋ