Yaqupҗanniŋ yahşiliği tola

0
6 436 ret oqıldı

Mäşür SASİQOV, «Uyğur avazi»/ Yeqinda Qizil Tuğ yezisiniŋ turğunliri moşu jutni jigirmä jildin oşuq başqurup kälgän jigitbeşi Yaqupҗan Qadirovni hšrmätlik däm elişqa uzatti. Bu uniŋ üçün moşu jillar mabaynida däsläpki qetim tšrdä oltirip, jutdaşliri bilän qom-qerindaşliriniŋ illiq tiläklirini aŋliğan birdin-bir küni bolsa keräk. Nemişkä? Çünki uniŋ nurğun vaqti dayim kšpçilik, yäni җamaätçilik işliri bilän štti. Meni uniŋ bilän Talğir nahiyälik Uyğur etnomädäniyät märkiziniŋ räisi İminҗan Tohtahunov tonuşturğan edi. Şuniŋdin etivarän Yaqupҗan akini iş babi bilän pat-pat «yoqlap» turidiğan boldum. Uniŋ häqiqätänmu jutniŋ hizmitini desä, härqandaq işini taşlaydiğan insan ekänligigä kšz yätküzdüm.
Uniŋ bilän bolğan bir sšhbättä u «Jigitbeşi boluş asan ämäs, ukam» degän edi. Gäpniŋ rasti şuki, bu väzipiniŋ hšddisidin çiqiş häqiqätänmu härkimniŋ qolidin kälmäydiğanliği eniq. Buniŋdin taşqiri, Yaqupҗan Qadirovniŋ eytişiçä, jigitbeşiğa bäzidä siliq-sipayiliq degänni tamamän çätkä qayrip qoyup, ahanät qilğanlarmu, hätta muş atqanlarmu, uruşup-talaşqanlarni yahşi qilip qoyğanda rähmitini eytişniŋ orniğa «sän kimdiŋ şunçä?» degänlärmu nurğun boptu. Şundaq bolsimu, u jutdaşliriniŋ işänçisini yärdä qoymay, imkanqädär hämmä işlarni iҗabiy häl qilişqa tirişidu häm hazirmu bu yoldin qaytqan ämäs. Şuŋlaşqa jutdaşliri uniŋ moşu adilliği vä eytqinidin yanmay, dayim kšpçilik namidin sšzläydiğanliği üçün hšrmätläydu. Yaqupҗan akiniŋ jut başquruştiki yänä bir alahidiligi şuki, u yaşlar arisidiki tärtip-intizamğa qattiq kšŋül bšlüp, ularniŋ yeŋi zamanniŋ yaman yolliriğa kirip kätmäsligi, ayrim çoŋ ävlat väkilliridä saqlinip qalğan ğevät-şikayät qiliş adätliriniŋ ularğa štüp kätmäsliginiŋ aldini elişqa tirişidu. U moşu yšniliştä erinmäy işlidi. Һätta bäzidä kšŋül ağrişlarğa uçriğan päytlirimu boldi. Lekin u yänila deginidin qaytmay, mähsitigä yätti. Keyiniräk uniŋ bu işiniŋ paydiliq täräplirini çüşängänlär minnätdarliğini eytti.
Moşundaq qaytmas iradisi arqiliq izzät-hšrmätkä erişkän Yaqupҗan akiniŋ jut başquruşta qol yätküzgän utuqliri, älvättä, buniŋ bilän çäklänmäydu. Biz bilän bolğan sšhbättä umu ular häqqidä tola gäp qilişni halimidi.
– Başqilardin päriqlinidiğan heçnärsäm yoq. 1965-jili Kätmän ottura mäktivini tamamlidim. Andin orman egiligidä işlidim. Bir jildin keyin härbiy säpkä kättim. Armiyadin kelip İçki işlar sahasida biraz zaman hizmät qildimdä, ailäm bilän moşu yeziğa kšçüp käldim. Bäş pärzändim bar, – deyiş bilän çäkländi u. Kämtarliq bilän kiçik peyilliq adämni tolimu gšzälläştüridiğu. Sšhbätdişimniŋ «män andaq iş qilğan, mundaq işlarni qilğan» demäy, qisqiçila hayatidin uçur bärgänligi meniŋda alahidä täsirat qaldurdi.
Şähsiy hayatidin taşqiri, kšpçilikniŋ, yäni kelip, šzi yaşavatqan jutniŋ abroy-inavitini saqlap, uniŋ hizmitidä boluşni borç hesapliğan adämla moşundaq minnätsiz väzipiniŋ hšddisidin çiqalisa keräk. Yaqupҗan aka äynä şundaq insanlarniŋ biri. U bu künlärdä yätmişinçi baharini qarşi elivatidu. Alla salamätligiŋizni berip, yänimu dayim jut hizmitidä boluveriŋ, Yaqupҗan aka!

Bälüşüş

Javap qalduruŋ