Diqqätkä munasip misralar

0
2 546 ret oqıldı

Һärqandaq yeŋi äsärni qäläm tutup oquş aditim bar. Hatani tepiş üçün ämäs. Özämgä yaqqan pikir-mulahizä, tiŋ, qanatliq oylarğa «än» selip qoyuş üçün. Yeŋi toplamlarniŋmu qädir-qimmiti şuniŋda. İҗatkar başqilarni ägäşmäy, bäzän çolta, saddä bolsimu šz pikri, šz mävqäsigä egä bolsa, oqurmän kšŋlimu su içidu. Şükri, ädäbiyatimizğa bir top yaşlar käldi. Ular goya šyüŋgä jiraq-jiraqlardin huş hävärlärni elip kälgän mehmanlardäk, kšŋlüŋni kštirişi häq.Һä, bügün qäläm tävritivatqan yaşlirimizniŋ çoŋ ävlattin pärqi helä bar. Ular tuyuq ğayä, şiarlarniŋ quli, qol çomiği ämäs. Һärtäräplimä bilimlik, qälimi, tiniği ärkin.
Һärhalda yaş şair Abdulҗan Aznibaqievniŋ «Yaşliq lirikiliri» namliq yeŋi toplimi kšŋlümdä yänä bir ümüt çiriğini yaqqandäk boldi. Bu qärällik milliy näşirlirimizdin sirt, qazaqtilliq näşirlärdimu äsärliri yoruq kšrüvatqan Abdulҗanniŋ ikkinçi toplimi.
«Qälbim bahari» şeirlar topliminiŋ muhärriri süpitidä uniŋ bilän yahşi tonuş bolğaçqa, bu qetim yaş şairniŋ çoŋ iҗadiy izdiniş üstidä ekänligini birdin his qildim. Yänä bir täräptin, u šzigä has uslubiğa sadiqliği bilän oqurmänni ram qilivelişi kšŋülgä qonarliq. Yäni quruq pändi-nesihät, väzilärdin qaçqan halda, bir šzigä tän täbiiy käçürmä, hislar arqiliq kitaphanğa oy taşlaydu. Һätta, šzi bilän täŋ azaplinişqa, muŋlinişqa vä şatlinişqimu mäҗbur qilidu.
Yaşliq, sšygü, visal, hiҗran häqqidä sir çäkmigän şair yoq. Çünki şeiriyätniŋ šzi moҗutluqtiki qarimu-qarşiliq, mäŋgülük küräş, şerin azap vä untulmas däqiqilärniŋ mähsuli. Abdulҗanniŋ iҗadimu moşu tuyuq çämbärgä bänt halda yaşavatqandäk kšrüngini bilän haman bir intiliş, his-tuyğular isiyankarliği bilän päriqlinip turidu. Mäsilän, «Buyrisun», «Qorqimän», «Däsläpki muhäbbät», «Kšynäk», «Jüräklärgä yärlävättuq» ohşaş şeirlar mäzmun җähättin bir-biridin tamamän jiraq. Amma mäntiqä vä ğayä turğusidin birtutaş. Yäni hayat atliq yoğan däräqniŋ härbir yapriğiniŋ şildirini seziş, his qiliş demäktur.
Oylaymänki, ägär yaş iҗatkar šzidiki moşu sezimtalliqqa sadiq bolup qalsa, keläçäktä җäzmän oqurmän qälbidin šz ornini tapidu.
Umumän, ädäbiyat häqqidä gäp qilidekänmiz, bir mudhiş täşvişniŋ bari bar. Buni sšz җahilliq deginimu bolidu. Җämiyät maddiy bayliqqa qançilik intilğansiri mäniviy, rohiy qädriyätlärniŋ qädri yoqaşqa başlidi. Bu bolupmu biz, uyğurlar, üçün orni tolmas paҗiä. Bügünki taŋda elimiz Prezidentiniŋ «Mäniviy yeŋiliniş» ğayisini alğa sürüşimu bekar ämäs. Äsli bu härqandaq qälbi oyğaq insanniŋ hayatiy kredosi, mävqäsi boluşi keräk.
Mädäniyät märkäzliri, anatilliq mäktäplär dairisidä bolsimu yaş iҗatkarlarni härtäräplimä qollap, ularniŋ iҗadiy käçlirini štküzüş, äsärlirini oquğuçilar arisida täşviq qiliş çariliri kšrülgini hop edi…
Şundaq qilip, kitap täkçimizdä yänä bir äsär-qoŋğuraq päyda boldi. Uniŋ täğdiri qandaq bolari millätniŋ aŋ-sezimiğila bağliq.
Һä, bügün qiyinçiliqlarğa qarimay, keçisi ilham, kündüzi äsärini çiqirişqa hamiy izdäp jürgän talantliq yaşlirimizniŋ härqaysisi millätniŋ iptihari boluşqa munasip.
Ähmätҗan İSRAPİLOV. Almuta şähiri.

Bälüşüş

Javap qalduruŋ