Jigitbeşiğa hšrmät kšrsitildi

0
2 053 ret oqıldı

Yoldaş MOLOTOV, “Uyğur avazi”/ Ötkän şänbä küni A.Rozibaqiev namidiki 153-mäktäp-gimnaziyadä Almutidiki “Dostluq” mähällisiniŋ baş jigitbeşi İnämҗan Hudäybärdievniŋ 70 yaşliq tävälludiğa beğişlanğan täntänä štti. Uniŋğa mäzkür mähälliniŋ jut-җamaätçiligi, ziyalilar, Almuta vä uniŋ ätrapidiki uyğur jutliriniŋ väkilliri qatnaşti. Täntänidä däsläp sšz alğan märipätçi Zerip Molotov jigirmä jilğa yeqin Dostluq jutini başqurğan İnämҗan Hudäybärdievniŋ tärҗimihali, juti vä milliti üçün atqurğan izgü işliri häqqidä täpsiliy tohtilip štti.
Mälumki, İnämҗan Hudäybärdiev jutqa baş jigitbeşi bolup saylanğandin buyan nurğun izgü işlarniŋ täşäbbuskari boldi. Uyğur teatriğa tamaşibinlarni җälip qiliş, milliy näşirlirimizgä muştiri toplaş, balilarni ana tilida oqutuş, toy-tškün, näzir-çiraq işlirida israpçiliqqa yol qoymasliq ohşaş işlarda jut-җamaätçilikni säpärvärlikkä kältürüşkä muyässär boldi. Dostluq juti millitimiz mädäniyitigä munasivätlik işlarda dayim aldinqi säptä bolup turdi, başqa jutlarğa ülgä boldi. İnämҗan Hudäybärdiev şundaqla ҖUEM yenidiki Jigitbaşliri keŋişi räisiniŋ orunbasari, Almuta şähiriniŋ baş jigitbeşi süpitidimu tilğa alarliq işlarni ämälgä aşurdi.
Şuniŋdin keyin minbärgä Qazaqstan Җumhuriyiti Parlamenti Mäҗlisiniŋ deputati, ҖUEM räisi Şahimärdan Nurumov kštirildi.
Uyğurlarniŋ tarihi qançä äsir bolsa, jigitbaşliri institutiniŋ tarihimu şunçilik, — dedi Şahimärdan Üsäyin oğli. — Buni män işäşlik eytalaymän. Һämmimizgä mälum, biz, uyğurlar, jigitbeşi qilip häliq içidä abroyi bar, hšrmätlik, mahir täşkilatçi, häliq mänpiyiti üçün hizmät qilidiğan adämlärni saylaymiz. Bügün mana äynä şundaq insanlarniŋ biri İnämҗan Hudäybärdievni 70 yaşliq tävälludi bilän täbriklävatimiz. Moşu yärdä yänä bir närsini alahidä täkitläp štüşni toğra kšrüvatimän. Һazir Qazaqstanda milliy mädäniyätni, sän°ätni, ana tilini, tarihni, än°änilärni saqlap, täräqqiy ätküzüş üçün hämmä şaraitlar yaritilğan. Bolupmu uyğurlar üçün moşundaq şarait duniyaniŋ başqa heçbir dšlitidä yoq. Biz şuni yahşi çüşinäyli vä qädrini biläyli. Mana yeqindila Prezident Nursultan Nazarbaev šziniŋ «Bäş iҗtimaiy täşäbbusini» elan qildi. Moşu muhim hšҗҗättä yaşlarni baş-pana, iş bilän täminläş vä başqimu mäsililärgä alahidä kšŋül bšlüngän. Demäk, bizniŋ aldimizda Prezident qoyğan muhim mäsililär, aliy mähsätlär turidu. Moşu iҗtimaiy mäsililärni ämälgä aşuruş mähsitidä dšlät byudjetidin 1 trillion täŋgä bšlündi. Äynä şu nişanlarğa yetiş üçün bizgä birlik, šmlük, ittipaqliq keräk. Pursättin paydilinip, İnämҗan Mäşräp oğlini şanliq tävälludi bilän täbrikläp, salamätlik, hatirҗämlik tiläymän.
Şuniŋdin keyin Şahimärdan Nurumov tävällud egisigä Qazaqstan hälqi Assambleyasiniŋ Pähriy yarliğini tapşurup, Parlament Mäҗlisi namidin çapan kiygüzdi.
Öz novitidä sšz alğan Almuta şähärlik mäslihätniŋ deputati Şavkät Ömärov, Q.Ğoҗamiyarov namidiki җumhuriyätlik Uyğur dšlät akademiyalik teatri mudiriniŋ orunbasari Savutҗan Sonurov bilän baş administrator Abdusattar Turdibaqiev, jut mštiväri Obulqasim qari, ҖUEM yenidiki Jigitbaşliri keŋişiniŋ räisi Abdureşit Mähsütov, Ävezov nahiyälik Uyğur etnomädäniyät märkiziniŋ räisi Burhandin Taҗidinov vä başqilar İnämҗan Hudaybärdievniŋ ämgigini täkitläp, tävällud egisigä izgü-tiläklirini izhar qildi.
Şuniŋdin keyin sšz alğan İnämҗan Hudaybärdiev jiğilğanlarğa šz minnätdarliğini izhar qilip, salamätligigä bola baş jigitbeşi hizmitini tapşurup beriş niyitiniŋ barliğini eytti. Uniŋ bu iltimasi җamaätçilik täripidin qobul qilindi. Җamaätçilikniŋ täklivi bilän bu hizmätkä ikki namzat, yäni Azat İbragimov bilän Ärkin İmrämzievniŋ namzatliri tävsiyä qilindi. “Dostluq” mähällisi җamaätçiliginiŋ oçuq avaz berişi bilän Azat İbragimov “Dostluq” mähällisiniŋ baş jigitbeşi bolup saylandi.

Bälüşüş

Javap qalduruŋ