Dostanä munasivätlär qeliplaşti

0
246 ret oqıldı

Nursultan Nazarbaev Koreya Җumhuriyitiniŋ taşqi işlar ministri Kan Gёn Hva bilän uçraşti. Sšhbät davamida täräplär ikki mämlikät otturisidiki hämkarliqniŋ muhim mäsililirini vä soda-ihtisadiy munasivätlärni täräqqiy ätküzüş istiqbalini muhakimä qildi. Dšlät rähbiri Koreya Җumhuriyitiniŋ taşqi işlar ministriğa iltipat bildürüp, ikkitäräplimä alaqilarniŋ işänçä harakterğa egä ekänligini täkitlidi.
— Astana bilän Seul otturisida qoyuq šzara işänçä vä dostluq munasivätlär qeliplaşti, ihtisadiy hämkarliq aktiv šsüvatidu. İhtisadiy häm gumanitarliq šzara härikätniŋ nurğunliğan mäsililiri häl qilinivatidu. Biz silärniŋ Märkiziy Aziyadä ämälgä aşuruvatqan aktiv işiŋlarni qollap-quvätlävatimiz, – dedi Qazaqstan Prezidenti.
Öz novitidä Koreya Җumhuriyitiniŋ taşqi işlar ministri uçraşqanliği üçün minnätdarliğini bildürdi vä Qazaqstan paytähtini ziyarät qiliştin alğan täsiratliri bilän ortaqlaşti.
— Bu – Qazaqstanğa vä Astanağa qilğan däsläpki säpirim. Säpirimniŋ silärniŋ paytähtiŋlarniŋ 20 jilliğini mäyrämläş jiliğa toğra kelivatqanliği muhimdur. Astananiŋ moşu vaqit içidä näqädär çoŋ täräqqiyat yolini besip štkänligidin nahayiti täsirländim, – dedi Kan Gёn Hva.
Uçrişiş davamida taşqi säyasät idarisiniŋ rähbiri Nursultan Nazarbaevqa Koreya Җumhuriyitiniŋ Prezidenti Mun Çje İnniŋ salimini yätküzdi.
— Prezident Mun Çje İn mämlikätlirimiz otturisida 25 jil mabaynida şäkillängän hulğa asaslinip, qeliplaşqan hämkarliqni täräqqiy ätküzüşni vä çoŋqurlitişni davamlaşturuş niyitidä, – dedi Kan Gёn Hva.

Bälüşüş

Javap qalduruŋ