Keläçäk yaşlarniŋ qolida

0
376 ret oqıldı

Sabiräm ÄNVÄROVA, «Uyğur avazi»/ Pärzänthana. Kšpligän aililärgä süyünçä yätküzüp, untulmas däqiqilärniŋ guvaçisi boluvatqan uşbu märkäzdä ana vä baliniŋ amanliği, salamätligi üçün hizmät qilivatqan aqhalatliq ävzäl җanlar keçä-kündüz tinim tapmaydu. Uyğur nahiyälik tuğuthaniniŋ yaş häm täҗribilik mutähässisi Gülnaräm Abdukärimova bilän sšhbätlişiş җäriyanida buniŋğa yänä bir qetim kšz yätküzduq.–– Gülnaräm Musaҗan qizi, aŋlişimizçä، siz yeqinda Astana şähirigä berip, «Jas Otan» yaşlar qanitiniŋ İV qurultiyiğa qatnişip käpsiz. Ägär, qarşi bolmisiŋiz, sšhbitimizni paytähtkä bolğan säpiriŋizdin başlisaq…
– Märhämät, «Nwr Otan» partiyasi Uyğur nahiyälik şšbisi täripidin «Jas Otan» yaşlar qanitiniŋ İV qurultiyiğa qatnişiş pursitigä erişkinim üçün šzämni bähitlik his qilimän. Çünki bu meniŋ elimiz paytähti – Astana şähirigä birinçi säpirim boldi. Astananiŋ kšrsä، kšz toymaydiğan qiyapitidin bšläkçä täsirländim.
Ändi uşbu qurultay häqqidä täpsiliy eytip bärsiŋiz?
Mäzkür qurultayniŋ mähsiti, Prezidentimizniŋ «Bäş iҗtimaiy täşäbbusi» bilän «Keläçäkkä nişan: mäniviy yeŋiliniş» programmiliq maqalisida eytilğanlarni ämälgä aşuruşta yaşlarniŋ väzipilirini muhakimä qiliş ekän. U küni Astana kongress märkizigä elimizniŋ barliq vilayätliridin miŋdin oşuq yaş jiğildi. Qurultay “dügläk üstäl” ätrapida štti. «Jas Otan» yaşlar qanitiniŋ räisi Daniyar Sündetbaev qurultayni räsmiy açqandin keyin, uniŋ davami soal-җavaplarğa ulaşti. Çüştin keyin «Mäniviy yeŋiliniş»، «Qazaqstanda yasalğan»، «Bilim, ilim, innovatsiya»، «Räqämlik Qazaqstan»، «Sağlam millät» ohşaş 5 sektsiyagä bšlünüp, muzakirigä çüştuq. Bu meniŋ hayatimdiki ästin çiqmas bir kün boldi. Şu päyttä Qazaqstanniŋ keläçigi yaşlarniŋ qolida ekänligigä yänä bir qetim kšzüm yätti. Ägär, dšlät täripidin yaşlarğa mümkinçiliklär yaritilsa, ularniŋ tehimu çoŋ utuqlarni qolğa kältürüp, egiz çoqqilarni beqinduridiğanliğiğa işändim.
Şuni alahidä eytip štküm keliduki, bu küni mümkinçiligi çäklängän, amma hayattin ümütini üzmäy, kšzligän mähsitigä yätkän qurdaşlirim bilän uçrişip, sšhbätläştim. Ular meniŋ hayatqa bolğan kšzqarişimni tamamän šzgärtti.
– Öziŋiz eytqandäk, bu sizniŋ Astanağa tunҗa säpiriŋiz ekän. Täsiratliriŋiz qandaq?
– Biyil Astanamiz 20gä toldi. Bu 20 jilniŋ içidä huli tiklängän paytähtimizniŋ kšrki kimnila bolsun, birdin šzigä җälip qilidu. Uniŋ gšzälligini tilim bilän eytip yätküzälmäymän. Televizordin, sürättin kšrgän bir bšläk, ämäliyatta, kšz bilän kšrgän başqa ekän. Şähärni säyahät qilip, Qazaqstanniŋ täräqqiyatiğa qayil boldum. ھämmä närsä yeŋiçä. Zamaniviy koçilar, çirayliq benalar kšzniŋ yeğini yäydu. Bir sšz bilän eytqanda, elimizniŋ jürigi vä tirigi bolğan Astana keläçigi parlaq şähär ekän.
– Ändiki šzimizniŋ nahiyämizgä qaytip kälsäk, siz, hatalaşmisam, nahiyälik märkiziy dohturhanidiki birdin-bir neonatolog dohturğu däymän?
— Şundaq.
– Bäzibir oqurmänlärgä «neonatolog vraç» degän sšz ançä tonuş bolmisa keräk…
– Çüşändim. Addiy til bilän eytqanda, neonatolog vraçniŋ asasiy väzipisi — yeŋi tuğulğan bovaqlarniŋ salamätligini nazarät qiliş. Bu eytmaqqa asan bolğini bilän, intayin juquri mäs°uliyätni täläp qilidu.
— Bu käsipni tallişiŋizğa nemä säväp boldi?
– 2007-jili 1-Çonҗa ottura mäktivini tamamlidim. Birtutaş milliy testtin juquri kšrsätküçkä eriştim. Şu jili S.Asfendiyarov namidiki Qazaq milliy meditsina universitetiğa grantqa oquşqa qobul qilindim. Dohtur boluş — meniŋ baliliq arminim edi. 2012-jili bakalavr, 2014-jili internaturini pütirip, qolumğa diplom aldim. Andin, «Diplommen auılğa» dšlätlik programmisi boyiçä ana jutumğa qaytip kelip, däsläpki iş-paaliyitimni nahiyälik dohturhaniniŋ tuğuthana bšlümçisidin başlidim. 2014-jildin bügünki küngiçä mäzkür dohturhanida neonatolog-vraç bolup işläp kelivatimän.
Meniŋ neonatolog mutähässisligini tallişimdiki säväp, birinçidin, qiziqişim, ikkinçidin, uşbu käsip boyiçä yaş mutähässislär yetişmäsligi boldi. ھär käsipniŋ šz artuqçiliği häm şuniŋ bilän billä qiyinçiliğimu bar. Meniŋçä، yaş mutähässislär härqaçan izdiniştä boluşi keräk. Mäsilän, štkän jili «Tiko» kompaniyasidiki türkiyalik ilğar mutähässislärdin täҗribä toplap qayttim. Neonatolog boluş، yäni, yeŋi tuğulğan säbiniŋ hayatini saqlap qeliş insanğa çäksiz hoşalliq, bšläkçä sezim äta qilidu. Bu hissiyatni päqät neonatolog dohturlarla baştin käçüräläydu. Qiyinçiliğiğa kälsäk, vaqti toşmay tuğulğan, salmiği tšvän häm salamätligi naçar säbilärni «putiğa turğuzuş» asan ämäs. İkkinçidin, nahiyädä meniŋdin başqa neonatolog vraç bolmiğanliqtin, dohturhanidin jiraq ketälmäymän. Boş vaqtim intayin az, bäzi çağlarda keçiläp işqa qaytip kelişimgä toğra kelidu.
– Tuğuthanida härqandaq ähval yüz beridu. İş babida hayatiŋizğa zor täsir qilğan vaqiälär orun aldimu?
– Älvättä، 3-4 jilniŋ içidä ästä qalarliq kšpligän vaqiälär yüz bärdi. Bolupmu, 850 gramm tuğulğan bovaqniŋ hayati üçün küräşkinim, meniŋ üçün çoŋ bir sinaq boldi. Bügün şu bovaq, 3 yaşqa toldi.
– Ana vä bala salamätligigä sälbiy täsirini täkküzüvatqan amillarni atap štsiŋiz?

– Duniyağa yeŋidin kälgän bäzi säbilärgä kšzini eçipla türlük-tümän dora-därmäklärni qobul qilişqa toğra kelidu. Buniŋdiki asasiy säväp, ana salamätliginiŋ naçarliği, bolğusi anilarniŋ dohturğa vaqtida qaralmiğanliğiniŋ aqiviti däp çüşinimän.
– Gülnaräm Musaҗan qizi, juqurida “kšp vaqtim işta štidu» däp eyttiŋiz, hizmitiŋiz şähsiy hayatiŋizğa täsir qilmamdu?
– Durus däysiz. Mänmu bir šyniŋ kelini. Yoldişim İlzat Yüsüpҗanov. İkki oğlimiz bar. Ailämdikilärniŋ qollap-quvätlişidä hizmitimni şäräp bilän atquruvatimän. Rastimni eytsam, bäzi künliri balilirimğa päqät bir-ikki saatla kšŋül bšlüşkä toğra kelidu.
— Sšhbitiŋizgä rähmät.

Bälüşüş

Javap qalduruŋ