QHA – dostluq bilän razimänlikniŋ rämzi

0
498 ret oqıldı

Ögünlükkä، yäni 28-aprel' küni, Astanadiki Teçliq vä razimänlik sariyida “Bäş iҗtimaiy täşäbbus – җämiyätlik iҗtimaiy birliginiŋ platformisi” kün tärtivi bilän Qazaqstan hälqi Assambleyasiniŋ jigirmä altinçi sessiyasi eçilidu. Şu munasivät bilän Qazaqstan hälqi Assambleyasiniŋ äzasi, Almuta vilayätlik mäslihätniŋ deputati, “Universal” şirkätlär topiniŋ prezidenti Zakirҗan Pirmähämät oğli KUZİEVniŋ maqalisini gezithanlar diqqitigä havalä qilivatimiz.Qazaqstan hälqi Assambleyasiniŋ bu qetimqi sessiyasi alahidä rämzlik harakterğa egä däp oylaymän. Çünki, birinçidin, sessiya, kün tärtividin bilinip turğinidäk, Qazaqstan Prezidenti Nursultan Nazarbaevniŋ häliqqä “Prezidentniŋ Bäş iҗtimaiy täşäbbusi” muraҗiitidä kštirilgän muhim iҗtimaiy mäsililärni utuqluq häl qilişniŋ mäntiqiy davami bolsa, ikkinçidin, inaqliği yaraşqan Qazaqstan hälqiniŋ muqäddäs mäyrimi süpitidä nişanlinidiğan 1-May – Qazaqstan hälqi birligi küni vä، üçinçidin, bizniŋ kedäçäkni pämläşni bilidiğan dana Prezidentimiz hulini salğan vä šzi baş memari bolğan paytähtimiz – Astana şähiriniŋ 20 jilliq sänäsi harpisida štüvatidu.
Mana moşu sänälärniŋ hämmisi bizgä märikilik his-tuyğularni hädiyä qilidu. Duniyada täŋdişi yoq QHAniŋ härbir sessiyasi җämiyitimiz hayatiniŋ äŋ muhim mäsililirini muhakimä qilidiğanliğini inavätkä alsaq, bu qetimmu barliq qazaqstanliqlarni qanatlandurup, ätiki tehimu parlaq keläçäkkä ümütländürgän Bäş iҗtimaiy täşäbbus härbir qazaqstanliqni paravän turmuşqa yetäkläydiğan programma ekänligi toğriliq täpsiliy eytilidiğan bolidu.
Şundaq ekän, Prezidentimizniŋ şähsän šzi Räisi bolğan QHA paaliyiti päqät elimizdiki häliqlär dostluğini, җämiyätlik razimänlikni tehimu mustähkämläş vä käŋ tärğip qilişla ämäs, şundaqla qazaqstanliqlarniŋ paravänligini aşuruşqa qaritilğan dšlätlik iҗtimaiy säyasätni toluq qollap-quvätläştin, Prezidentniŋ rähbärligidä işlängän eniq iҗtimaiy programmilar arqiliq nişan qilinğan pällilärgä qol yätküzüşkä käŋ ammini җälip qiliştin ibarättur.
Qazaqstan Җumhuriyitiniŋ Prezidenti N.Ä. Nazarbaevniŋ Qazaqstan hälqigä yolliğan «Qazaqstan yoli — 2050: bir mähsät, bir mänpiyät, bir keläçäk» namliq Mäktübidä «Mäŋgilik El» umummilliy vätänpärvärlik ideyasi alğa sürülgän edi. Bu ideyani pütkül җämiyät qazaqstanliq birpütünlük bilän birlikni, җämiyätlik razimänlikni qeliplaşturidiğan qädriyätlär sistemisi süpitidä qobul qildi. «Mäŋgilik El» ideyasini umummilliy razimänlikniŋ birpütün modeli süpitidä tävsiyä qilip, uniŋ muällipi vä memari — Dšlät rähbiri Nursultan Nazarbaev keläçigi birpütün millätni qeliplaşturuşniŋ muhim yšnilişlirini bälgüläp bärdi.
Biz «Mäŋgilik El» umummilliy ideyasigä egä bolduq. «El» sšzidä çoŋ biriktürgüçi küç bar, çünki härqandaq dävirdä، härqandaq şaraitta tuğulğan yär, qazaqstanliqlar üçün äŋ yeqin vä šzigä җälip qilğuçi qädriyät bolğan häm bolup qaliveridu. «Mäŋgilik El» ideyasidä keläçäkkä degän umumhäliq işänçisi šz äksini tapqan. Bärpakar qazaqstanliq vätänpärvärlikniŋ asasini biz šzimizniŋ uluq işlirimiz bilän qeliplaşturduq. Uni küçäytip, päqät kšpäytipla qoymay, ävlattin-ävlatqa, dävirdin-dävirgä ulaşturup turuşimiz keräk.
Dšlät rähbiriniŋ «Häliq hayati uniŋ keläçäk ävladi bilän davamlişidu. Şuŋlaşqa häliqniŋ mäŋgülük toğriliq armandin başqa izgü armini yoq. Mäŋgilik El — bu ätiki küngä işik açidiğan, keläçäkkä bolğan işänçini aşuridiğan ideya, bu — käynigä qaytmaydiğan vä häqiqiy turaqliqniŋ rämzi» degän sšzliri bilän başlinidiğan Vätänpärvärlik akt qedimiy qazaq yeridä umumiy täğdir bilän tarihiy hatirä arqiliq bağlanğan, Uluq Dala eliniŋ tarihiy än°änilirini davamlaşturup, nurğunliğan ävlatlarniŋ Mustäqillik toğriliq arminini ämälgä aşuruvatqan keläçäk ävlat aldidiki muqäddäs pärizni, bizniŋ umumiy šyümizdiki šmlük bilän razimänlikniŋ، birlikniŋ mahiyitini bilidiğan dšlät grajdanliriniŋ qälbidiki esil oylirini bildüridu. Äynä şu oylar QHAniŋ novättiki HHVI sessiyasidä yänä bir qetim šz ipadisini tapidiğanliği häqiqät. Biraq biz Prezident täklip qilğan Bäş iҗtimaiy täşäbbusniŋ ämäliyatta šz äksini tepişi üçün uniŋğa birkişilik munasip ülüşimizni qoşuşimiz şärt. Ägär uni šzämniŋ misalida eytsam, män rähbärlik qilivatqan “Universal” şirkätlär topi tärkividä päqät Qazaqstandila ämäs, şundaqla Ottura Aziyadä täŋdişi yoq “Yarkänt krahmal-şirnä zavodi” ҖÇY bar. Uniŋ qolğa kältürüvatqan utuqliridin hämmä hävärdar däp eytsam, kämtarliq çämbiridin çiqip kätmäymän däp oylaymän. Şundimu ularğa qisqiçä tohtilip štäy.
Buniŋdin tšrt jil ilgiri, Astanada štkän “Yeŋi industriyaläştürüş: qazaqstanliq barsniŋ qädimi” umummilliy telekšrüktä Dšlät rähbiri Nursultan Nazarbaev «Yarkänt krahmal-şirnä zavodi» җavapkärligi çäklängän yoldaşliğini işqa qoşqan edi. Şu vaqitta män mundaq zavodniŋ tehi Märkiziy Aziyadä täŋdişi yoq ekänligini alahidä täkitläp, Dšlät rähbirigä zavodniŋ toluq quvät bilän işlişi üçün šzämgä jüklängän väzipä hšddisidin şäräp bilän çiqidiğanliğimni vädä qilip, zavod kollektivi bilän Prezidentniŋ «Zavodni işqa qoşuşqa ruhsät qilimän!» degän buyruğini davamliq alqişlar içrä qobul qilğan edim. Ändi aridin tšrt jil štüp, Dšlät rähbirigä bärgän vädini toluq orunlidim vä Yarkänt krahmal-şirnä zavodi, šziniŋ yeziliq nahiyägä orunlaşqanliğiğa qarimay, җumhuriyättiki alp işläpçiqiriş orunliri bilän üzäŋgä talişidiğan däriҗigä yätti. Zavod jiliğa 260 miŋ tonna qurutulğan kšmüqonaq denini qayta işläş arqiliq yetiştürülüvatqan mähsulat türini 20din aşurdi. Bügün bu mähsulatniŋ 60 payizi çät ällärgä eksport qilinivatidu. Şundaq qilip, zavod päqät Almuta vilayitiniŋla ämäs, bälki şundaqla pütkül җumhuriyätniŋ bayraqdar karhaniliriniŋ birigä aylandi vä štkän jili moşundaq işläpçiqiriş orunliri arisida ätivaliq vä inavätlik hesaplinidiğan Qazaqstan Җumhuriyiti Prezidentiniŋ «Altın sapa» mukapitiğa sazavär boldi.
Ändi šzämniŋ deputatliq paaliyitimgä kälsäm, u hämmä җähättin utuqluq bolmaqta. Män vilayätlik mäslihätkä Panfilov nahiyäsidin deputat bolup saylandim. Sayliğuçilirim bilän härbir sessiya harpisida uçrişip turimän.
Adättä، härqandaq däriҗidiki deputatniŋ aldiğa päqät muhtaҗi bar adämlär kelidu. Maŋimu huddi şundaq. Ularniŋ kšpçiligini iҗtimaiy problemilar bilän muraҗiät qilidiğanlar täşkil qilidu. Şuŋlaşqa män “Nur Otan” partiyasi Panfilov nahiyälik şšbisiniŋ Җämiyätlik qobulhanisi bilän hämkarlaşqan halda sayliğuçilar bilän uçrişiş usulini yolğa qoydum. Uniŋ vaqti vä qäräli nahiyälik gezitta aldin-ala elan qilinidu. “Nur Otan” partiyasi Җämiyätlik qobulhanisiniŋ yardimi bilän nahiyälik hakimiyätniŋ barliq sahalar boyiçä bšlüm başliqlirini, prokuratura vä sot organliriniŋ väkillirini şu uçrişişqa täklip qilimän. Mundaq usul nätiҗidarliq boluvatidu. Çünki, eytayluq, bir sayliğuçi turuşluq šy seliş üçün uçastka sorap kälsä، uniŋğa, älvättä، nahiyälik yaki şähärlik hakimiyättiki moşu mäsilä bilän şuğullinidiğan şähslär җavap beridu. Mäsilän, biyil 22-fevral' küni novättiki qetim sayliğuçilarni qobul qilğinimda, uniŋğa “Nur Otan” partiyasi Panfilov nahiyälik şšbisi räisiniŋ birinçi orunbasari K.Dosmailov, Panfilov nahiyälik mäslihätniŋ kativi E.Şoqparov, Panfilov nahiyälik turuşluq šy-kommunal egiligi vä turuşluq šy inspektsiyasi bšlümi rähbiri A.Tazabekov, Saribäl yeza okruginiŋ baş mutähässisi J.Bolatov, Yarkänt şähiriniŋ hakimi E.Nurahmetov, Panfilov nahiyäsiniŋ prokurori A.Tšrebekov, Panfilov nahiyälik bilim bšlüminiŋ metodisti R.Qarabalaeva, Panfilov nahiyälik içki işlar bšlüminiŋ başliği M.Jeksinbiev, Panfilov nahiyälik җämiyätlik keŋäş komissiyasiniŋ äzasi S.Aksubaev vä vilayätlik, nahiyälik ammiviy ähbarat vasitiliriniŋ väkilliri qatnaşti.
Meniŋ täşäbbusim bilän sayliğuçilarni mana moşundaq tärkiptiki ämäldarlarniŋ qatnişişi bilän qobul qiliş ämäliyati ilgiri bolmiğan ekän. ھazir bu usul Almuta vilayiti boyiçä ülgä qilip kšrsitilip, barliq nahiyälärdä qizğin üginilivatidu.
Vilayätlik mäslihätniŋ byudjet boyiçä komitetiniŋ äzasi vä Panfilov nahiyäsidin saylanğan deputat süpitim bilän moşu täväniŋ iҗtimaiy-mädäniy täräqqiyatiğa misqalçä bolsimu ülüş qoşuşni šzämniŋ grajdanliq borçim däp bilimän. Äynä şu äsnadin elip qariğanda, biyil vilayätlik byudjettin Yarkänt şähiridiki Krupskaya namidiki mäktäpniŋ muräkkäp remonti üçün 285 million täŋgä، “Jarkent-Arasan” sanatoriyisigä baridiğan yolni remontlaş üçün 112 million täŋgä، Tışqan däriyasiniŋ ikki yaqisini mustähkämläş işliri üçün 165 million täŋgä aҗritildi.
Eytivärsäk, ämälgä aşurulğan işlar nurğun. Biraq mähsät uniŋda ämäs. Oylaymänki, barliq qazaqstanliqlar elimiz Prezidenti Nursultan Nazarbaevniŋ barliq täşäbbusliriniŋ toluq ämälgä eşişiğa birkişilik ülüşini qoşuş üçün bar imkaniyätlär vä mümkinçiliklärdin utuqluq paydilinişni šzliriniŋ insaniy borçi däp bilidu.
Pursättin paydilinip, barliq gezithanlarni aldimizdiki şanliq sänä – 1-May – Qazaqstan hälqiniŋ birligi küni bilän qizğin vä sämimiy täbrikläp, mustäqil elimizniŋ šsüp-beyişi yolidiki paaliyitiniŋ dayim utuqluq boluşiğa tiläkdaşliq bildürimän.

Bälüşüş

Javap qalduruŋ