«Mälikäniŋ» muhlisliri tola

0
1 001 ret oqıldı

Talğir nahiyäsiniŋ Qizil Ğäyrät yezisidiki «Mälikä» ussul ansambliniŋ qurulğiniğa bari-yoqi üç jil boldi. Moşu az vaqit içidä uniŋ nahiyädä ammibapliği şu qädär šstiki, härqandaq märasim ularsiz štmäydu desäk, härgizmu aşuruvätkänlik ämäs.
Һäqiqätänmu kiçigidin sän°äthumar Mälikä Niyazovaniŋ täşäbbusi bilän qurulğan bu ansambl' päqät mädäniy çarä-tädbirlärgä qatnişipla qalmay, җay-җaylarda štküzülüvatqan bayqaş-kšrüklärniŋ paal iştrakçisi. Ansambl' äynä şu konkurslarda dayim aldinqi orunlardin kšrünüp, tamaşibinlarniŋ alqişiğa erişivatidu. Mäsilän, ular yeqindila Almuta şähiridä štkän «Nurlı jastar» җumhuriyätlik konkursqa qatnişip, horeografiya, milliy ussul vä zamaniviy ussul nominatsiyaliri boyiçä üç birinçi, ikki ikkinçi vä bir üçinçi orunni yeŋivaldi. Ularniŋ bu hoşalliğini bšlüşkäç, ansambl' paaliyiti toğriliq uniŋ rähbiri Mälikä Һaşimҗan qizi bilän uçraşqan eduq:
– Rastimni eytsam, uzundin buyan arman qilip qurğan «Mälikä» ansambliniŋ az vaqit içidä mundaq utuqlarğa yetidu däp oylimiğan edim, – dedi sšhbätdişimiz hoşalliq ilkidä. – Mäktäptä oqup jürgän çağlirimda anda-sanda ussul boyiçä çoŋ-kiçik çarä-tädbirlärgä qatnişattim. Keyiniräk Abay namidiki Qazaq pedagogika universitetiğa çüşkinimdimu ussulğa bolğan iştiyaqim besilğini yoq. Şu tüpäyli vaqit tapsamla, Uyğur teatriğa berip, sän°ätniŋ bu türiniŋ qir-sirini mahir ussulçi Dilbär hädä Pähirdinovadin täpsiliy ügändim. Pursättin paydilinip, şu ustazimğa çäksiz minnätdarliğimni bildürimän.
Ändi ansambl' paaliyitigä tohtalsam, bizniŋ däsläpki qädimimiz «Künşuaq» җumhuriyätlik konkursidin başlandi. Oylimiğan yärdin qizlirim İ orunni yeŋivelip, birqatar Pähriy yarliqlar bilän täğdirländi. Bu bizgä rohiy ilham bärdidä, tehimu җiddiy işläşkä kiriştuq. Nätiҗidä bizni härhil märasimlarğa täklip qilğuçilar kšpiyip, mahtinip qoyay, abroyimiz helila šsti.
Şuni alahidä täkitläş lazimki, män moşu Qizil Ğäyrät yezisiniŋ turğuni bolğanliqtin, bu ansambl'niŋ häyrihahliq paaliyät bilänmu şuğullinidiğanliğidin hävärdarmän. Mäsilän, štkän jili Noruz mäyrimi harpisida juttiki Mädäniyät šyidä Mälikä Niyazova märhum atisiniŋ hatirisigä çoŋ kontsert uyuşturup, uniŋdin çüşkän pulni maddiy җähättin yardämgä muhtaҗ insanlarğa tarqitip bärdi. İlahim, arimizda moşundaq sahavätlik, birävniŋ ğemi bilän yaşaydiğanlar sani kšpäysun!
Öz novitidä, «Mälikä» ansambliniŋ paaliyitigä utuq-muvappäqiyätlär tiläymiz.
Qasimҗan ÇORUQOV.
Talğir nahiyäsi.

Bälüşüş

Javap qalduruŋ