Nahäq qurvan bolğanlar — äl qälbidä

0
139 ret oqıldı

Sabiräm ÄNVÄROVA, «Uyğur avazi»/ «Atu» paҗiäsi. Bu sšzni aŋliğanda härbir uyğurniŋ jürigigä tiğ sançilğandäk bilinidu. Qälbimizgä yara salğan vaqiä buniŋdin bir äsir burun yüz bärsimu, heliğiçä azavini tartip kelivatimiz. Nahäqtin-nahäq šltürülgän qerindaşlirimiz adalätsizlikniŋ qurvini boldi. Amal qançä, täğdir-peşanimizgä yezilğini şu ohşaydu. Hälqimizni zar qahşitip, beguna qerindaşlirimizniŋ qeni tškülgän jutlarniŋ biri – Uyğur nahiyäsidiki Çoŋ Aqsu yezisi. Qolda bar mälumatlarğa asaslansaq, bu jutta yüzdin oşuq uyğur etip šltürülgän. Demäk, bu yeziniŋ topisiğimu 1918-jili talay uyğurniŋ җäsidi kšmülgän. Qanğa milängän tupraqta «Atu» paҗiäsigä beğişlinip ornitilğan hatirä taş bar. Jut turğunliri bu җayni kšziniŋ qariçuğidäk saqlap, äҗdatlar rohiğa beğişlap pat-pat dua oquydu.
«Atu» paҗiäsiniŋ 100 jilliği harpisida aqsuluqlarniŋ yahşi başlanmini qolğa alğanliğini aŋliduq. Moşu juttin uçum bolup, bügün Almuta şähiridä istiqamät qilivatqan çoŋaqsuluq Äli Ähmätov, Srajdin Tursunov, Daniyar Rozahunov täşäbbus kštirip, «Atu» paҗiäsi yüz bärgän җayni (sürättä) zamanğa layiq qorşap, gül-kšçät tikiş qatarliq işlarni uyuşturuvetiptu. Şundaqla 1964-jili Ğ.Sädvaqasov namidiki bilim därgahini tamamliğan tüläklär 22 tüp qariğay kšçitini oltarğuzuptu.
Yeza jigitbeşi Mahmut İsmayilov häm juttiki җämiyätlik işlarniŋ aktivistliri Qasimҗan Qämäev, Musaҗan Teyipov, Rayipҗan Satuqov bu işniŋ beşida ekän. Jut ğemidä jürgän insanlar «Atu» vaqiäsi yüz bärgän yärni avatlaşturuş täşäbbusiniŋ jutdaşliri täripidin maddiy vä mäniviy җähättin qollap-quvätläşkä egä bolğanliğini, hämminiŋ bir kişidäk küç çiqirip, šmlük bilän iş elip berivatqanliğini eytişti.
Ularniŋ artuq vaqtini elip, işiğa kaşila bolğumiz kälmidi. Şuŋlaşqa aqsuluqlarniŋ šmlügigä «apirin» eytip, hoşlaştuq.
Uyğur nahiyäsi.

Bälüşüş

Javap qalduruŋ