«Nur Otan» häliqpärvär partiya

0
46 ret oqıldı

Moşu künlärdä “Nur Otan” partiyasiniŋ Almuta şähärlik şšbiliriniŋ barliq qurulumlirida Qazaqstan Җumhuriyitiniŋ Prezidenti Nursultan Nazarbaevniŋ häliqqä “Prezidentniŋ Bäş iҗtimaiy täşäbbusi” muraҗiitini ahaliniŋ käŋ qatlimiğa yätküzüş yolida tärğibat-täşviqat işliri käŋ qanat yaymaqta. Moşu yeqinda štkän partiyaniŋ şähärlik şšbisi Säyasiy keŋişiniŋ käŋäytilgän mäҗlisidä alahidä qäyt qilinğinidäk, Prezidentniŋ barliq qazaqstanliqlarniŋ qollap-quvätlişigä egä bolğan vä alahidä qiziqişini hasil qilğan Bäş iҗtimaiy täşäbbusi muhakimä qilinğan 500din oşuq baş qoşuş štüp, ularğa miŋliğan adäm qatnaşti. Eytiş keräkki, bäzi uçrişişlarğa Qazaqstan Җumhuriyiti Parlamentiniŋ deputatliri, җümlidin Ş.Nurumov, Z.Balieva, S.Seydumanov, Q.Sultanov, Ş.Hahazov vä başqilar qatnişip, šzliriniŋ oy-pikirliri vä täklipliri bilän bšlüşüp, baş qoşuşlarniŋ sezilärlik däriҗidä täsirlik štüşigä zämin yaratti.
Äynä şu uçrişişlarda “Prezident täklip qilğan Bäş iҗtimaiy täşäbbusniŋ asasiy mähsiti nemilärdin ibarät?” degän soalğa ätrapliq vä eniq җavap berildi. Şundaq ekän, äynä şu җavaplarni җämläp, ularğa izah berip štüşni toğra kšrüvatimän.
Birinçi täşäbbus: “Һärbir ailä üçün turuşluq šy setivelişniŋ yeŋi imkaniyätliri” – Dšlät rähbiriniŋ qäyt qilişiçä, bu – “muhim iҗtimaiy ähmiyätkä egä problema”. Eytqan bolar eduqki, bu şundaqla milliy ideya däriҗisidiki mäsilä bolup hesaplinidu. Şuŋlaşqa Prezidentniŋ bu täşäbbusi boyiçä “7-20-25” däp atalğan programma ämälgä aşurulmaqçi. Bu programmiğa asasän işlävatqan härbir qazaqstanliq tšvändiki şärtlär boyiçä ipotekiliq zaem eliş mümkinçiligigä egä bolidu. Nesiyä boyiçä mukapat stavkisi jiliğa hazirqidäk 14 – 16 ämäs, bälki 7 payizni täşkil qilidu. Ägär bügün banklar däsläpki bädälni – 30, bäzidä 50 payizğiçä täläp qilsa, ändi bu programma boyiçä däsläpki bädäl 20 payizdin aşmasliği keräk. Nesiyä qäräli bolsa, ilgärkidäk 10 – 15 jil ämäs, bälki 25 jilni šz içigä alidu. Bu nesiyä alğuçilarğa ayliq tšläm miqdarini kšzgä kšrünärlik däriҗidä azaytiş mümkinçiligini beridu. Mäsilän, turuşluq šy setiveliş üçün banktin 20 million täŋgä kredit alsaq, uni toluq yepiş üçün 25 jil davamida här ayda 140 miŋ täŋgä quyimiz. Buniŋ, älvättä, hämmä täräptin häm yenik, häm nätiҗidarliq bolidiğanliği eniq. Äŋ muhimi, bu programmiğa turaqliq kirimi bar härqandaq Qazaqstan grajdini qatnişalaydu. Şundaqla bu programmini ämälgä aşuruş turuşluq šy quruluşiğa җiddiy sür°ät berip, yeŋi iş orunliriniŋ eçilişiğa zämin yaritidu.
İkkinçi täşäbbus: “İş häqqi tšvän hadimlarniŋ iş häqqini aşuruş üçün seliq jüklimisini tšvänlitiş” – kelär jilniŋ 1-yanvaridin başlap iş häqqi az işlävatqan qazaqstanliqlarni qollap-quvätläş üçün seliq jüklimisini 10 hässä, yäni 1 payizğiçä tšvänlitiş kšzdä tutulidu. Һär ayda äŋ tšvän hesap kšrsätküçiniŋ 25 hässilängän miqdaridin az iş häqqi elivatqanlar bügün 2,106 million adämni täşkil qilidekän vä ular 50 milliard täŋgä seliq tšläydu. Ändi seliq jüklimisi tšvänlitilgändin keyin bu räqäm 27 milliard täŋgini täşkil qilidu. Bu häliqara ämäliyatta bar җäriyan. Mundaq tšvänlitiştin boşiğan mäbläğ härhil sahalardiki maaşi az grajdanlarniŋ ämgäk häqqini kšpäytişkä җälip qilinidu.
Üçinçi täşäbbus: “Aliy bilimgä egä boluşni häm uniŋ süpitini aşuruş vä student yaşlarniŋ yaşaş şaraitini yahşilaş” – bu programma asasida tehnikiliq mutähässislärni täyyarlaşqa dšlätlik bilim beriş buyrutmilirini kšpäytiş vä dšlät-şähsiy hämkarliq printsipi asasida yataqhanilarni quruş mehanizmini käŋ җariy qiliş kšzdä tutulidu. Һazir här jili berilivatqan 54 miŋ grant yänä 20 miŋğa kšpäytilidu. Bu qädäm bolupmu yaşlarniŋ oquş üçün çät ällärgä ketişiniŋ aldini alidu. Mäsilän, nurğunliğan abiturientlar, ägär ular aliy oquş orniğa grant arqiliq çüşüşkä mümkinçilik beridiğan pay alalmiğidäk bolsa, hoşna Rossiya dšlitigä berip, häq tšlimäy oquş vä studentlar yataqhanilirida yaşaş mümkinçiligigä egä. Bu mäsilä ilgiridinla nahayiti ähmiyätlik bolup, helikäm şu petiçä qelivatatti. Çünki keläçigidin çoŋ ümüt kütküzidiğan qazaqstanliq yaşlarniŋ oquşi pütkändin keyin şu äldä qeliş qarariğa kelidiğanliği heçkim üçün sir ämäs. Ändi bu programma mundaq ähvalniŋ aldini alidu vä injenerlarniŋ, ähbarat tehnologiyasi sahasidiki mutähässislärniŋ, robototehnika, nanotehnologiya hadimliriğa bolğan ehtiyaҗ mälum däriҗidä häl qilinidu. Mana moşu muhim mäsilini kšzdä tutqan Prezident 2020-jilniŋ ahiriğiçä 75 miŋ orunluq studentlar yataqhanisini selişni täklip qilidu.
Tšrtinçi täşäbbus: “Mikronesiyäni käŋäytiş” – šz işi bilän bänt vä işsiz ahali arisida ammiviy tiҗarätçilikni täräqqiy ätküzüş boyiçä jürgüzülüvatqan iş dairisidä imtiyazliq mikronesiyä beriş — äŋ nätiҗidarliq usul bolup hesaplinidu. Ägär 2017-jili 32 milliard täŋgilik 7200 mikronesiyä berilgän bolsa, 2018-jili uni 62 milliard täŋgigä yätküzüş mähsät qilinmaqta. Bu mikronesiyä alğuçilarniŋ sanini 14 miŋdin oşuq adämgä kšpäytişkä imkaniyät beridu. Mäzkür täşäbbusniŋ ähmiyiti şuniŋdiki, u miŋliğan adämlärgä šz işini eçiş mümkinçiligini yaritidu.
Bäşinçi täşäbbus: “Mämlikätni gaz bilän täminläş” – elimizdä mustäqillik jilliri gaz çiqiriş jiliğa 8 milliard kubometrdin 52 milliard kubometrğiçä yätti vä jildin-jilğa bu räqämniŋ kšpiyidiğanliği eniq. Bügün ahalini gaz bilän täminläş elimiz boyiçä 50 payizni täşkil qilidu, 9 vilayät gaz bilän täminlängän. Şundimu märkiziy vä şimaliy regionlar ahalisi helikäm täbiiy gazğa qol yätküzälmäyvatidu. Ändi Qarašzek – Jezqazğan – Qarağanda – Temirtav – Astana marşruti boyiçä magistral' gaz provodini seliş layihisi toluği bilän ämälgä aşurulidu. Uniŋ üçün tegişlik mäbläğ bar, җümlidin häliqara maliyä institutliriniŋ layihilirini җälip qiliş täläp qilinidu. Programma päqät 2,7 million adämni gaz biln täminläşnila ämäs, şundaqla kiçik vä ottura tiҗarättiki yeŋi iş orunlirini eçişqa imkaniyät beridu.
Juqurida eytip štkänlirimizniŋ mustäqillikniŋ mevisi ekänligi ämäliy häqiqät. Äynä şu ämäliy häqiqätkä Dšlät rähbiri – Millät Lideri Nursultan Nazarbaev Räisi bolğan «Nur Otan» partiyasi Almuta şähärlik şšbisiniŋ muhim hässä qoşuvatqanliği talaşsiz.
Bügün şähärdä «Nur Otan» partiyasiniŋ 746 başlanğuç täşkilati bar, partiya äzaliriniŋ sani 86 000 adämni täşkil qilidu. Kšrüp turumizki, bu nahayiti çoŋ küç. Äynä şuniŋdin ünümlük vä nätiҗidarliq paydilinişniŋ ämäliyatta sinalğan ülgilirini käŋ җariy qiliş boyiçä tilğa alarliq işlar ämälgä aşuruldi. Päqät štkän jilila partiyaniŋ täşäbbusi bilän işlängän iҗtimaiy-säyasiy, mädäniy vä ihtisadiy harakterdiki onliğan layihilärni ämälgä aşuruşqa qaritilğan 4 964 çarä-tädbir štküzülüp, ularğa şähärdiki nurotanliqlarniŋ yerimidin kšpirägi qatnaşti. Mäsilän, biyil «Ardagerlerdi ardaqtayıq» aktsiyasi şähärniŋ barliq nahiyäliridä štti. Ändi 9-May – Ğalibiyät mäyrimi küni «Alatau» kontsert zalida uruş vä ämgäk veteranliriğa hšrmät kšrsitilidu.
Almuta şähiriniŋ hakimiyiti bilän hämkarliqta iş elip berivatqan partiya şšbisi qolğa alğan barliq çarä-tädbirlär utuqluq ayaqlişidiğanliğiğa işänçim kamil. Çünki ularniŋ beşida häliq bilän hämnäpäs “Nur Otan” partiyasi turidu.
Asimҗan ZLAVDİNOV,
«Nur Otan» partiyasi Almuta şähärlik şšbisi
Säyasiy keŋişiniŋ byuro äzasi.

Bälüşüş

Javap qalduruŋ