Jutdaşlar šmlügigä til tägmisun

0
206 ret oqıldı

Buniŋdin altä jil ilgiri Uyğur nahiyäsiniŋ Dovun yezisida jay-jaylarda yaşavatqan jutdaşlarniŋ baş qoşuşi bolup štkän edi. Uni tonulğan tiҗarätçi, җumhuriyätlik Uyğur etnomädäniyät märkizi räisiniŋ orunbasari Nurmähämät Paltahunov bilän ҖUEM yenidiki Nuraniy anilar keŋişiniŋ räisi Gülҗahan Muratova uyuşturdi. Һär ikkilisi moşu juttin uçum bolğan qerindaşlar. Mana şuniŋdin keyin dovunluqlar pat-pat uçrişidiğan bolduq. Jiliğa bir qetim Almutida didarlişip turimiz. Bu qetim tuğulğan jutumizda uçraştuq. Mälimizdä äzäldin «kolhoz beği» atalğan çoŋ bir bağ moҗut. Jutdaşlar äynä şu bağda jiğilduq. Märasimni kiriş sšz bilän açqan Ul'yan Qurbanniyazov bu qetimqi baş qoşuşniŋ Dšlät rähbiri Nursultan Nazarbaevniŋ «Keläçäkkä nişan: mäniviy yeŋiliniş» maqalisi dairisidä štüvatqanliğini kšpçilikkä yätküzdi. Buni aŋlap hämmimiz bäk hoşal bolduq. Şähsän šzäm Prezidentniŋ bu maqalisini diqqät bilän oqup çiqtim. Uniŋda Millät Lideri bolupmu yaşlarni vätänpärvärlik rohta tärbiyiläşkä alahidä tohtalğan. Meniŋçä, vätänni sšyüş ana juttin başlinidu. U küni uçrişişqa yaşlarniŋ kšp qatnaşqanliğini kšrüp şundaq hulasigä käldim.
Riyasätçi Känҗihan Һämraeva täbrik üçün sšzgä jutumizdin çiqqan hšrmätlik insanlar Zakir Mämirov, Gülpäräm Tursunova vä Gülҗahan Muratovani otturiğa täklip qildi. Gülpäräm Dovun toğriliq yazğan şeirini oqup bärsä, qalğan natiqlar mäzkür uçrişişqa jiraq-yeqindin kälgän jutdaşliriğa šzliriniŋ minnätdarliğini izhar qildi. Şuniŋdin keyin novät Dovun ottura mäktivi kollektivi täripidin täyyarlanğan kontsertliq programmiğa ulaşti. Oquğuçilar Dovundin uçum bolğan ataqliq şähslärgä atap şeirlarni oqup bärdi.
Novättiki natiqlar – jut mštivärliri Ğulamdun Zilavdinov, Mutalim Zilavdinov, Nurmähämät Moldabaev, Rähmidin Җapparov vä Nurmähämät Mäsütov Dovunniŋ štmüşi bilän bügünki näpäsigä tohtaldi. Şundaqla elimizniŋ ihtisadiy-iҗtimaiy vä mädäniy täräqqiyatiğa salmaqliq ülüşini qoşqan dovunluqlar Setivaldi Baratov, Avan Ömärov, Zakir Mämirov, aka-uka Vladimir vä Alimҗan Tohtasunovlarniŋ isimlirini pähirliniş ilkidä tilğa aldi.
Novät maŋa kälgändä bügünki kündä 97 yaşqa tolğan anam Nevärhandin Zika, Bšşürün, Äprushan, Äҗän, Narjan, Zlavi qatarliq ata-bova, ana-momilar häqqidä aŋliğanlirimni hekayä qildim. Şundaqla jutdaşlirimğa šzäm iҗat qilğan «Jutumni küyläymän» namliq nahşamni iҗra qilip bärdim.
Sämimiy tiläklär, seğinişliq nahşilar bilän davam qilğan märasimniŋ hulasä sšzi Nurmähämät Paltahunov, Ul'yan Qurbanniyazov, Güli Malibaeva vä jigitbeşi Tursunҗan Kebirovqa berildi. «Jutdaşlarniŋ šmlügigä til tägmisun» degän natiqlar keläçäktä jutta ämälgä aşuridiğan işlar häqqidä šz pikirliri bilän ortaqlaşti.
Җahangär İLİYaSOV, Uyğur nahiyäsiniŋ
Pähriy grajdini. SÜRÄTTÄ: bir top jut mštivärliri.

Bälüşüş

Javap qalduruŋ