«Aqbulaqniŋ» süyini qaçan içimiz?

0
673 ret oqıldı

Bügünki kündä bu nahiyä däriҗisidiki äŋ muhim problemilarniŋ biri

Buniŋdin bir az vaqit ilgiri Uyğur nahiyäsigä qaraşliq Dolata yezisiniŋ turğuni Şahadät Qasimova jutdaşliriniŋ içidiğan su azavini tartivatqanliğini eytip, redaktsiyamizgä telefon arqiliq muraҗiät qilğan edi. Yeqinda biz bu mäsiliniŋ aq-qarisini eniqlaş mähsitidä mäzkür yeziğa barğan eduq.

— İçidiğan suni šstäŋdin toşuvatimiz, — däydu Şahadät hädä biz bilän bolğan sšhbättä. — Suni tindurup içkänniŋ šzidä puriği adämni säskändüridu. İçivatqan süyimiz, hätta, eğiz çayqaşqimu yarimaydu. Bu mäsilä tez arida häl bolmisa, yezimizda türlük juqumluq ağriqlarniŋ päyda boluşi sšzsiz.

Şahadät Qasimova bu häqtä Çoŋ Aqsu yeziliq okruginiŋ hakimi Alimҗan Husurovqa muraҗiät qilğan ekän. Amma u yeza turğunlirini qanaätländürgidäk җavap bärmäptu. Bizmu ahaliniŋ qšŋlidiki soalni hakimğa qoyduq.

— Şahadät hädigä mälä ähvalini çüşändürdim. Oçuğini eytsam, bu mäsilä keŋäş dävridin häl bolmay kelivatidu. Bügünki kündä içidiğan su mäsilisi nahiyä däriҗisidiki äŋ muhim problemilarniŋ biri. Biz haliğandäk sür°ättä bolmisimu, nahiyä yezilirida su mäsilisi asta-asta häl qilinivatidu. Pat-arida novät bizniŋ yezilirimizğimu kelidu. Bu häqtä toluğiraq mälumatni nahiyälik mämuriyättin elişiŋlarğa bolidu, — dedi u soalimizğa җavavän.

Biz nahiyälik mämuriyätniŋ Turuşluq šy kommunalliq egiligi vä avtomobil' yolliri bšlüminiŋ başliği Mars Husurovqa yoluqup, içidiğan su mäsilisigä bağliq Dolata yezisi turğunliriniŋ «salimini» yätküzduq.

— Bu işniŋ tüp-asasi mäbläğ mäsilisigä bağliq, — däydu Mars Nävirdin oğli. — Nahiyädä 14 yeziliq okrugqa qaraşliq 25 ahaliliq punkt bolsa, ularniŋ besim kšpçiligidä içidiğan su mäsilisi häl qilişni täläp qilmaqta. Bügünki küngä qädär Şuŋqar yezisiniŋ ahalisi içidiğan su bilän toluq täminländi. Kätmän, Tügmän, Kiçik Dehan vä Aqtam yezilirida su tarmaqlirini tartiş işliri ayaqlişiş aldida turidu. Çoçinay yezisida bu iş biyil qolğa elinidu. Dardamtu yezisida su tarmaqlirini tartiş işliriniŋ smetiliq-layihisi tüzülüvatidu. Çarin yezisiniŋ smetiliq-layihisi pat-yeqinda täyyar bolidu. Һär bir yeza boyiçä layihä tüzülgändä keŋäş dävridä tartilğan su tarmaqlirini, mümkin boluşiçä, paydiliniş kšzdä tutulğan. Amma ularni җšndäp, äsligä kältürüş üçünmu mäbläğ haҗät. Bu mäsilä šz novitidä qoşumçä problemilarni hasil qilivatidu. Çonҗa, Qirğizsay, Taştiqarisu vä Bahar yezilirida su tarmaqliri qismän tartildi. Ändi sšz boluvatqan yeziliq okrug häqtä gäp qilsaq, Çoŋ Aqsu yezisida moҗut su tarmaqliri eqimdiki җšndäştin štküzülmäkçi. Dolata vä Kiçik Aqsu yezilirida bolsa, nahiyäniŋ istiqballiq täräqqiyat programmisiğa muvapiq, kälgüsidä su tarmaqlirini tartiş kšzdä tutulğan. Ändi ilgärki «Ämgäk» kolhoziğa qaraşliq «Kanal» uçastkisi yeza statusiğa egä bolmiğanliqtin, istiqballiq täräqqiyat programmisiğa u kirgüzülmidi.

Nahiyädä «Aqbulaq» içidiğan su programmisi boyiçä ämälgä aşuruluvatqan işlarniŋ qisqiçä täpsilati äynä şundaq. Juqurida eytilğinidäk, bu işniŋ sür°iti mäbläğ mäsilisigä bağliq. Mäbläğ mäsilisi miqdariğa qarap, vilayät yaki җumhuriyät däriҗisidä muhakimä qilinidekän. Mäsilän, biyil moşu mähsättä 299 million täŋgä bšlünüptu. Hiraҗät qilinğan mäbläğniŋ här bir tiyini, sšhbätdişimizniŋ eytişiçä, tegişlik orunlar täripidin qattiq nazarätkä elinğan.

Öz novitidä biz, sür°iti bolmisimu, süpiti bolsekän, degän tiläkni eytqan bolar eduq.

 

Mahmut İSRAPİLOV.

Uyğur nahiyäsi.

Bälüşüş

Javap qalduruŋ