Tälätҗanniŋ yäkkä kontserti

0
123 ret oqıldı

Gšhärbüvi İSMAYİLҖANOVA, «Uyğur avazi»/ Yeqinda biz «Rehimҗan» sän°ät mäktiviniŋ 4-sinipida uyğur milliy saz äsvapliri bšlümidä (ravap sinipida) tähsil kšrüvatqan Tälätҗan Şavdunovniŋ iҗrasida ataqliq kompozitor Quddus Ğoҗamiyarovniŋ äsärlirini tiŋşaşqa muyässär bolduq. Şagirtiniŋ yäkkä kontsertini mäzkür sän°ät mäktiviniŋ mudiri Rehimҗan Tohtahunov kirişmä sšz bilän eçip, Quddus Ğoҗamiyarovniŋ tärҗimihali vä iҗadiy paaliyiti häqqidä doklad oqudi. Dehan Ğäyrät yezisidin Yarkänt şähiridiki mäktäpkä kelip, sän°ätniŋ qir-sirlirini üginivatqan Tälätҗan u küni ravapta Quddus Ğoҗamiyarovniŋ «Teçliq sazi», «Rizvangül», «Muhäbbät» qatarliq äsärlirini kontsertmeysteri Gülmira Tohtahunovaniŋ fortepianoda täŋkäş qilişida iҗra qildi. Andin u Veber, Şubert, Çaykovskiy, Rahmaninov, Oginskiy, Šestokoviç qatarliq ismi duniyağa mäşhur kompozitorlar bilän birqatarda qazaqstanliq Ahmet Jubanov, Ğaziza Jubanova, uyğur käspiy kompozitorliri İkrim Mäsimov, Zäynullam Setäkovniŋ äsärlirini mahirliq bilän iҗra qildi.
Tälätҗan uyğurniŋ ravavida rus, nemis, frantsuz, italyan, qazaq sazlirini juquri maharät bilän iҗra qildiki, tamaşibinlar uniŋ härbir sazini güldürligän alqişlar bilän qarşi aldi.
Kotserttin keyin Tälätҗanniŋ jutdaşliri bilän ustazliri illiq tiläklirini izhar qilişti. Muällimliri Җahangül Һaşimova, Bibinur Tayirova, momisi Şadiyäm vä başqilar keläçäktä käspiy sän°ätkar boluşni niyät qilivatqan Tälätҗanğa aq yol tilidi. Rehimҗan İmir oğli bolsa, šz novitidä pärzändiniŋ boyidiki sän°ätkä bolğan iştiyaqini bayqap, saz çeliş maharitini aşuruş üçün tävädiki äŋ qedimiy Dehan Ğäyrät yezisidin on kilometr musapini besip här küni degidäk şähärgä berip kelişigä, härhil bayqaşlarğa qatnişişqa zämin yaritivatqan ata-anisi Şšhrät vä Saniyäm Gayitovlarğa minnätdarliğini bildürdi. U şundaqla uşbu bilim därgahida tälim elip, Dilmurat Baharov, Abay Äbişev, Maqpal İsabekova ohşaş estrada yultuzliriniŋ, şundaqla İlhamҗan Sulaymanov, İkrämҗan Lohmanov, Aytkül Şapağatova, Andrey Gibadullin qatarliq onliğan käspiy sazändilärniŋ yetilip çiqqanliğini tilğa aldi.
Panfilov nahiyäsi.

Bälüşüş

Javap qalduruŋ