Yeŋi därisliklär muhakimä qilindi

0
238 ret oqıldı

Yoldaş MOLOTOV, “Uyğur avazi”/ Seşänbä küni Almutidiki “Dostluq šyidä” Qazaqstan hälqi Assambleyasiniŋ ilmiy-ekspertliq topiniŋ «Yeŋi gumanitarliq bilim. Qazaq tilidiki 100 yeŋi därislik» layihisini muhakimä qiliş üçün Almuta şähärlik QHA ilmiy-ekspertliq topiniŋ novättin sirt mäҗlisi štti. Uniŋğa säyasätşunas, dinşunas alimlar, ekspertlar, studentlar vä milliy mädäniyät märkäzliriniŋ väkilliri qatnaşti. Täkitläş lazimki, mäzkür layihiniŋ asasiy mähsiti — Qazaqstan yaşliriğa gumanitarliq vä iҗtimaiy pänlär sahasida zamanğa layiq bilim beriş.
Mäҗlistä däsläpki sšzni Almuta şähiri QHA ilmiy-ekspertliq topiniŋ räisi, filosofiya pänliriniŋ doktori Muhtarbek Şaykemelov aldi.
– Һämmiŋlarğa mälumki, Prezident tävsiyä qilğan «Ruhani jaŋğıru» programmisi dairisidä «Yeŋi gumanitarliq bilim. Qazaq tilidiki 100 därislik» layihisi ämälgä aşuruluvatidu, — dedi natiq. — Şuniŋğa muvapiq, štkän jili biz iҗtimaiy, ihtisat vä psihologiya sahasidiki duniyadiki äŋ ilğar hesaplinidiğan on säkkiz kitapni tärҗimä qilip näşir qilduq. Bu kitaplarni tonuşturuş märasimiğa Dšlät rähbiri Nursultan Nazarbaev šzi iştrak qildi. Һazir bu därisliklär näşirdin çiqivatidu häm aliy oquş orunlirida oqutulidu. Mustäqilligimizniŋ däsläpki jilliri bizgä asasän ihtisatqa kšŋül bšlüşkä toğra käldi. Bügünki taŋda zaman šzgärdi häm yaşlarniŋ bilimigä bolğan iştiyaqimu aşti. Yaşlirimizniŋ duniyaviy riqabätkä qabil boluşi üçün iҗtimaiy mäsililärni, adäm psihologiyasini, kommunikatsiya vasitilirini, birnäççä tillarni bilişi haҗät. Şu turğudin qariğanda, biz ämälgä aşuruvatqan işlarniŋ ähmiyiti juquri däp hesaplaymän.
Şuniŋdin keyin ihtisat pänliriniŋ doktori Gülnara Annaqulieva «Yeŋi gumanitarliq bilim. Qazaq tilidiki 100 därislik» layihisiniŋ iҗtimaiy-ihtisadiy vä gumanitarliq aspektliri» mavzusida, filosofiya pänliriniŋ doktori, professor Sağadi Bšlekbaev «Qazaqstanliq ohşaşliqni qeliplaşturuşta yeŋi därisliklärni qazaq tiliğa tärҗimä qilişniŋ ähmiyiti» mavzusida, filosofiya pänliriniŋ namziti, dotsent Dina Eşpanova «Qazaq tilidiki 100 yeŋi därislik» layihisiniŋ yaş qazaqstanliqlarniŋ saviyäsini yeŋilaşta ähmiyiti» mavzusida, yaş alim Ayğanım Qaldıbay «Qazaqstan yaşliriniŋ «Qazaq tilidiki 100 yeŋi därislik» layihisi dairisidä bilim eliş imkaniyätliri» mavzusida dokladlar oqudi.
Çarä-tädbir ahirida oqulğan dokladlar mavzuliri muhakimä qilinip, nätiҗilär çiqirildi.

Bälüşüş

Javap qalduruŋ