Nätiҗilär çiqirilip, reҗilär bälgüländi

0
394 ret oqıldı

Raşidäm RÄҺMANOVA, «Uyğur avazi»/ Yeqinda Ämgäkçiqazaq nahiyäsi Qäynäzär yezi­siniŋ Mädäniyät šyidä nahiyälik Uyğur etnomädäniyät märkiziniŋ novättiki mäҗlisi bolup štti. Uniŋğa җumhuriyätlik Uyğur etnomädäniyät märkizi yenidiki Jigitbaşliri keŋişi räisiniŋ orunbasari Yarmähämät Kibirov, җumhuriyätlik «Uyğur avazi» gezitiniŋ baş muhärriri Erşat Äsmätov, İşiktä vä Çeläk regionliriğa qaraşliq yezi­larniŋ jigitbaşliri bilän hanim-qizlar keŋäşliriniŋ räisliri vä äzaliri qatnaşti.
Uçrişişni kirişmä sšz bilän açqan Ämgäkçiqazaq nahiyälik Uyğur etnomädäniyät märkiziniŋ räisi Sulayman Mähsütov mehmanlarni kšpçilikkä tonuşturğandin keyin jiğinni uyuşturuşniŋ mähsitigä tohtaldi. Andin nahiyälik hanim-qizlar keŋişiniŋ räisi Nurbüvi Nasirova yeqinda Astana şähiridä štkän Qazaqstan hälqi Assambleyasi HHVİ sessiyasiniŋ işiğa, Qazaqstan hälqi Assambleyasiniŋ paaliyitigä, Qazaqstan Prezidenti Nursultan Nazarbaevniŋ «Eniq 100 qädäm», «Prezidentniŋ Bäş iҗtimaiy täşäbbusi» muraҗiitigä tohtaldi. «Һärbir ailä üçün turuşluq šy setivelişniŋ yeŋi imkaniyätliri», «İş häqqi tšvän hadimlarniŋ iş häqqini aşuruş üçün seliq jüklimisini tšvänlitiş», «Aliy bilimgä egä boluşni häm uniŋ süpitini aşuruş vä student yaşlarniŋ yaşaş şaraitini yahşilaş», «Mikronesiyäni käŋäytiş» vä «Mämlikätni gaz bilän täminläş» bäş iҗtimaiy täşäbbusiğa härtäräplimä çüşänçilär bärdi. Natiq nahiyälik Uyğur etnomädäniyät märkiziniŋ җämiyätlik işlardiki paaliyiti, uyğur sinipliriniŋ muällimliri bilän oquğuçiliriniŋ qol yätküzgän utuqliri häqqidä täpsiliy mälumatlar berip, keläçäktä atqurulidiğan çarä-tädbirlärni tilğa aldi. Keläçäkkä bälgülängän reҗilärni ämälgä aşuruşta җämiyätlik işlar aktivistliriniŋ šzara šmlügi häm täşkilatçanliğiniŋ muhim ekänligini qäyt qildi. Hizmitiniŋ qiyinliğiğa qarimay, jutniŋ işini desä, yävatqan eşini yärgä qoyidiğan jigitbaşliri bilän hanim-qizlarniŋ ästaidil ämgigini orunluq bahalap, ularğa rähmitini eytti. Mäniviy ozuğimiz bolğan gezit häm teatr mäsililirigä käŋ tohtalğan Nurbüvi Märüp qizi muştiri toplaş җäriyanida yol qoyulğan kamçiliqlarni atap, muştirilar sani kemip kätkän okruglar aktivistliriniŋ işini tänqitläp, bu işta ozup çiqqanlarğa minnätdarliq bildürdi.
Millät bolup saqlinip qelişimiz üçün keläçäktimu uyğur siniplirini, ana tilimizdiki teatr vä gezit-jurnallirimiz paaliyitini qollap-quvätläşkä çaqirdi. Şundaqla yeŋidin saylanğan yeza jigitbaşlirini tonuşturup, ularniŋ işiğa muvappäqiyätlär tilidi.
Andin Qazaqstan hälqi Assambleyasi HHVİ sessiyasiniŋ delegati, nahiyälik mädäniyät märkizi räisiniŋ mädäniyät sahasi boyiçä orunbasari, tiҗarätçi Nurҗamal Һasanova sšz elip, sessiya täsiratliri bilän bšlüşsä, ҖUEM yenidiki Jigitbaşliri keŋişi räisiniŋ orunbasari Yarmähämät Kibirov ämgäkçiqazaqliq millätpärvär häm vätänpärvär qerindaşlarniŋ җämiyät vä millät täräqqiyati yolidiki işlirida utuq tilidi.
Nahiyäniŋ çoŋ jigitbeşiniŋ hizmitini atqurğuçi Üsänҗan Abdrahmanov, nahiyälik Uyğur etnomädäniyät märkizi räisiniŋ orunbasari Maydin Abdullaev, märkäzniŋ Yeŋişär yezisidiki şšbisiniŋ räisi Sarhan İmamzarova, Täşkänsaz yeza okruginiŋ sabiq hakimi Mähämätҗan Sultaniyarov, «Qazpoçta» hizmitiniŋ veterani Hatäm Qavaşeva vä başqilar milliy mädäniyitimiz bilän täräqqiyatimizğa bağliq oy-pikirliri bilän ortaqlaşti.
Uçrişiş davamida kšpçilik täripidin milliy näşir, mäktäp, teatr, «Atu» paҗiäsiniŋ 100 jilliğiğa bağliq birqatar soallar qoyulup, ularğa härtäräplimä җavaplar qayturuldi.
Ämgäkçiqazaq nahiyäsi.

Bälüşüş

Javap qalduruŋ