Dutar-tämbür çelişni üginimän desiŋiz…

0
138 ret oqıldı

Häliq nahşa-sazliri bilän kšpçilikniŋ kšŋlidin çiqip kelivatqan «Nur» topiniŋ äzasi Rinat Zeräkov dutar-tämbür çelişqa iştiyaq bağliğanlarğa däsläp šydä däris berip kälgän edi. Uniŋ bu sovapliq işidin hävär tapqan sahavätlik oğlanlirimizniŋ biri, tiҗarätçi Bilal Һoşurov šziniŋ şähsiy şirkiti orunlaşqan benadin bšlmä aҗritip beridu. Uzun sšzniŋ qisqisi, Rinatqa «Nur» studiyasini eçişiğa şarait yaritidu.Rinatniŋ eytişiçä, mäzkür studiyadä hazir ällikkä yeqin adäm dutar-tämbür çelişni üginivetiptu. Ularniŋ yaş ariliğimu härhil bolup, säkkiz yaşliq mäktäp oquğuçisidin tartip, yätmişkä taqiğan mštivärlärmu bar ekän. Rinat dutar bilän tämbür çelişqa qiziqquçilarniŋ sani munçivala kšp bolidiğanliğini oylapmu baqmiğan ekän. Yoşuruşniŋ haҗiti yoqki, bizdä P.Çaykovskiy namidiki muzıkiliq kolledjidin sirt, mähsus milliy saz äsvaplirini çelişni ügitidiğan bilim oçiği yoq. Şuŋlaşqa paaliyiti kündin-küngä җanlinivatqan «Nur» studiyasiniŋ sän°ätkä qiziqquçilarğa tepilmas mümkinçilik ekänligi talaşsiz. Buniŋdin taşqiri, bu yärdä yaş җähättin heçqandaq çäkliminiŋ yoqluği vä turmuş şaraiti tšvän ailä pärzäntliridin ähvaliğa qarap, häq elinmaydekän.
– Özäŋlärğa mälum bolğinidäk, hazir yaşlirimizniŋ kšpçiligi zamanğa yarişa «daraŋ-duruŋ» muzıkiğa amraq – däydu Rinat biz bolğan sšhbättä. – Һäqiqiti şuki, ular muŋluq, jüräk tarini çekidiğan milliy sazlirimiz iҗra qilinsa, quyqa çeçi tik turidu. Häliq nahşilirini, muqamlarni alahidä bähirliniş ilkidä aŋlavatqan çoŋlardin šzlirini neri tutuşqa tirişidu. Bu, meniŋçä bolsa, toğra ämäs. Çünki biz äҗdatlirimizdin miras qalğan äynä şu bebaha bayliqlirimizni ävlatlar qälbigä siŋdürüşimiz keräk. Bizniŋ studiyani eçiştiki asasiy mähsitimizmu şu. Hoşal qilarliği, asta-asta dutar-tämbürini kštirip «meni ügitip qoyuŋlara» däp kelivatqanlarniŋ sani šsüvatidu. Ularniŋ arisida, juqurida täkitliginimdäk, gšdäklär bilän billä, yeşi yätkänlärniŋ boluşidin, häqiqätänmu biz, uyğurlarniŋ, sän°äthumar häliq ekänligimizgä yänä bir qetim kšz yätküzdüm. Özimizni mahtiğinimiz ämäs, yeqinda Türkiyadä paaliyät elip berivatqan bir uyğur telekanili bizni çüşirip kätkän edi. U yaqtiki qerindaşlirimiz bizniŋ işimizğa intayin juquri baha berip, rähmitini eytişivatidu.
«Yahşini bir kšrmäk äla» demäkçi, «Nur» studiyasidä mäşiqlinivatqanlarni kšrüp, därislärniŋ җiddiy štidiğanliğiniŋ häm šz käspiniŋ mahiri Rinat Zeräkovniŋ şagirtliriğa täläpçanliğiniŋ, härbir notiğa diqqät qilidiğanliğiniŋ şahidi bolduq. Mümkin, keläçäktä ularniŋ arisidin daŋliq dutarçi yaki tämbürçi çiqip qalsa häҗäp ämäs.

Adiläm MÄSİMҖAN.
Almuta şähiri.

Bälüşüş

Javap qalduruŋ