Davanlarğa taşlanğan qädämlär

0
787 ret oqıldı

Ana jutiniŋ sap havasidin qanatlanğan Mahiräm Abdukerimova bu qetim bizni yänä hoşalliqqa bšlidi. Ärkin küräş boyiçä štküzülgän musabiqidä birinçilikni qolğa kältürgän u yeqinda Rumıniyadä bolup štkän musabiqidä üçinçi orunni egiläp, Qazaqstanniŋ kšk bayriğini kškkä kštärdi. 28 dšlätniŋ palvanliri küç sinaşqan mäzkür häliqara turnirda jutdişimiz däsläpki basquçtin sürünmäy štüp, yerim finalğa çiqti.Finalğa çiqiş qolumizda turatti, – däydu mäşiqländürgüçisi Quanış Ömiralinov, – äpsus, Mahiräm räqivi – täҗribisi mol bolğar palvan qizidin yeŋilip qaldi. Biraq biz üçinçi orunni eliş üçün pursätni qoldin bärmiduq. Yäni Mahiräm bronza medaliğa sazavär boldi.
Bu huş hävär Mahirämniŋ däsläpki ustazi – mäşiqländürgüçi Tursun Qurbanovni hoşalliqqa bšlidi. Ata-anisi Rozimähämät vä Adalät Säydullaevlarniŋmu beşini kškkä yätküzdi.
Qizimiz Rumıniyağa maŋğanda Ğäyrät yezisidiki İsmayil Sattarov namidiki ottura mäktäpniŋ mudiri Äzimҗan Märüpovniŋ küç çiqirişi tüpäyli, Almutida istiqamät qilivatqan Täl°ät Һämraev, Mahmut İskändärov, Tahir Baltiev, Pähirdin Tohtiev vä jut yaşliri maddiy vä mäniviy җähättin yardäm qolini sundi, – däydu ular. – Pursättin paydilinip, juqurida isimliri atalğan äzimätlärgä vä jutdaşlirimizğa minnätdarliğimizni izhar qilip, işliriğa utuq tiläymiz.
… Oquş jilimu tamamlandi. Mahirämniŋ uşbu utuği šzi oqup-mäşiqlinivatqan Taldiqorğan sport mäktiviniŋ biyilqi oquş jiliniŋ “Һesavat tarihiğa”, jutdaşliriniŋ qälb tšrigä yezilidiğan bolidu.

Abdulҗan AZNİBAQİEV.
Ämgäkçiqazaq nahiyäsi.

Bälüşüş

Javap qalduruŋ