«İҗatkar» җankšyärliriniŋ beşini qoşti

1
86 ret oqıldı

Sabiräm ÄNVÄROVA,
«Uyğur avazi»

Yeqinda Uyğur nahiyäsiniŋ märkizi Çonҗa yezisida Dšlät rähbiri N.Ä. Nazarbaevniŋ «Keläçäkkä nişan: mäniviy yeŋiliniş» maqalisi asasida «İҗatkar» jurnaliniŋ tonuşturuş märasimi bolup štti. Uniŋğa mäktäp mudirliri, ustazlar, җämiyätlik birläşmilärniŋ räisliri, jigitbaşliri vä yeza turğunliri iştrak qildi.Märasimni nahiyälik maarip bšlüminiŋ rähbiri Adilҗan Һaşirov eçip, däsläpki sšzni jurnalist, «İҗatkar» jurnaliniŋ asasini salğuçilarniŋ biri Ähmätҗan İsrapilovqa bärdi.
– Һoylida bir türlük gülniŋ šskinigä adämlär qanaät qilmaydu. Ular dayim uniŋ türlirini kšpäytişkä tirişidu. Demäk, җämiyitimizdä gezit-jurnal, kitaplar kšp bolsa, heçqaçan artuqluq qilmaydu, – dedi u šz sšzidä. – Kšrnäklik yazğuçi Һ.Abdullinniŋ «ana tilda bir jurnal çiqarsam» degän arman bilän štkänligini yahşi bilimän. Käç bolsimu äynä şu boşluqni tolturuşqa bäl bağliduq. Mähsitimiz – äҗdattin ävlatqa miras ädäbiyatimiz gävhärlirini saqlap qeliş, duniyadin štkän ädiplärniŋ äsärlirini yeŋi zaman yaşliriğa tonuşturuş.
Filologiya pänliriniŋ namziti Rabik İsmayilov tilimiz, urpi-adät, sän°itimizni, qisqisi, bar bayliğimizni kšzümizniŋ qariçuğidäk saqlap, rivaҗlanduruş üçün elimizdä härtäräplimä mümkinçiliklär yaritilğanliğini qäyt qilip, qolda bar pursätniŋ qädrigä yetişkä çaqirdi. Natiq gezit-jurnalniŋ heçqaçan šlmäydiğan bayliq ekänligini täkitlidi.
Sšzgä çiqqanlar qatarida җumhuriyätlik «Uyğur avazi» gezitiğa uzun jillar rähbärlik qilğan, Qazaqstanniŋ hizmät kšrsätkän ärbabi Yoldaş Azamatovmu boldi. U «İҗatkardäk» keläçigimiz üçün ähmiyiti zor jurnalni häliq mänpiyiti üçün çiqirivatqan käsipdaşliri Ähmätҗan İsrapilov bilän Malik Mähämdinovniŋ işliriğa utuq tiläp, bu jurnal uyğur ädäbiyati bilänla çäklinip qalmay, uniŋda qerindaş qazaq hälqi vä türkiy häliqlärniŋ äsärlirini yorutuş täklivini bärdi.
Fizika-matematika pänliriniŋ doktori, Dšlät mukapitiniŋ laureati Kärim Hudaybärdiev «İҗatkarğa» «Yaş-qeriğa bilim beridiğan jurnal» degän baha berip, uniŋda uyğurniŋ ata käspi dehançiliq toğriliq bir buluŋ aҗritişni iltimas qildi.
Uyğur hälqiniŋ büyük şair-yazğuçilarniŋ ävladi ekänligini mahtiniş bilän tilğa alğan Qazaqstanniŋ hizmät kšrsätkän ärbabi, kšrnäklik kollektsioner Azat Һakimbäg, ata-bovilirimiz yaşiğan zaman bilän hazirqi hayatimizni seliştursaq, turmuşimizniŋ üç hässä yahşilanğanliğini eytip, mävsümigä bir qetim 1000 täŋgä häşläp, bir jurnal setivelişniŋ ançila bir çoŋ qiyinçiliq ämäs ekänligini täkitlidi. Şundaqla yeŋidin näşirdin çiqqan üçinçi kitavidin üzündilär oqup, märasimğa qatnaşquçiliriğa yeŋi kitavini häqsiz taratti häm «İҗatkar» jurnaliğa 500 000 täŋgä ianä qildi. Һamiyliq qilğanlar arisida Mahidin Җamalov, Һosmanҗan Mähämätovmu bar. Keyin җumhuriyätlik «Uyğur avazi» gezitiniŋ baş muhärriri, Erşat Äsmätov Dšlät rähbiriniŋ maqalisiğa benaän bu qisqa vaqit içidä kšpligän izgü başlanmilarniŋ yolğa qoyulğanliğini eytip, «İҗatkar» jurnaliniŋ barliqqa kelişi şu utuqlirimizğa qoşulğan çoŋ hässä ekänligini qäyt qildi. Natiq şundaqla Uyğur nahiyäsidä mäniviy yeŋiliniş asasida ähmiyätlik nurğunliğan çarä-tädbirlärniŋ uyuşturuluvatqanliğiniŋ guvaçisi bolup kelivatqanliğini tilğa elip, «häqiqiy bayliq maddiy bayliq ämäs, mäniviy bayliq» ekänligini alahidä täkitlidi. Şuniŋ bilän qatar, moşu yahşiliqlirimizniŋ barliği Qazaqstan häliqliriniŋ birliginiŋ nätiҗisi ekänligigä tohtilip, moşu märasimiğa qazaqniŋ qara dombrisi bilän kälgän küyçi-kompozitor, Qazaqstanniŋ hizmät kšrsätkän ärbabi Şämil Äbiltaevni kšpçilikkä tonuşturdi.
«Atamwra» korporatsiyasi Uyğur redaktsiyasiniŋ başliği, «İҗatkar» jurnaliniŋ baş muhärriri Malik Mähämdinov bolsa, ana jutiğa kelip hayaҗan ilkidä turğanliğini eytip, birinçidin, «İҗatkar» jurnalini qollap-quvätläp kälgän mehmanlarğa minnätdarliğini bildürdi vä jurnalniŋ keläçigi hälqimizniŋ qolida ekänligini täkitläp, šziniŋ bolupmu Uyğur nahiyäsidiki qerindaşlarğa zor ümüt artidiğanliğini yätküzdi. Andin sšz alğan Şämil Äbiltaev jurnalniŋ işliriğa aq yol tiläp, šziniŋ ustazi, büyük kompozitor Quddus Ğoҗamiyarovqa beğişliğan «Quddus» küyini orunlap bärdi.
Şuniŋdin keyin sšz novitini alğan «Nwr Otan» partiyasi Uyğur nahiyälik şšbisi räisiniŋ birinçi orunbasari Mäulen Nurov millitini sšyüş bir başqa, millätpärvär boluş bir başqa ekänligini täkitligäç, mäzkür çarigä häqiqiy millitini sšyidiğan insanlarniŋ jiğilğanliğini eytti vä bügünkidäk tehnika täräqqiy ätkän zamanda gezit-jurnal, kitaplirimizniŋ qädrini çüşirişkä härgiz yol qoymasliğimiz lazimliğini çüşändürdi. Natiq «İҗatkar» jurnaliniŋ keläçigidin ümüti zor ekänligini täkitläp, uniŋ oqurmänliriniŋ kšpiyiverişigä tiläkdaşliq bildürdi. Märasimda sšzgä çiqqan qatarida Uyğur nahiyälik veteranlar keŋişiniŋ räisi Nurväg Seyitov, nahiyälik Uyğur etnomädäniyät märkizigä uzun jil räislik qilğan jut mštiväri Zakir Mämirov, nahiyäniŋ çoŋ jigitbeşi Abdukerim Säydullaev, Kiçik Aqsu ottura mäktiviniŋ mudiri Tohtahun Qadirov, şair Turğanҗan Avliliev, Çonҗa yezisiniŋ jigitbeşi Üsän Җälilov, Kiçik Aqsu yezisiniŋ jigitbeşi Adilҗan Sabitov, Çonҗa yezisiniŋ mštiväri Ablimit Märdanov, şairä Päridäm Teyipova boldi.
Bolupmu, Taştiqarisu yezisiniŋ jut mštiväri Vilsim Mšmünovniŋ sšzliri hämmidä çoŋqur täsirat qaldurdi. U uyğur tilidiki näşirlirimizni saqlap qalimiz desäk, äŋ birinçi uyğur mäktäplirini saqlap qelişimiz zšrürlügini eytti.
Natiq äpsuslanğinidäk, häqiqätänmu uyğur mäktäpliridiki oquğuçilarniŋ sani jildin-jilğa aziyivatidu. «Äl bolimän desäŋ, bšşügiŋni tüzä» demäkçi, hämmä närsä bala tärbiyisigä bağliq. Balilirimizni milliy rohta tärbiyilisäk, keläçäktä «gezitqa yezil», «jurnal setival» degän gäplärdin qutulimiz. Yänä bir eytidiğinim, toy-tškün, mäşräplärdä šrüm-çšrümgä pul häşligändä märtligini kšrsitip, bari-yoqi 1000 täŋgä turidiğan jurnalni setivelişqa kälgändä pişşiqliq qilidiğinimizğa eçinimän. Şu vaqitta biz rohiy bayliqniŋ nemä ekänligini untup qalğinimizmu?
Käçtä Kiçik Aqsu ottura mäktiviniŋ oquğuçiliri Radmina Tohtahunova bilän Päridäm Mäsütova bir türküm şeirlarni yadqa oqup, qatnaşquçilarniŋ qizğin alqişiğa bšländi.
Uyğur nahiyäsi.

Bälüşüş

1 izahät

Javap qalduruŋ