Ülgilik kitaphana

0
246 ret oqıldı

Sabiräm ÄNVÄROVA,
«Uyğur avazi»

«Kitap – bilim buliği, bilim – hayat çiriği» demäkçi, kitap qaysi zamanda bolmisun, insan üçün äŋ bebaha ğäznä bolup hesaplinidu. Çünki bilimniŋ asasi – kitapta. Kitapsiz bilim yoq. Һä, bilimsiz adäm kšzi oçuq kor bilän baravär. Şuŋa, härqandaq älniŋ, millätniŋ keläçigi üçün kitap muhim rol' oynaydu. Moşu yärdä Dšlät rähbiri N.Ä. Nazarbaevniŋ bir sšzini misalğa kältürmäkçimän.«Män qazaqstanliqlarğa, bolupmu yaşlarğa yänä bir qetim eytmaqçimän: kitap oquŋlar! Bügünki kündä millätniŋ riqabätkä qabilliği, uniŋ bilim däriҗisigä bağliq. Kitap adämni tärbiyiläydu, aŋ-säviyäsini käŋäytidu», däp täkitläydu Millät Lideri.
Kitapni – bilim mevisi desäk, şu mevilik däräq – kitaphana. Һäqiqiy bayliq kani, muqäddäs därgah. Äynä şundaq ğäznä ordilirini elimizniŋ härbir täväsidin tapqili bolidu. Hulläs, Uyğur nahiyäsimu şu җümlidin. Ändi nahiyädiki äŋ çoŋ, kitap mänbäsi bay märkäzniŋ nahiyälik kitaphana ekänligi talaşsiz. 1948-jili qurulğan Uyğur nahiyälik kitaphanisi šzigä jüklängän çoŋ җavapkärlikniŋ hšddisidin çiqip, zaman tälivigä layiq iş elip barmaqta. Uşbu kitaphaniğa 2010-jili «KABİS» (qazaqstanliq avtomatlaşturulğan kitaphana vä ähbaratliq sistema) programmisi kirgüzülgän. 2013-jili bolsa, kitaphaniniŋ ikki qävätlik yeŋi tiptiki benasi qäd kštirip, Çonҗa yezisiniŋ hšsnigä hšsün qoşti. Şuniŋdin etivarän, oqurmänliriniŋ kšŋlidin çiqip, zaman tälivigä layiq hizmät kšrsitip kelivatqan kitaphana Aida Tursunovaniŋ rähbärligidä nurğunliğan utuqlarni qolğa kältürdi. Birinçidin, kitap mänbäsi bilän täŋ oqurmänlär sanimu kšpäydi. Yäni, 2013-jili 186 800 kitap, 16 200 oqurmäni bolğan kitaphaniniŋ hazir 17 100 oqurmäni, 213 500 kitap mänbäsi bar.
Һärqaçan çoŋ-kiçik üçün ähmiyiti juquri çarä-tädbirlärni štküzüp, paaliyätçanliği bilän kšzgä çüşidiğan kitaphana häqqidä eytarimiz intayin nurğun. Uniŋ ahirqi bir jilniŋ içidä ämälgä aşurğan işlirinila eytip štsäk kupayä. Җümlidin filologiya pänliriniŋ doktori, professor, «Qwrmet» ordeniniŋ sahibi Asılı Osman, SSSR häliq artisti, «Qazaqstanniŋ Eŋbek eri» Asanäli Äşimov, şundaqla Qazaqstan Yazğuçilar ittipaqi başqarmisiniŋ sabiq räisi, kšrnäklik qäläm sahibi Nurlan Orazalinniŋ 70 yaşqa toluşi munasiviti bilän nahiyä dairisidä çoŋ uçrişişlarni uyuşturdi. Dšlät rähbiriniŋ «Keläçäkkä nişan: mäniviy yeŋiliniş» maqalisiğa vä «Bäş iҗtimaiy täşäbbus» namliq muraҗiitigä bağliq kšpligän çarä-tädbirlär štküzüldi. Mäyräm künlirini hesaplimiğanda, Һ.Arzievniŋ tuğulğininiŋ 90 jilliğiğa «Eŋbegin el tanığan el ağası» mavzusida hatirä käç, jutdaş şairä vä yazğuçi P.Teyipovaniŋ iҗadiyitigä beğişlanğan «Şuağın şaşqan jıldarım» namliq uçrişiş, ädäbiy käçlär uyuşturuldi.
Kitaphana rähbärliginiŋ bu izgü işliri munasip bahalinip, kšpligän maddiy vä mäniviy soğilar bilän täğdirländi. Yeqinda mäzkür kitaphana Almuta vilayitiniŋ hakimi Amandıq Batalovniŋ qolidin «Üzdik kitaphana» nominatsiyasi boyiçä mähsus diplom bilän täğdirlinip, 100 miŋ täŋgilik sertifikat elişqa muyässär boldi. Astanada štkän «Ruhani qazına» җumhuriyätlik festivalida QҖ Mädäniyät ministri Arıstanbek Muhamediulıniŋ qolidin «Alğıs hat» elişqa muyässär boldi. Bir kündä nahiyägä qoş hoşalliq äta qilğan kitaphaniçilarni nahiyä hakimi Şšhrät Nurahunov çoŋ sähnidä täbrikläp, işiğa utuq tilidi.
Hulläs, šz novitidä bizmu kitaphaniçilarni uşbu hoşalliği bilän täbrikläp, ularniŋ tehimu yüksäk pällilärdin kšrünüşigä tiläkdaşliq bildürimiz.

Bälüşüş

Javap qalduruŋ