Һärbir sšzümizni oylinip qilayli

0
203 ret oqıldı

Erşat ÄSMÄTOV,
“Uyğur avazi”

Bügünki kündä duniya җamaätçiligi nahayiti bir muräkkäp, änsiz dävirdä yaşavatidu. Һaram niyätlik küçlär täripidin mämlikätlär, millätlär, dinlar arisiğa adavät uruği sepilip, bäzi ällärdä uruş-toqunuşlarniŋ boluvatqanliği hämmimizgä mälum. Uniŋ aqivitidin zärdap çekivatqan yänila şu teç ahali, addiy häliq… Hudağa miŋ qatliq şükri, bizniŋ vätinimiz – kšpmillätlik mustäqil Qazaqstanda yüzdin oşuq millät väkili päqät šziniŋla ämäs, bir-biriniŋ tilini, urpi-adät, än°änilirini vä başqa qädriyätlirini hšrmätläp, bir ailiniŋ äzaliridäk inaq-iҗil šmür sürmäktä. Dšlät rähbiri – Millät lideri N.Ä. Nazarbaev dayim täkrarlaştin harmay kelivatqan äŋ çoŋ bayliğimiz – birlik-ittipaqliğimizdin, šzara işänçä-çüşänçimizdin Alla bizni ayrimiğay.Yoşuridiğini yoqki, ikki adämniŋ yaki millätniŋ arisidiki soğaqçiliq kütülmigän yärdinla päyda boluşi mümkin. Bäzidä uniŋ üçün muş taşlaş yaki oq etiş ämäs, bälki oylimay eytilğan bir eğiz sšzniŋ šzila yetärlik. Һä, uni adättiki qizirip turğan çoqqa ohşitişqa bolidu. Çünki uni püvdäp šçirişkimu, äksiçä tutaşturup, ulğaytişqimu bolidu. Buniŋğa adättiki häzilkäşlirimiz eytip jürgän bäzi çaqçaqlarni misal süpitidä kältürüp štäyli. Eytayluq, “Karaokeni hälqimiz käşip qilğan. U “qara vä “oqi” degän sšzlärdin tärkip tapqan. Yaki “Galstuk – uyğurlardin çiqqan. Uniŋ mänasi – gälgä astuq”. Bir qarimaqqa bu adättiki häzil. Amma, ägär u salmaqliq, ziyaliy şähslirimiz yaki alim-tätqiqatçilirimiz täripidin käŋ amma aldida eytilsa, uni başqilar qandaq qobul qilişi mümkin. Ägär kelip çiqişini tählil qilsaq, karaoke – yaponçä kara – boş, okesutora – orkestr, galstuk – nemisçä halstuch, yäni “boyun yağliği” degän mänani bildüridu.
Mabada biz çoŋ minbärlärdä, җiddiy auditoriya aldida bu atalğularni “šzimizniŋ” däp ispatlaşqa tirişsaq. yaponlar bilän nemislarniŋ aldida şärmändä bolmaymizmu? Äksiçä, uyğurlarğa täälluq duniya ähligä mälum käşpiyatlarni başqilar burmilap, šzlirigä tartsa, bizniŋ şähsimizgä tegişlik täbiiy hadisiğu! Bolupmu mundaq hataliqlar yär-su namliriğa kelip tirälgändä, adättiki ränҗişnila ämäs, millätlärara naraziliqni päyda qilmasliğiğa kim kepillik beräläydu?
Bizniŋ pikrimizni, hšrmätlik gezithan, paydiliq mäslihät retidila ämäs, bälki šzimizgä eytilğan tänqit süpitidimu qobul qilişiŋizğa bolidu. Çünki gezitimiz sähipisidä bu hildiki hataliqniŋ ävätilgänligini inkar qilalmaymiz. Gezitimizniŋ qoluŋizdiki sanida alim Valeriy Mähpirovniŋ maqalisinimu (3-bättin oquŋlar) keläçäktä äynä şundaq hataliqlarğa yol qoymayli, degän mähsättä elan qilivatimiz.
Rozi heytiŋlar mubaräk bolsun! Bir-birimizgä dayim sämimiy häm käçürümçan bolayli, qerindaşlar!

Bälüşüş

Javap qalduruŋ