Äҗdatlar rohiğa beğişlandi

0
133 ret oqıldı

Sabiräm ÄNVÄROVA,
«Uyğur avazi»

Gezitimizniŋ štkän sanliriniŋ biridä Almuta şähiridä istiqamät qilivatqan çoŋaqsuluq Äli Ähmätov, Srajdin Tursunov, Daniyar Rozahunovniŋ hamiyliq qilişi bilän Uyğur nahiyäsiniŋ Çoŋ Aqsu yezisida «Atu» paҗiäsiniŋ qurvanliriğa hatirä taş qoyulğanliği häqqidä yezilğan edi. Hulläs, bügünki kündä bu sovapliq iş oŋuşluq ayaqlişip, štkän häptiniŋ şänbä küni älgä tonulğan ärbaplirimiz, ziyalilar, şair-yazğuçilar, qisqisi, jürigi «hälqim» däp soqqan qerindaşlirimiz Çoŋ Aqsu yezisiğa qädäm täşrip qildi.Därhäqiqät, jiraq-yeqindin kälgän mehmanlarniŋ sanida çäk bolmidi. Kšpçilik däsläp «Atu» paҗiäsi yüz bärgän җayda җäm boldi. Yeza imami ata-bovilirimizniŋ rohiğa beğişlap dua qildi.
Şuniŋdin keyin, buniŋdin bir äsir ilgiri gunasiz nabut bolğan yüzligän ata-bovilirimizniŋ җäsidi kšmülgän tävärrük topraqniŋ quçiği bir pästä dästä-dästä güllär bilän gülçämbärlärgä toldi.
Çoŋ Aqsu yezisidin çiqqan şair Tel'man Nurahunov mäzkür märasimğa riyasätçilik qilip, däsläpki sšzni җumhuriyätlik Uyğur etnomädäniyät märkizi yenida “Atu” vaqiäsiniŋ 100 jilliğini hatiriläp štüş boyiçä qurulğan komissiya äzasi, vakalätän tarihçi, professor Abdullam Samsaqovqa bärdi. Natiq mäzkür çarä-tädbirniŋ näqädär ähmiyätlik ekänligigä tohtilip, ҖUEMniŋ jilliq reҗisidä asasiy çoŋ üç mäsilä bolğanliğini, ularniŋ biri latin alfavitiğa bağliq štülgän çarä-tädbirlär, biri alda nişanlinidiğan Uyğur mätbuatiniŋ 100 jilliği bolsa, yänä bir muhim çarä «Atu» paҗiäsiniŋ 100 jilliq sänäsi, häm säyasiy täqipläş vä açarçiliq jilliri qurvanliri künini atap štüş ekänligini täkitlidi. Roza heytiniŋ ikkinçi küni L.Mutällip, Ğ.Sädvaqasovtäk ismi tarihta qalğan namayändilirimizniŋ jutiğa җäm boluştiki asasiy mähsät, juqurida täkitlänginidäk, «Atu» paҗiäsi vä säyasiy täqipläş qurvanlirini häm açarçiliq jilliri kšz jumğan ata-bovilirimizni äskä eliş ekänligini tilğa aldi. Andin natiq Çoŋ Aqsu jutiğa bir türküm kitaplarni ianä qildi.
Novättä sšzgä çiqqan Uyğur nahiyälik «Qoğamdıq kelisim» keŋişiniŋ räisi Jeŋis Toyşibekov uşbu çarini Dšlät rähbiriniŋ «Keläçäkkä nişan: mäniviy yeŋiliniş» maqalisi bilän bağlaştursa, Moskvadin kälgän uyğur şairi Vil'yam Sadiqov «Atu» paҗiäsigä beğişlap yazğan şeirini oqup bärdi. Kšrnäklik yazğuçi, Qazaqstanniŋ hizmät kšrsätkän ärbabi Ähmätҗan Һaşiri šmlügimizniŋ mäŋgülük boluşini tilidi.
Bayseyit yezisi İ.Tayirov namidiki uyğur ottura mäktiviniŋ 8-sinip oquğuçisi Sumbat Säydullaeva şair Vil'yam Molotovniŋ «Atu» paҗiäsi häqqidä yezilğan «Ünsiz sada» namliq şeirini yadqa eytip, hämmidä çoŋqur täsirat qaldurdi.
Moşu işniŋ beşida bolup, maddiy vä mäniviy җähättin qollap-quvätläp kälgän Äli Ähmätov jutniŋ hizmitidä jürgän jigitbeşi Mahmut İsrayilovqa häm uniŋğa yeqindin yardäm qilğan jutdaşliri Qasim Qämäevqa, Musaҗan Tayipovqa vä başqimu çoŋ-kiçik jutdaşliriğa, näzirniŋ dästihinini šz hšddisigä alğan Һurnisäm Rähmätҗanovağa minnätdarliğini izhar qilip, M.İsrayilovqa çapan kiygüzdi. Öz novitidä sšzgä çiqqan yeza hakimi P.Mšrdinovmu jutdaşliriğa yol-yoruq kšrsitip, uşbu izgü başlanmiğa türtkä bolğan Ä.Ähmätov, S.Tursunov, T.Nurahunov, Ğ.Memanov, Ä.Risäkov, D.Rozahunovqa Çoŋ Aqsu juti namidin minnätdarliq bildürdi.

Uyğur nahiyäsi.

Bälüşüş

Javap qalduruŋ