Rabdulni äslätkän kontsert

0
260 ret oqıldı

Bähtişat SOPİEV,
«Uyğur avazi»

Buniŋdin ikki ay ilgiri 12-şähärlik ağriqhanida almutiliq 31 yaşliq Rabdul Һevullaev bemäzgil kšz jumdi. Dohturlarniŋ qoyğan diagnozi – pnevmoniya. Ätisi Rabdulni miŋliğan adämlär ahirqi säpärgä uzatti. Uniŋ namiziğa kälgänlärniŋ sani yoq. U küni maşinilarniŋ aldi qäbirstanliqqa yätsä, käyni musibät çiqqan šydä boldi. Kšŋül eytip kälgänlärniŋ arisida märhumniŋ çät ällärdä yaşavatqan dostlirimu bar…Bizniŋ Rabdul mäzkür maqalini yezişimizğa «Uyğur avaziniŋ» elektron poçtisiğa Ukrainidin kälgän tšvändiki hät säväp boldi.
– Biz Rabdul bilän ŞUARda, yäni şu yärdä uyuşturulğan «Talant sähnisi» şou-programmisida tonuştuq, – däp başlaptu hätni muälliplär. – Mäşiqliniş päytidä birinçi qetim uyğurlar bilän kšrüşüp vä şu millätniŋ ussulini tamaşä qilduq. Rabdul šziniŋ äҗayip mahirliq bilän iҗra qilğan ussuli arqiliq bizgä pütün bir millätni tonutti. Uniŋ maharitidin äҗayip täsirländuq. Undaq plastikini biz heçqaçan kšrmigän eduq. Umumän mundaq ussulni birinçi qetim kšrüşimiz däp eytsaq mubaliğä bolmas. Uniŋğa uyğurlardin tärkip tapqan jyurilar juquri baha bärdi. Һätta bir jyuri äzasi qizip ketip, uniŋ bilän ussulğimu çüşti. Hatalaşmisaq, Rabdulni Qazaqstandin Rustäm Sonurov isimliq jigit elip käptu. U yaq «Talant sähnisiniŋ» Qazaqstandiki väkili ekän. Rabdul bilän Rustäm bizgä uyğurlar toğriliq kšp närsilärni eytip bärgini yadimda. Ular mäzkür şou-programma җäriyanida bizgä tärҗimanliqmu qildi. Rabdulniŋ vapati häqqidä aŋlap, nahayiti qayğurduq. Uniŋ illiq çirayi, huş külkisi, şoh ussuli därhal kšz aldimizğa käldi. Rabdulniŋ ata-anisiğa, qom-qerindaşliriğa çoŋqur qayğurup täziyä bildürimiz. ŞUARdiki uçrişişta Rabdulniŋ šzi häqqidä heçnärsä sorap ülgärmäptimiz. Mümkin bolsa, Rabdul häqqidä ätrapliq ähbarat bärsäŋlar».
Tat'yana Kolesniçenko vä Aleksandr Urda «STUDİO RAR prodakşen» kampaniyasiniŋ rähbärliri.

Rabdul Һevullaev addiy uyğur ailisidä tuğulğan jigit. U Almuta şähärlik kommunal egiligidä işlävatatti. U altä yeşidin uyğur milliy ussullirini babiğa yätküzüp orunlaşqa başlaydu. Ussulni u dadisidin ügängän ekän. Dadisi Rabdulniŋ bovisidin ügängän bolup çiqti. Bu üçi ussulğa çüşkändä härqandaq märasimni qizdurivetätti.
Rabdul on yeşida kšpçilikniŋ kšzigä çüşüşkä başlaydu. Uniŋ däsläpki qetim “İparhan” prodyuserliq märkizi täsis qilğan «Hoşä!!!» şou-programmisida Artur İlahunovniŋ iҗrasidiki «Äziz yar» nahşisiğa tamaşibinlar arisidin turup, ussulğa çüşkini helimu yadimda. Şu vaqitta aldinqi qatarda oltarğan Qazaqstan häliq artisti Murat Ähmädiev Rabdulniŋ qolini elip, uniŋğa vizitkisini bärgän edi. U keläçäktä Rabdulniŋ Uyğur teatriniŋ sähnisidä kšrüşni arman qilğan bolsa keräk. Şuniŋdin keyin u «Hoşäniŋ» iştrakçiliri bilän Türkiyadä štkän IX häliqara “FOMGED” balilar festivaliniŋ ğalibi ataldi. Amma u çoŋ bolğanda sän°ätni tallimidi. Uyğurniŋ milliy ussulini oynaş uniŋ hobbisi bolup qalivärdi. Qazaqstan uyğurliri arisida Rabdulni tonumaydiğan uyğur yoq edi desäm, hatalaşmaymän. Ottuz oğulniŋ häqiqiy mänasidiki güli edi. Ahirqi qetim u ŞUARda štkän «Talant sähnisi» şou-programmisiğa qatnişip, birinçi basquçtin muvappäqiyätlik štti. Amma bu uniŋ ahirqi ussuli ekän…
Ötkän häptidä Rabdulniŋ almutiliq dostliri uniŋ tuğulğan künini atap štti. Dostliri Sayit Mäsimov bilän Һakim Abduvaҗitov birtürküm nahşiçilar kollektivlarniŋ qollap-quvätlişidä Talğir nahiyäsiniŋ Tuzdıbastav yezisidiki Mädäniyät šyidä Rabdulniŋ hatirisigä häyrihahliq kontsert uyuşturdi. Uniŋğa Rabdulniŋ ata-aniliri bilän qerindaşlirinimu täklip qiptu. Tuzdıbastav yezisidiki «Aziya» ussulçilar topi (horeograf İslam İsrayilov) Rabdulniŋ ussullirini bir ay üginiptu. Ular Rabdulniŋ härbir härikitini qaytiliğanda, zalda oltarğanlar äriksiz kšzlirigä yaş aldi. Zalda җim-җitliq hšküm sürdi. Mundaq päytlärni Zulpiqar Zayitov, Pärhat Mäsimov, Ähmätҗan Tayirov, Radik Ömärov, Säyyarä Setäkova, Bähtiyar Һoşurov, Nariman Һaşirov, Tahir İbragimov qatarliq sän°ätkarlar huşhoy nahşiliri arqiliq bilindürmidi. Ahirida uyuşturğuçilar sähnigä Rabdulniŋ ata-anisini çiqirip, ularğa kontserttin çüşkän pulni ianä qildi vä hatirä soğisini tapşurdi. Öz novitidä ular Rabdulniŋ ağinilirigä minnätdarliğini bildürdi.

Bälüşüş

Javap qalduruŋ