Meniŋ baş muhärrirlirim

0
312 ret oqıldı

Män šzäm tallavalğan sšyümlük käspim bilän 30 jildin oşuq ämgäk qildim. Kürti, Balqaş, Kegen nahiyäliridä işlidim. Jurnalistikida korrektorluqtin başlap muhärrirniŋ orunbasari lavazimiğiçä bolğan barliq baldaqlarni besip šttüm. Uniŋdin taşqiri yättä jil Qazaq teleradiokorporatsiyasiniŋ Uyğur nahiyäsidä eçilğan bšlümçisidä muhärrir bolup işlidim. Moşu jillar içidä maŋa rähbär bolğan, šzliriniŋ täҗribilirini ügätkän, mäslihätlirini bärgän insanlar heçqaçan yadimdin kätmäydu.Şähsän šzämniŋ jurnalistikiğa kelişimniŋ šzi qiziqarliq. Qazaq milliy universiteti jurnalistika fakul'tetiniŋ 3-kursida oquvatqinimda balilarğa beğişlanğan äsärlirimni yezip gezitlarğa ävätip turattim. Ädäbiyat näzäriyäsi pänidin däris beridiğan oqutquçimiz – şair Qadir Mirzaliev meniŋ iҗadiyitimni kšrüp jürgän ekän. Bir küni u meni çaqirivelip, tez arida emtihanlarni tapşurup, Almuta vilayätlik täşviq-tärğibat bšlümigä berişimni җekilidi. Şu yärdä Baymolda Musin degän kişiniŋ kšrsätmisi bilän Kürti nahiyälik «Şwğıla» gezitiniŋ tähriratiğa qarap yol tuttum. Bu yärdä meni gezitniŋ baş muhärriri Ötegen Qubiev huşçiray kütüvaldi. Äynä şu däsläpki baş muhärririm maŋa käspimniŋ qir-sirlirini ügätti. Üç jildin keyin bolsa, «Balqaş eŋbekkeri» gezitiğa, yäni Balqaş nahiyäsigä yštkäldim. Bu yärdä baş muhärrir Saylaubek Baydüysenov boldi. Keyiniräk Kegen nahiyälik «Kommunizm nwrı» gezitida Jolşı Bikebaevniŋ qol astida işlidim. 1990-jili Uyğur nahiyälik «İli vadisi» gezitiniŋ yenida qazaq tilida «İle şwğılası» geziti yoruq kšrüşkä başlidi. Gezitniŋ şu vaqittiki baş muhärriri Nurmähämät İhazov meni Kegändin çaqirtivaldi. Özara uni biz Nur aka dättuq. Nur akam maŋa alahidä ğämhorluq qilidiğan. İşqa kirişim bilänla meni šy bilän täminlidi. Baş muhärrir gezitniŋ mäzmunluq çiqişini nahayiti täläp qilatti häm barliq yol-yoruqlarni kšrsitip turidiğan. Däsläp qazaq redaktsiyasidä kadr tapçilliğimu boldi. Nur akiniŋ yardimi bilän asta-asta gezit işiğa käspiy jurnalistlarnimu җälip qilişqa başliduq. Nur aka zerikmäy yaşlarğa jurnalistika ohşaş qiyin käsipniŋ qir-sirlirini ügitätti. Һazir şu yaşlar tonulğan jurnalistlar qatarida ämgäk qilip kälmäktä. Ular moşu kämgiçä ustazi süpitidä Nurmähämät İhazovni pähirlinidu. Şuniŋdin keyin Tuyğun Rämäkov, Abdumanap Ablizov, Abulҗan Musiyarov, Anar Düysenbayqızı ohşaş käsipdaşlar billä işläş bähtigä muyässär boldum. Ular bilän štküzgän iҗadiy paaliyitim heçqaçan esimdin çiqmaydu häm ularni dayim mahtiniş bilän, hayaҗanlar ilkidä äsläp turimän. Mana bügün mätbuat hadimliri šzliriniŋ käspiy mäyrimini nişanlavatidu. Şu munasivät bilän barliq käsipdaşlirimni çin qälbimizdin täbrikläp, iҗadiy utuqlar tiläymän.

Eskermes Isqaqulı,
Qazaqstan jurnalistlar ittipaqiniŋ äzasi.

Bälüşüş

Javap qalduruŋ