Gšzäl yaşliğimizni äslätkän uçrişiş

0
185 ret oqıldı

Bir türküm millätpärvär insanlar, ustazlar vä kolhozda istiqamät qilivatqan jut mštivärliriniŋ täşäbbusi vä Almuta vilayätlik maarip bšlüminiŋ qollap-quvätlişi bilän 1957-jili Talğir nahiyäsiniŋ Kalinin yezisida (hazirqi Tuzdıbastav) säkkiz jilliq mäktäp eçilidu. Qazaq, rus sinipliri bilän billä uyğur siniplirimu eçilip, säkkiz jilliq programma boyiçä iş elip baridu.Bu bilim oçiğiniŋ şäkillinişigä šz hässilirini qoşqan Savut Kibirov, İbadät Җahanova, Abdrim Muhämätov, Pähirdin Häyrudinov, İlahun Änsärov, Һakim Muhidinov, Yarmähämät Qurbanniyazov, Һebibullam Qaharov qatarliq aliy bilimlik ustazlar apirin äyläşkä ärziydu. Ularniŋ içidä asasiy pänlärdin fizika-matematika muällimi İlahun Änsärov, himiya pänidin Һakim Muhiddinnov, uyğur tili vä ädäbiyati pänidin Abdrim Muhämätov, tarih-geografiya vä başqa pänlärdin Lena Zordunova, Klara Mäşürova hädilirimiz däris bärsä, başlanğuç siniplarni İbadät Җahanova oqutidu. Şu jilliri jiraq yezilardin kälgän oquğuçilar bilän yaylaqta işlävatqan malçilarniŋ baliliri üçün mäktäp yenida yataqhana vä aşhana eçilip, oquğuçilarniŋ täläplär däriҗisidä bilim elişiğa kolhoz täripidin barliq imkaniyätlär yaritilidu.
1968-jili Talğir nahiyäsi boyiçä birinçi bolup 10-sinipni šz ana tilimizda 17 näpär oquğuçi pütärduq. Mana şuniŋdin buyan vaqit štüptu. Moşu 50 jil mabaynida sinipdaşlirimizniŋ täŋdin-tolisi Taşkänt, Almuta vä başqa şähärlärdä oqup, šzliri arman qilğan mutähässisliklärni egilidi. Hudavädi Mäsalov, Nurmähämät Bahavdinov, Abdureşit Äkbärov, Gülҗahan Abdullaeva, Gülbanum İlahunova vä moşu qurlarniŋ muällipi şular җümlisindur. Bizniŋ sinipdaşlirimiz arisida bizniŋ pährimiz — Gülҗahan Abdullaeva. U šzi yaş vaqitlirida arman qilip jürgän härbiy uçquç boluş arzusi ämälgä aşti. Gülҗahan –tirişçanliği, pidakaränä ämgiginiŋ nätiҗisidä SSSR DOSAAF aviaklubiniŋ härbiy uçquçi, SSSR tallanma komanda äzasi, paraşyuttin säkräş boyiçä sport mahiri, muräkkäp uçuş däriҗisi boyiçä härbiy tehnikiliq spartakiadida Qazaqstan çempioni atiğini elip, altun medal'ğa erişkän birdin-bir uyğur qizi.
Biyil 30-iyun' küni Tuzdıbastav ottura mäktividä sinipdaşlirimizniŋ 50 jilliq uçrişiş märasimini štküzduq. Uçrişişqa qädirdan, mehrivan ustazlirimiz häm uçrişiş mehmanliri җumhuriyätlik «Uyğur avazi» gezitiniŋ muhärriri Erşat Äsmätov, mäzkür bilim därgahi mudiriniŋ orunbasari Päridäm Qurbanniyazova, ustazlardin Bähtinur Zayitova iştrak qilip, untulmas yaşliq künlirimizni äsläp, sšhbitimizni tehimu qizğin ovҗ aldurdi. Duniyadin štkän äziz ustazlirimiz bilän sinipdaşlirimiz rohiğa atap qur°an oqup, dua tilavät qilduq.
Uçrişiş iştrakçiliri vä qädirdan sinipdaşlar ällik jilliq uçrişişta šzara izgü-tiläklirini eytişip, moşu uçrişişniŋ täşäbbuskarliri Hizir Sabirov, Selimäm Bahavdinovağa, şundaqla uçrişişqa egidarçiliq qilğan, ağinimiz Rehimҗan Toqaevqa minnätdarliğini bildürdi.
Җamaldin ÄLİEV.
Talğir nahiyäsi.

Bälüşüş

Javap qalduruŋ