Astananiŋ 20 jilliğini mäyrämläşni başlap bärdi

0
71 ret oqıldı

Dšlät rähbiri Nursultan Nazarbaev Astanada dšlät bayriğini kštiriş märasimiğa qatnaşti vä paytähtniŋ 20 jilliğini mäyrämläşni başlap bärdi.Nursultan Nazarbaev märasimğa qatnaşquçilar aldida sšzgä çiqip, Paytäht küni harpisida dšlät bayriğini kštirişniŋ umummilliy mäyrämniŋ juquri märtivigä egä ekänligini bildüridiğanliğini atap kšrsätti.
– Qimmätlik vätändaşlar, astanaliqlar, mehmanlar. Män bügün hämmimizni sšyümlük paytähtimiz – Astananiŋ 20 jilliği bilän çin qälbimdin täbrikläymän. Tarih üçün bir däqiqidä, 20 jilda biz bügün bir million 200 adäm yaşavatqan megapolisni salaliduq. Män gäp qilivatqanda, astanaliqlarniŋ sani yänä birnäççä adämgä kšpäygän boluşimu mümkin vä bu bizniŋ kšz aldimizda çapsanla yüz bärdi. Astana bizniŋ barliq dostlirimizni häyran qalduruvatidu, bu barliq qazaqstanliqlarniŋ pähri, şuŋlaşqa Qazaqstan, Mustäqillik, Astana çüşänçiliri dšlätçiligimizniŋ, keläçigimizniŋ birpütün rämzigä aylandi. Biz paytähtimizniŋ 20 jilliğiğa beğişlanğan çarä-tädbirlärni başlaş üçün hava räŋ bayriğimizniŋ astiğa jiğilduq, – dedi Prezident dšlät bayriğini kštiriş märasimida.
Şundaqla Dšlät rähbiri aliy härbiy oquş orunliriniŋ kursantliriğa ofitser pogonlirini tapşurdi.
Nursultan Nazarbaev yaş ofitserlarğa muraҗiät qilip, dšlät bayriğiğa juquri hšrmät kšrsitişniŋ Vätänni sšyüş bilän baravär ekänligini täkitlidi. Bu Qazaqstan vätänpärvärliginiŋ qädriyätlirini vä mämlikätniŋ milliy ohşaşliğini mustähkämläydu.
– Bügün härbiy oquş orunliriniŋ äŋ yahşi uçumkarliri ofitser pogonliriğa egä boluvatidu. Män silär arqiliq biyil oquşni tamamliğan mämlikätniŋ barliq yaş ofitserlirini täbrikläymän. Moşu päyttin tartip silärgä muräkkäp, biraq şäräplik väzipä – bizniŋ Vätinimizni, Qazaqstan grajdanliriniŋ teçliq ämgigini vä hatirҗämligini qoğdaş väzipisi jüklinivatidu. Silär bizniŋ uluq äҗdatlirimiz väsiyät qilip qaldurğan moşu muqäddäs qärizni munasip orunlişiŋlar keräk. Silärgä pütkül hayat yoluŋlarda “ofitser” degän juquri unvanğa sadiq boluşni tiläymän, – däp aq yol tilidi Dšlät rähbiri.
Märasim davamida mämlikät aliy härbiy oquş orunlirini äla bahağa tamamliğan 12 uçumkar Qazaqstan Prezidenti – Qazaqstan Җumhuriyiti Aliy Baş komandaniniŋ qolidin Quralliq küçlär ofitserliriniŋ pogonini aldi.
Nursultan Nazarbaev märasim ahirida qatnaşquçilarni Astananiŋ 20 jilliği bilän täbriklidi vä Qazaqstan hälqigä teçliq häm gülliniş tilidi.

Bälüşüş

Javap qalduruŋ