Qadirahun bilän Zayirahunniŋ ävladi

0
202 ret oqıldı

Bähtişat SOPİEV,
«Uyğur avazi»
Talğir nahiyäsiniŋ Tuzdıbastav yezisida štkän bu baş qoşuşqa ikki ävlatniŋ väkilliri jiğiliptu. Ular aka-uka Qadirahun bilän Zayirahundin tarqiğan balilar. Jiğilğanlarniŋ sani yüzgä yetidu.Tehi mälum säväplärgä bola, kelälmigänlärmu bar ekän. Bu ävlat häqqidä mäzkür baş qoşuşqa riyasätçilik qilğan Ränagül İbragimova qisqiçä sšzläp bärdi. Andin dästihanni Qirğizstandin kälgän Qadirahun atiniŋ yalğuz kelini, 90 yaşliq Halbüvi ana illiq lävzi bilän açti. Aniniŋ tiläkliridin keyin Talğir nahiyäsiniŋ baş jigitbeşi Oktyabr' Qurbanniyazovmu bu ävlat häqqidä bilgänlirini qoşumçä qildi. Çünki bu sulaligä umu yat ämäs ekän.
Bu ävlatniŋ beşida Ğoҗiniyaz bovimiz turidu, – däp sšzini başlidi u. – U äsli – turpanliq. Ğoҗiniyaz bovimizniŋ Qurbanniyaz, Azahun, Һoşurbay, Rozihaҗi vä Tohniyaz isimliq bäş oğli bolğan. Bilidiğinim, Qurbanniyaz Turpandiki daŋliq karizlarni selişqa šziniŋ bir kişilik ülüşini qoşqan. Ändi bügün biz gepini qilivatqan Qadirahun bilän Zayirahun – Azahun niŋ baliliri. Bularniŋ şundaqla Ayimhan isimliq siŋlisi bolğan. Män bu yärdä kšpiräk Qadirahun atimizniŋ ävladini kšrüvatimän. Uniŋdin toqquz oğul, bir qiz bolğanliğinimu yahşi bilimän. Ular: Turahan, Nuralim, Nur, Tursun, Näsirdin, Sädirdin, Üsüpҗan, Turdaş, Hälip vä Sävirdin. Yaş ävlatqa ülgä bolğidäk bu uçrişişni uyuşturğuçilarmu şular ohşaydu. Eytqan bolar edimki, mundaq uçrişişlarniŋ yaşlar üçün paydisi nahayiti kšp. Ular kimligini, nädin kelip çiqqinini untumasliği keräk. Şuŋlaşqa uyuşturğuçilarğa Nurähmät, Yaqupҗan, Raşidäm, Hämit, Asim,Dilbär Qadirovlarğa vä Älanur Ähmätovağa, umumän barliq qerindaşlarğa minnätdarliğimni izhar qilmaqçimän.
Andin novät bu ikki ävlat väkilliriniŋ arisidin çiqqan sän°ätkarlarğa berildi. Ular: aka-uka Rähmätҗan vä Pärhatҗan Davutovlar, hädä-siŋil Älanur vä Heliçäm Qadirovalar, häm Abliz Uşamov bilän Şeriyazdan Qadirov. Ular šzliriniŋ yeqimliq nahşiliri arqiliq bir tomurdin tarqiğan qerindaşlarniŋ içigä tehimu «ot» selivätti. Şuŋlaşqa bolsa keräk, ular bir-birini qiymay hoşlaşti.

Talğir nahiyäsi.

Bälüşüş

Javap qalduruŋ