«Jutumni sorisaŋ, aqtasliqmän»

0
6 089 ret oqıldı

Mäşür SASİQOV,
«Uyğur avazi»
Talğir nahiyäsidä «Aqtas» däp atilidiğan yeziniŋ päyda bolğiniğa kšp bolmidi. Hä, bu yärdä istiqamät qilivatqan uyğurlar därhal šzlirigä jigitbeşi saylap, päydin-päy jut boluşqa başlidi. Şuniŋdin buyan aqtasliq qerindaşlirimiz šzliriniŋ šmlügini, birligini namayiş qilğan halda, milliy mädäniyitimizni rivaҗlanduruşta yaki urpi-adätlirimizni saqlaşta bolsun, tilğa alarliq işlarni ämälgä aşurup kelivatidu.Hazir aqtasliqlarğa Äziz Hämraev isimliq akimiz jigitbeşi süpitidä egidarçiliq qilsa, Şeripҗan İliyarov yeziliq mädäniyät märkizini başqurup kelivatidu. Bu jutta häqiqätänmu millätpärvär vä vätänpärvär insanlar yaşaydu. Ular štkän jili «Uyğur avazi» geziti muştiriliriniŋ sanini mälidä ikki hässigä kšpäytip, šzliriniŋ inaqliğini yänä bir qetim ispatlidi. Buniŋdin taşqiri, nahiyä dairisidä štküzülüvatqan härhil çarä-tädbirlärgä paal iştirak qilip, başqilarğa ülgä boluvatidu. Juttiki muyumlardimu bir yaqidin baş, bir yäŋdin qol çiqirip, bir-biridin yardimini ayiğan ämäs. «Jutumni sorisaŋlar aqtasliqmän» däydiğan ular bilän kšrüşüşni helila burun kšŋlümizgä püküp qoyğan eduq. Lekin «här närsiniŋ šz vaqti bar» demäkçi, zadila yolumiz çüşmigän. Bu qetim Talğir nahiyälik Uyğur etnomädäniyät märkiziniŋ räisi İminҗan Tohtahunovniŋ täşäbbusi tüpäyli jut ahalisi bilän uçraştuq.
Aqtasliqlar bilän bolğan uçrişişta «Uyğur avazi» gezitiniŋ baş muhärriri Erşat Äsmätov turğunlarğa tähriratniŋ hayat näpäsi toğriliq çüşänçä berip, elimizdiki millätlärara dostluqniŋ asasini salğuçi Qazaqstan hälqi Assambleyasiniŋ paaliyitigimu ätrapliq tohtaldi. Şundaqla u ändila nami çiqivatqan aqtasliq uyğurlarniŋ utuqliridin hävärdar ekänligini yätküzüp, buniŋdin nahayiti mämnun bolğanliğini eytti. Erşat Mollahun oğli kšpçilik bilän bolğan sšhbät davamida ularni gezitimizğa kšpläp muştiri boluşqa çaqiriğaç, mundaq dedi:
— Hšrmätlik aka-inilar, hämmimizgä mälumki, gezitniŋ bahasi, hoylimizda bir ämäs, ikki yaki uniŋdinmu kšp maşinilirimiz bar biz, uyğurlar üçün, qimmät ämäs däp oylaymän. Jutuŋlarda yüz berivatqan härqandaq yeŋiliqlar häqqidä nahiyägä bälgülängän muhbirimizğa hävärläşsäŋlar bolidu. Qisqisi, biz silärniŋ hizmitiŋlarda. Ahirida eytarim, moşundaq šmlügüŋlar bilän birligiŋlarniŋ aqivitini bärsun.
Bu yärdä yaşavatqan qerindaşlirimizniŋ sani qiriq ailigä yätmisimu, biriniŋ izdiginini yänä biri tepip berip, jutdaş-qerindaş atalğan aqtasliqlarniŋ keläçäkkä tüzgän plan-reҗilirimu helä bar. Hanim-qizlar keŋişiniŋ paaliyitigimu helä närsilär munasivätlik.
— Ayrim päytlärdä päqät ayallarğa tayinişqa toğra kelidekän. Şu çağda bizniŋ hädä-siŋillirimiz därhal işqa kirişidu, — dedi Äziz aka. — Mäsilän, biyil Noruz mäyrimidä ularniŋ mahir qolliridin çiqqan milliy taamlirimiz arqiliq hämmigä tonulduq.
Hoşalliqliriğila ämäs, bälki ğäm-qayğusidimu dayim billä aqtasliqlarniŋ iҗil-inaqliğiğa izgü-tiläklirimizni bildürgäç, äҗdatlirimizdin miras qalğan milliy mädäniyitimizni, mätbuatimizni vä sän°itimizni ävlatlarğa yätküzüşni istigän moşundaq jutlarniŋ sani tehimu kšpiyivärsun demäkçimiz.

Bälüşüş

Javap qalduruŋ