Ular bähitkä layiq

0
893 ret oqıldı

Çoŋlarda «Kimniŋ balisi sän?» degän soal qeliplaşqan ämäsmu!? Ärkinҗan aka ularğa «Lohmänniŋ oğli» desila boldi, çoŋ ävlat väkilliri birdin u kişini tonuvalidu. Sävävi, Lohmän Nadirov Çeläk täväsidin yetilip çiqqan inavätlik ziyali edi. Uluq Vätän uruşiniŋ iştirakçisi vä milliy mädäniyitimiz җankšyäri süpitidä uni tonumaydiğanlar kamdin-kam bolidiğan. Äynä äşu esil zat hayat bolğan bolsa, kelär jili top-toğra yüz yaşqa tolatti…Maqalimiz qährimani Ärkinҗan Lohmän oğlinimu bügünki kündä tonuydiğanlar az ämäs. Һäş-päş degiçä, umu 70 yaşqa yätti. U hayatiniŋ bu pällisigä quruq qol kälmidi.
Atiniŋ isim-şäripini yad etiş – päriz, ändi uniŋ başliğan işini davamlaşturuş, varisliq qilişniŋ orni bšläk. Ärkinҗan aka Nadirov äynä şu ata izi bilän maŋğan äzimät. Almutida tuğulup, Qazaq sport vä tän-tärbiyä institutini utuqluq tamamliğan u Bayseyit yezisidiki İsmayil Tayirov namidiki ottura mäktäpkä işqa orunlişidu. Mana moşu bilim därgahida top-toğra 40 jil işläydu. Muällimlik – işi qiyin, lekin şäräplik käsip. Buni baştinla toğra çüşängän Ärkinҗan aka şagirtliriğa tän-tärbiyä därisidin päqät bilim berip, oyun türlirini ügitipla qoymay, ularniŋ härtäräplimä bilimlik qilişqa, sportqa degän iştiyaq-häväsini aşuruşqa kšp küç çiqiridu. Därislärdin sirt ularni sportniŋ ammibap türliri – futbol, basketbol, voleybol, boks, uzaq musapigä jügräş boyiçä harmay mäşiqländürdi. Ariliqta käspi boyiçä kšp täҗribä topliğan u yaş kadrlar üçün nahiyälik, vilayätlik muällimlär seminarlirida dokladlar oqup, täҗribisi bilän bšlüşti. Җämiyättä sağlam hayat tärizini qeliplaşturuş boyiçä pikir-täklipliri, asas-dälilliri kšpçilikniŋ diqqät-näzärigä elinip, näzäriyäviy bilim süpitidä mähsus metodikiliq qollanma süpitidä paydilinildi.
Alahidä täkitläydiğan närsä şuki, Ärkinҗan aka Nadirovniŋ kšp jilliq ämgäk-äҗri behšddä kätmäy, hšrmätlik däm elişqa çiqqan päytidä uniŋğa Qazaqstan Sport vä turizm ministrligi (hazirqi Mädäniyät vä sport ministrliginiŋ) «Qazaqstan Җumhuriyitiniŋ sport sahasiğa ämgigi siŋgän mäşiqländürgüçisi» degän pähriy nami berildi. U bu ataqqa munasip. Ärkinҗan aka üçün äŋ asasiy mukapat – äl-jutiniŋ hšrmiti. Ämgäk paaliyitiniŋ däsläpki çağlirida oquğuçilarğa oquş-üginiş üçün mäktäp bazisiniŋ şaraiti yar bärmigänliktin, uniŋ täşäbbusi vä uyuşturuşi arqiliq birqädär mümkinçiliklär yaritildi. Öz novitidä şagirtlirimu uni yärgä qaratmidi. Mäsilän, İ.Ähätbaqiev tennis boyiçä, V.Şamsutdinov, R. Toğuzbaev, Ş.Bärzamov, U.Mähpirşaev boks boyiçä, R.Mähpirşaev ärkin küräş boyiçä sport mahirliri ataldi. Eytmaqçi, Ärkinҗan aka täripidin uyuşturulğan birqatar çarä-tädbirlärniŋ tärbiyäviy ähmiyiti zor boldi. Җümlidin yenik atletika boyiçä sport mahiri, ikki dürkün duniya çempioni, ataqliq marafonçi Alpıs Ermağambetov bilän oquğuçilar arisida štküzülgän uçrişiş oquğuçilarniŋ qälbidä çoŋqur täsirat qaldurdi. Mäşhur uyğur rässami, yarqin namayändä Avakri Şämsi hšrmitigä beğişlanğan boks boyiçä turnirniŋ štküzülüşimu şagirtliriğa ilhambähş dämlärni hädiyä qildi. Mana moşundaq ämgäksšygüçlügi paaliyätçanliği tüpäyli u äl-jutiniŋ işänçisigä erişip, hšrmät qazandi. Ärkinҗan aka šz käspini çin dilidin sšyüp,nurğun vaqtini şagirt tärbiyiläşkä beğişlisimu,bir däqiqä ailisini untiğini yoq. Yultuzi qoşulğan Gülҗährä Üzär qizi ikkisiniŋ ailä qurğiniğa biyil 50 jil toldi. Һäm täğdirdaş, häm käsipdaş ikkisi päriştädäk tšrt qizni qatarğa qoşup, җämiyätkä layiq insanlardin qilip yetildürdi.
Mana moşundaq şagirtliri bilän pärzäntliriniŋ utuq-muvappäqiyätliridin dayim küç-näp elivatqan ata-ana täŋ muŋup, käŋ aläm şatliğini sürüp kelivatidu.

Abdulҗan AZNİBAQİEV.
Ämgäkçiqazaq nahiyäsi.

Bälüşüş

Javap qalduruŋ