Asmanni beqindurğan ailä

0
211 ret oqıldı

Bähtişat SOPİEV,
«Uyğur avazi»

– Apa, «uçquç boluş aҗizlarniŋ işi ämäs», deyişidiğu, — däp käldi uçquçlarni täyyarlaydiğan oquş orniğa hšҗҗätlirini tapşurup qaytqan qizi anisiğa.
— Mundaq sšzlärgä eräŋ qilip kätmigin, šz vaqtida maŋimu moşu gäpni qilğan, — dedi ana qiziğa.Är-ayal uçquçlar. Keyin ularniŋ qizimu moşu sahani tallavaptu. Bir ailidä üç uçquç. Gäpni kimdin başlaşni bilmäy oltirimän. Ahiri hädimizniŋ monu bir gepi sšhbitimizni birdinla qizduruvätti. «Akaŋlarğa samoletta uçuşni män ügätkän» däp qaldi u. Rastini eytqanda, uyğur uçquç ayali häqqidä birinçi qetim aŋlavatimän. U –Gülҗamal Abdulbaqieva. Talğir nahiyäsiniŋ Tuzdıbastav yezisida turidu.
Uyğurda bir-birimizniŋ tegi-täktini soraydiğan aditimiz barğu. Gülҗamal hädä ikkimizniŋ sšhbitimu şundaq başlandi. U yaqniŋ ata-anisi Mäsüt bilän İspahan tarihiy Vätinimizniŋ Nilqa şähiridin ekän. Ular 1955-jili Qazaqstanğa kšçüp çiqip, biraz yärlärdin šzlirigä pana izdäptu. Ahiri Talğir nahiyäsigä kelip, ilgärki Kalinin namidiki kolhoziğa orunlişiptu.
Gülҗamal ottura mäktäpni tamamlap, täntärbiyä institutida oquydu. Keyin u sportniŋ samoletta uçuş türini tallavalidu vä Almutidiki uçquçlarni täyyarlaydiğan «Aeroklubqa» oquşqa baridu.Şu päyttä «bu aҗizlarniŋ işi ämäs” däp uniŋ hahişiğa qarşiliq bildürgänlärmu bolğan ekän. Toptiki on bäş baliniŋ arisida u yalğuz qiz edi.
– Kšp štmäy, bizniŋ «Aeroklubqa» Yuriy El'tsov isimliq jigit oquşqa käldi, — däp štkän künlärni äskä aldi Gülҗamal hädä. — U aeroportta dispetçer bolup işlävatqan ekän. Uniŋda samoletniŋ şturvaliğa oltiriş istigi päyda boptu. U vaqitta män helä täҗribä toplap, instruktor bolup işlävatattim. Qisqisi, Yuriyğa samoletta uçuşni šzäm ügättim. Keyin ikkimiz çiqişip qelip, ailä qurduq. Һazir bir oğul, bir qizimiz, ulardin üç nävrimiz bar. Bügünki kündä Yuriy El'tsov – Qazaqstandiki tonulğan aviatorlarniŋ biri. Kšp vaqit Almuta «Aeroklubiğa» rähbärlik qildi. Yaşliğida ataqliq sportçi-uçquç bolğan. Aviasport boyiçä kšpligän häliqara turnirlarniŋ ğalibi.
– Yoldişiniŋ «ustazi» qandaq utuqlarni qolğa kältürgänliginimu untup qalmaŋ, — sšhbätdişimniŋ gepini bšldüm.
– Özämni mahtap kätsäm ançila qamlaşmas. Biraq sizniŋ soaliŋizğa җavap bärmisäm yänä bolmaydu. Miŋ saattin oşuq vaqtimni asmanda štküzdüm. Meniŋ hayatimdiki äŋ çoŋ utuğum — 1982-jili meniŋ şagirtlirim SSSRda samoletta uçuş boyiçä štkän çempionatta Çkalov namidiki mukapatqa sazavär boldi. Şagirtlirim meniŋ boynumğa «SSSR çempioni» degän yeziği bar lentini äkelip asti. Şu päyttä çüşirilgän sürät helikäm al'bomda saqlaqliq.
— Ailäŋlardiki silärniŋ izbasarliriŋlar häqqidä nemä eytqan bolar ediŋiz?
– Qizimiz Natal'ya bizniŋ yolumizni tallavaldi. Һazir u «Eyr-Astana» şirkitidiki «Airbus A320» samoletiniŋ ikkinçi uçquçi. U «Ab-initio» programmisi boyiçä İspaniyadiki uçquçlarni täyyarlaydiğan aliy mäktäptä oqup käldi. Bu Evropidiki kommertsiyaliq aviatsiyagä sertifikat beridiğan äŋ küçlük bilim därgahi. Qizimiz mäzkür saha boyiçä 14 emtihan tapşurup, bu sinaqtin sürünmäy štti. Uniŋğa setifikat tapşuruş täntänisigä dadisi ikkimiz qatnaştuq. Älvättä, qizimiz häqqidä ustazliriniŋ yahşi inkaslirini aŋlaş pursitigä egä bolduq. Bu biz üçün çoŋ bähit. Şuniŋdin keyin Natal'ya Tuluzadiki (Frantsiya) «Airbus» märkizidä oquşini davamlaşturdi. U duniyadiki äŋ çoŋ, yäni 850 orunluq «hava kemisiniŋ» şturvaliğa olturuşni arman qilidu. Buni, älvättä, vaqit kšrsitidu.

Bälüşüş

Javap qalduruŋ