Qälbimizdä mäŋgü saqlinidu

0
196 ret oqıldı

Elimiz mustäqillik alğandin keyin milliy än°änilirimiz, urpi-adätlirimiz qayta tiklinip tehimu rivaҗlinişqa başlidi. Hälqimizniŋ milliy moҗutluğini bälgüläydiğan häm mustähkämläydiğan bu muhim işlarniŋ beşida, häqiqiy mänasida, ismi җismiğa layiq jigitbaşliri turdi. Dana hälqimiz härqandaq zamanda häm härqandaq makanda šziniŋ milliy kimligini, šmlügini vä birlikni saqlaşniŋ vasitisi vä kapaliti retidä jigitbaşliri institutini mäydanğa elip kälgän. Jigitbaşlirini bolsa, häqiqiy demokratik yol bilän häliq içidiki millätpärvär, hšrmätlik, parasätlik, milliy än°änilärni yahşi bilidiğan häm juquri täşkilatçanliq qabiliyitigä egä şähslärni tallaş nätiҗisidä saylinişnimu täminligän.Җumhuriyätlik Uyğur etnomädäniyät märkizi yenida Jigitbaşliri keŋişini quruş zšrüriyiti päyda bolğanda, “Qazaqstan uyğurliri üçün muhim bolğan mäzkür keŋäşniŋ räisi kim bolidu”, degän soal heç talaş päyda qilmidi. Bir eğizdin Abdureşit Mähsütov keŋäş räisi bolup saylandi. Sävävi, u häliqniŋ içidin tavlinip çiqqan häqiqiy jigitbeşi edi. Abdureşit Mähsütov härqandaq mäsilini oylinip, artuq hayaҗansiz, šzigä has salmaq vä parasät bilän yeşişni bilidiğan kšpçilik bilän til tepişidiğan, pidakar şähs edi. Aziraq vaqit štkändin keyin, u elimizdiki barliq uyğur jigitbaşliriniŋ väkili retidä Qazaqstan hälqi Assambleyasiniŋ äzasi boldi.
Abdureşit Mähsütov җumhuriyätlik Uyğur jigitbaşliri keŋişiniŋ räisi bolup saylanğandin keyin, tädriҗiy räviştä Almuta şähiridiki, Almuta vilayitidä uyğurlar ziç orunlaşqan nahiyälärdiki, başqimu vilayätlärdiki uyğur jigitbaşliriniŋ paaliyätlirini uyğunlaşturuş, ularniŋ šzara munasivitini mustähkämläş yolida kšp küç çiqardi.
Şundaqla Abdureşit Mähsütov Qirğizstandimu Uyğur jigitbaşliriniŋ җumhuriyätlik keŋişini täşkilläş üçün kšp yardäm kšrsätti. Şuŋlaşqa uniŋ päqät Qazaqstandila ämäs, şundaqla Qirğizstandiki uyğurlar arisidimu hšrmiti nahayiti juquri edi.
Keyinki jilliri u ҖUEM räisi, Qazaqstan Җumhuriyiti Parlamenti Mäҗlisiniŋ deputati Şahimärdan Nurumov bilän hälqimizniŋ mädäniyät, maarip, mätbuat sahaliri boyiçä kšpligän muhim işlarni ämälgä aşuruşta šziniŋ täşkilatçanliq qabiliyitini kšrsätti.
Äpsus, täğdirgä tän bärmäskä amal yoq. Amma şuniŋğa çoqum işinimizki, Abdureşit Mähsütov älgä hizmät qilişniŋ äla ülgisini kšrsätkän säpdişimiz retidä qälbimizdä mäŋgü saqlinidu.

Yarmuhämmät KİBİROV,
ҖUEM yenidiki Jigitbaşliri keŋişi räisiniŋ väzipisini vaqitliq orunliğuçi.

Bälüşüş

Javap qalduruŋ