Jut pähri

0
827 ret oqıldı
bty

Һärbir yezida şu jutniŋ otidin kirip, süyidin çiqidiğan, häliq üçün tartqan җapani rahät däp bilidiğan, umumniŋ işiğa mäs°uliyätlik bilän qaraydiğan adämlär yoq ämäs. Lekin ular qilğan işini minnät qilmay, kškräk kerip mahtanmay, «Bu härkimniŋ qilişiğa tegişlik iş» däp bilidu. Äynä şundaq kişilärniŋ biri Ähmätҗan Äysaevtur. Uniŋ ämgäk yoliğa näzär salsaq, talay işlarni tindurğan, sahavät yolida qol uçini berip, milliy maaripimiz üçün pärvanä bolğan, uyğur näşirlirimizni davamliq elip, başqilarnimu gezit-jurnal oquşiğa dävät qilidiğanliğini kšrimiz.Ähmätҗanniŋ yeşi yätmişkä taqap qalsimu, җamaätçilik işliriğa qizğin arilişip, täŋtuş-zamandaşliriğa ülgä boluvatqanliği sir ämäs. U Ğulҗa şähiridin ançä jiraq bolmiğan İslamyüz yezisida duniyağa kälgän. 1956-jili birinçi sinipqa barğanda ustazi Һeziz Lohmänniŋ hatirä däptirigä şagirti toğriliq yazğan äslimisidin uniŋ tirişçan ekänligigä kšz yätküzimiz.
Hatirä däptärdä mundaq yezilğan: «Ähmätҗan Rozi, 8 yaş, uyğur. U ärkä, şoh, därisni kšp taşliğan, lekin ählaqi ançä yaman ämäs. Män Rozi ustam ailisigä berip, oğli häqqidä sšhbätläştim vä uniŋğa balisini tolimu ärkilitip šstürsä yahşi bolmaydiğanliğiği eytip, ailä vä mäktäp bir-birigä maslaşqan halda tärbiyilisä, baliniŋ bilim elişiğa şarait yaritilğandila iş ünümlük bolidiğanliğini çüşändürdüm. Ahirida bu sšhbitim ünüm berip, Ähmätҗan däris taşlimay, oqup, jil ahirida bilim däriҗisi kštirildi».
Ähmätҗan 1959-jili ailisi bilän Qazaqstan diyariğa kšçüp çiqidu. 1967-jili Çeläk yezisidiki Abay namidiki ottura mäktäpni tamamlaydu. İkki jil härbiy hizmitini štäp kelip, 1969-jili Almutida yeza egiligi institutiğa sirttin oquşqa çüşidu. Tirişçan, bilimgä huştar Ähmätҗan sovhozniŋ härhil sahalirida işläp jürüp oquşini davamlaşturidu.
1975-jil sovhoz rähbärligi uni arqida qalğan 1-brigadiğa brigadir qilip tayinlaydu.
U aldi bilän işçilar bilän qoyuq munasivät bağlap, ularniŋ ailisidiki qiyinçiliqlirini häl qilişqa tirişidu. Şundaqla işniŋ jürüşini izçillaşturup, soğ vä issiq parniklarda kšçätlärni sapaliq yetildüridu. Jillar käynidin jillar qoğlişip, brigada ilğarlar qataridin orun alidu. 1978-jili brigada äzaliri planni oşuği bilän orunlap, sovhoz rähbärliginiŋ alqişiğa sazavär bolidu.
Ähmätҗanniŋ brigadisi izçilliq bilän tamaka ziraitidin alğan daramätni 700 – 800 tonnidin 1200 tonniğiçä yätküzidu. Kolhoz, sovhozlar tarqalğandin keyin, u šz käspini šzgärtip, 1996 – 1999-jilliri nahiyälik su egiligidä paaliyät elip bardi. 1999-jildin başlap däm elişqa çiqqiçä «Filip Moris» kompaniyasidä agronom bolup işlidi. U hazir dehan egiliginiŋ rähbiri.
Ähmätҗan agronom bolup işligän jilliri sšyümlük yezisini gülländürüştä erinmäy ämgäk qildi, jutdaşliriğa qolidin kälgän yardimini ayimidi, җamaätçilik işlarğimu paal arilaşti. Yeziliq mädäniyät märkizigä rähbärlik qildi. Nurğunliğan izgü başlanmilarniŋ täşäbbuskari boldi. Ähmätҗan päqät җämiyätlik işlardila җankšyär insan bolmay, ailisidä kšyümçan vä ğämhorçi ata boldi. U 1974-jili Mehrinisa Yaqupova bilän ailä qurup, 4 oğul pärzänt quçti. Ularniŋ hämmisi җämiyättä šz ornini tepip, ata-anisiniŋ eqidisini aqlidi.
«Jutini sšygänni jutdaşliri äzizläydu» demäkçi, Ähmätҗanni jut vä uniŋ adämliri dayim pähirliniş ilkidä tilğa alidu.

Äkräm SADİRİY.

Bälüşüş

Javap qalduruŋ