Prezident Şimaliy Qazaqstan vä Aqmola vilayätliridä boldi

0
104 ret oqıldı

Prezident Nursultan Nazarbaev Şimaliy Qazaqstan vä Aqmola vilayätliridä iş babidiki säpärdä boldi.Dšlät rähbiriniŋ mämlikätniŋ äŋ şimaliy regioniğa qilğan säpiri Tayınşa nahiyäsiniŋ İl'içevka yezisidiki “Tayınşa-may” zavodini ziyarät qiliştin başlandi.
Bu karhana layihidiki kšrsätküçlirigä çiqmisimu, vilayät ihtisadida muhim rol' oynavatidu. Mäsilän, biyil 120 miŋ tonna ham äşiyani qayta işläp, 65 miŋ tonna taza may çiqiriş planlanmaqta. Zamaniviy Evropa җabduği bilän täminlängän zavodta 46 adäm işlävatidu. Päqät ekologiyalik taza mähsulat çiqirivatqan karhaniniŋ barliq mähsulati eksport üçün molҗalanğan.
Dšlät rähbiri iş җäriyani bilän tonuşqandin keyin kompaniyaniŋ bolupmu mähsulatni qayta işläşkä investitsiya җälip qiliş boyiçä paaliyitigä juquri baha bärdi.
– Silärniŋ investitsiyariŋlar däsläpki qetim mähsulatni qayta işläş sahasiğa җälip qilinivatidu vä moşuniŋ šzi Qazaqstanniŋ agrar kompleksiğa qoşulğan muhim hässä. Bu yärdä çiqirilivatqan barliq mähsulat taşqi bazarğa ävätilivatidu, bu bolsa mämlikätniŋ eksport kšlämini kšpäytiş, iş orunlirini vuҗutqa kältürüş vä payda eliş imkaniyitini beridu. Moşuniŋ hämmisi nahayiti muhim, – däp täkitlidi Nursultan Nazarbaev.
Andin keyin Şimaliy Qazaqstan vilayitiniŋ hakimi Qumar Aqsaqalov regionniŋ birinçi yerim jildiki iҗtimaiy-ihtisadiy täräqqiyatiniŋ yäküni toğriliq doklad qildi.
Region rähbiri şundaqla XV regionlarara Qazaqstan-Rossiya forumiğa täyyarliq kšrüşniŋ ketip berişi toğriliq ähbarat bärdi.
Nursultan Nazarbaev dokladni tiŋşiğandin keyin mämlikättä yeriniŋ munbät ekänligi bilän päriqlinidiğan Şimaliy Qazaqstan vilayitiniŋ agrar sahağa utuqluq ihtisaslaşturulğanliğini täkitlidi: Qazaqstanda yetiştürülüvatqan aşliqniŋ çaräk qismi Şimaliy Qazaqstan vilayitigä täälluqtur.
Dšlät rähbiriniŋ pikriçä, vilayät dehanliri häqiqätänmu šz işida juquri däriҗigä egä mutähässislärdin hesaplinidu, biraq bu ähval ularğa sahaniŋ tehimu täräqqiy etişi üçün alahidä җavapkärlikni jükläydu. Bu yosunda Prezident ilim-pän utuqlirini җariy qiliş vä yeza egiligini räqämläştürüş arqiliq agrar sektoriniŋ ihtidarini käŋäytiş boyiçä birqatar tapşurmilarni bärdi. Şundaqla çegara yenidiki hämkarliqni җanlanduruşqa, sanaät işläpçiqirişini, turizm sahasini tehimu täräqqiy ätküzüşkä, regionğa investitsiya җälip qilinişini aşuruşqa çaqirdi.
– Bäş iҗtimaiy täşäbbus moşu mäsililärni häl qilişqa yardäm qilişi keräk. Җaylarda ularniŋ süpätlik ämälgä aşuruluşini täminläş zšrür, – dedi Nursultan Nazarbaev.
Bu sšhbät “Agrofirma Eksimnan” ҖÇYniŋ etizliqlirini ziyarät qiliş vaqtidimu davamlaşti. Bu yärdä Dšlät rähbiri region yeza egiligi ämgäkçiliri bilän uçraşti. 54 miŋ gektar yeri bar mäzkür agrofirma Tayınşa nahiyäsidiki äŋ çoŋ yeza egiligi kooperativliriniŋ biri bolup hesaplinidu.
Nursultan Nazarbaev aşliq boluq šskän etizliqlarni, ularda işlävatqan tehnikini kšzdin käçürdi. Äynä şuniŋdin keyin vilayätniŋ yeza egiligi sahasini käŋäytiş boyiçä birqatar tapşurmilarni bärdi.
– Qolğa kältürülgän utuqlar bilän çäklänmäslik keräk, işläpçiqirişqa ilim-pän vä räqämläştürüş tehnologiyalirini җariy qiliş zšrür. Mähsulatni qayta işläş sahasini täräqqiy ätküzmäy, ämgäk ünümini kštiriş mümkin ämäs, – dedi Nursultan Nazarbaev.
Dšlät rähbiri şundaqla Qazaqstanniŋ başqa regionliridin kälgänlär üçün İl'içevka yezisida selinivatqan 14 turuşluq šy quruluşiniŋ ketip berişi bilän tonuşti. Bu yšniliştä vilayättä mähsus programma ämälgä aşuruluvatidu. Mäsilän, 2018-jilniŋ šzidila programmiğa muvapiq, vilayätkä 235 ailä kšçüp käldi. Ularni qobul qilişta Tayınşa nahiyäsi muhim rol' oynimaqta. Mäsilän, nahiyä hakimi Vladimir Dudovniŋ sšziçä, bu yärgä 25 ailä kšçüp kelip orunlaşti, jil ahiriğiçä yänä 23 ailä kšçüp kelidu.
Nursultan Nazarbaev kšçüp kälgänlär bilän sšhbätlişip, dšlätniŋ ularni qollap-quvätlişi üçün barliq çarilärni kšrüvatqanliğini täkitlidi.

***
Uniŋdin keyin Qazaqstan Prezidenti Aqmola vilayitidä bolup, “Juravlevka-1” ҖÇYniŋ yeza egiligi kompleksini kšzdin käçürdi.
Nursultan Nazarbaev danliq vä may çiqirilidiğan ziraätlär etizliqlirini arilap, oma mävsümigä täyyarliqniŋ ketip berişi bilän tonuşti.
– Aşliqniŋ šz vaqtida jiğişturuluşini täminläş keräk. Biz üçün hava rayi qolayliq boluvatidu. Aşliq jiğişturuş mävsüminiŋ sozuluşi helä ziyan yätküzgänliktin, bu işlarni çapsanlitiş lazim, – dedi Dšlät rähbiri.
Nursultan Nazarbaevqa Aqmola vilayitiniŋ iҗtimaiy-ihtisadiy täräqqiyatiniŋ asasiy nätiҗiliri vä yeza egiligi sahasiniŋ istiqbali toğriliq doklad qilindi.
Qazaqstan Prezidenti agrar-sanaät kompleksiğa ilğar ilim-pän utuqlirini vä räqämländürüş tehnologiyasini җariy qilişniŋ muhimliğini atap kšrsätti.
– Şortandı nahiyäsidä täҗribä süpitidä etizliqniŋ elektronluq kartisi җariy qilinip, uruqni teriş, oğutni differentsialliq türdä çeçiş işliri ämälgä aşuruluvatidu. Bu ämgäk ünümini ikki hässä aşuruşqa, şundaqla hiraҗätni 20 payiz tšvänlitip, hosuldarliqni 5 tsentnerdin aşuruşqa mümkinçilik beridu, – dedi Dšlät rähbiri.
Prezident şuniŋ bilän billä Qazaqstanda vä çät äldä quraşturulidiğan tehnikiniŋ ülgiliri qoyulğan yeza egiligi maşiniliriniŋ kšrgäzmisini kšzdin käçürdi.

Bälüşüş

Javap qalduruŋ