Qanatlinip hoşlaştuq

0
188 ret oqıldı

Mana, biz kšptin kütkän didar ğenimät dämlär artta qaldi. Buniŋdin 50 jil muqäddäm Ğalҗat ottura mäktivini tamamliğan biz, sinipdaşlarniŋ, uçrişişi ana jutumizda başlanğanda, huddi mäktäpni tehi tünügünla pütärgändäk, bšläkçila hissiyatlarğa bšlinip, hoşalliğimizda çäk bolmidi. Biraq, hayat qanuni şundaqqu, yerim äsir ilgiri qolumizğa şahadätnamä elip, oquşumizni yänimu davamlaşturuş mähsitidä häryan kätkän 24 näpär oğul-qiz eduq. Bügünzä, arimiz helila şalaŋlişiptu: säkkiz sinipdişimiz baqiliq boptu. Ularniŋ rohiğa atap dua-tägbir oquduq, äsläp kšz-yaş qilduq.
Bizni Ğalҗatta är-ayal sinipdaşlirimiz İminҗan bilän Peziläm kütüvaldi. Ularniŋ mehmandostluği hämmimizni qayil qilğanliğini alahidä täkitligüm kelidu. Eytmaqçi, här ikkilisi Ğalҗattiki “Sotsializm” däp atalğan kolhozniŋ ilğar mehanizatorliridin edi. Ämgäktä tavlanğan insanlar ekänligi eniq bilinip turidu. Sšz noviti kälgäçkä eytip štäy, Peziläm – Ğalҗattiki däsläpki ayal-mehanizator, ärlärdin qelişmay ämgäk qilğanliğini jutdaşliri helikäm untuğini yoq.
Biz baş qoşqan kün ikki sinipdişimizniŋ – Säläm Rizaydinova bilän İminҗan Yüsüpovniŋ – tuğulğan künigä toğra kelip qaptu. Hoşalliq üstigä hoşalliq bolup, ularni sämimiy täbrikliduq, başqiçä eytsam, toyimiz toyğa ulaşti.
Aridin štkän yerim äsir bizni mštivärlär qatariğa elip kälginini moşu uçrişişimizda eniq his qilduq. Aldimiz, nävrilärni eytmiğanda, çävrä sšyginimiz äşundaq däp eytişimizğa asas bolsa keräk däp oylaymän. Ändi bizgä bilim bärgän ustazlirimizdin päqät Muzäppär aka Mutälipovla hayat ekän. U hazir Ämgäkçiqazaq nahiyäsiniŋ Avat yezisida istiqamät qilğaçqa, salamätligigä bola, uçrişişimizğa kelälmidi. Şundimu äpu sorap, bizni täbrikläp eytqan ustazimizniŋ bir eğiz lävzi hämmimizniŋ dilini yorutup, šzimizni qaytidin mäktäp partisida oltarğandäk his qilduq.
Eytivärsäk, täsiratimiz kšp. Äŋ muhimi, biz, sinipdaşlar, bir-birimiz bilän uçrişip, muŋdişip, štkän künlärni äsläp, yeŋi planlarni qurup, qanatlinip qayttuq. Çünki bäş jildin keyin biz yänä uçrişimiz.
Ärkin ABDULLAEV,
Erlan İLİYaSOV.
Uyğur nahiyäsi.

Bälüşüş

Javap qalduruŋ