Aka-uka sportçilar

0
344 ret oqıldı

Gšhärbüvi
İSMAYİLҖANOVA,
«Uyğur avazi»

Elimiz mustäqilikkä qol yätküzgändin beri җay-җaylarda sport kompleksliri bilän stadionlar selinip, sport bilän şuğullinimän degüçi barliq yaştiki sport işqivazliriğa imkaniyätlär yaritilivatidu. Nätiҗidä yaşlar sportniŋ u yaki bu türi bilän şuğullinip, utuq-muvappäqiyätlärni qolğa kältürmäktä.
Yeqinda barliq aŋliq hayatini nahiyä mädäniyitiniŋ rivaҗlinişiğa särip qilip, hazir hšrmätlik däm elişta jürgän Şäräpät hädä Җapparovani uçritip qaldim. İkkimizniŋ sšhbiti teçliq-amanliqtin başlinip sport sahasiğa kälgändä tehimu qizip kätti. Uqsam, aniniŋ nävriliriniŋ hämmisi degidäk sport işqivazliri ekän. Ular asasän şahmat vä uşu-sanda bilän şuğullinidekän. Uŋğiçä yenimizğa ikki nävrisi yetip käldi.– Bu nävrilirim Almutida turidiğan Ruslan balamniŋ pärzäntliri. Almutidiki M.Yaqupov namidiki 101-mäktäp-gimnaziyadä 10- vä 8-sinipta oquydu. Vaqit tapsila sport zaliğa jügräydu. Һär ikkisi oquşta älaçi, tärtip-intizamliq, – däp nävriliri bilän tonuşturdi.
Aka-uka sportçilar Almuta şähiridiki «Almatı-Uşu» sport klubida mäşiqländürgüçi Kamil Abdrimovniŋ şagirtliri ekän.
– Bizni sportqa märhum bovam Üsüpҗan bilän tağimiz Alimҗan dävät qildi, – dedi aka-uka sportçilar. – Biz Yarkäntkä kälgändä bovimiz bilän kiçik dadilirim, aka-ukilirim, yäni ailä äzaliri bilän şahmat üstiligä oltirattuq. Bovam šzi bu oyunniŋ qir-sirlirini yahşi bilgäçkä, şahmat tahtisida bizgä juquri täläp qoyatti. Rämiti bovam bäzidä sud'ya obriziğa kirättidä, bizniŋ härbir oyunimizni qattiq nazarät qilatti. Bu oyunni biz hazirmu taşliğinimiz yoq. Dadam här küni ikki-üç saat vaqtini biz bilän sportniŋ bu türigä bšlidu. Җumhuriyätlik musabiqilärgä qatnaştuq. Eytayluq, 2015 – 2016-jili štkän җumhuriyätlik «Bilim vä sän°ät» kšrükliri bilän şahmat turnirliriğa qatnişip, 1-2-orunlarni elişqa muyässär bolduq. Ahirqi vaqitlarda uşu-san'da bilän kšpiräk mäşiqlinivatimiz.
10-sinipta oquydiğan Rişatniŋ uşu-san'da boyiçä alğan mukapatlirini sanap tügätküsiz. Däsläpkisini 12 yeşida Almuta vilayätlik, andin Taraz şähiridä štkän Qazaqstan çempionatida alğan bolsa, keyiniräk Qirğizstanda štkän häliqara vä Aqtav şähiridä štkän çempionatlarda mukapatliq orunlarğa qol yätküzüptu.
Ändi 8-sinipta oquvatqan Rasul 10 yeşidin başlap akisini ägişipla mäzkür sport klubiğa äza boldi. Rasul salmaq däriҗisi vä yaş alahidiligigä qarap, birnäççä turnirlarda ğalip çiqti. Atap eytsaq, däsläptä 45 kilogramm salmaq däriҗisi boyiçä Almutida štkän Qazaqstan çempionatida, İssiqkšldä štkän häliqara çempionatta 1-orunni egiläp, mäşiqländürgüçisi bilän ata-aniliriniŋ ümütini aqlidi. Moşu jili mart eyida Aqtav şähiridä štküzülgän Qazaqstan çempionatida, may eyida Ufada štkän Evraziya çempionatida 3-orunğa muyässär boldi. Tehi yeqindila Almuta şähiridä bolup štkän musabiqidä 1-orunni egilidi.
Bu aka-uka ikki sport işqivaziniŋ härhil däriҗidiki sport musabiqilirigä berip kelişi üçün mälum däriҗidä mäbläğ täläp qilinidiğanliği turğan gäp. Älvättä, bu җähättin ularğa ata-anisi Ruslan bilän Rehimäm vä Şäräpät, Zahidäm momiliri bilän ata-anisiniŋ qerindaşliri hamiyliq qilip, qollap-quvätläp kälmäktä.
– Nävrilirimniŋ boş vaqtida komp'yuterniŋ aldida yaki yanfonda saatlap oltarmay, oquşta älaçi boluşi bilän billä sport klublirida şuğullinivatqanliğiğa hoşalmän. Yarkänttä tursammu här küni telefon arqiliq ularniŋ halidin hävär elip turimän, – dedi hoşalliğini yoşuralmiğan Şäräpät hädä.
Meniŋ Rişat bilän Rasulğa bolğan zoq-häväsim ulğiyip, ularniŋ yänimu çoŋ utuqlarni qolğa kältürüşini tilidim.

Panfilov nahiyäsi.

Bälüşüş

Javap qalduruŋ