Minnätdarliq vä mehir-muhäbbät

0
156 ret oqıldı

Duniya illiqliqqa tolğan, kişilik munasivät vä җämiyät mehir-muhäbbät üstigä qurulğan bolup, yahşiliq, yardäm beriş, kšŋül bšlüşniŋ täsirlik küyliri yaŋrap, qälbimizni täsirat vä hayaҗanliq tuyğuliriniŋ süyi bilän qandurup kälmäktä. Ätrapimizğa qaraydiğan bolsaq, šlüm girdabida җan talişivatqanlarğa yeŋi hayatliq äta qilivatqan, jitimliq vä beçarilik azavini tartivatqanlarğa mehirlik bağrini eçip, qälbini illitivatqan, qiyinçiliq, muhtaҗliqta halsizlinivatqanlarğa sehi qolini sunuvatqan sahavätçilärni kšrimiz. Äsli häqiqiy mehir-muhäbbätlik kişilär näq moşundaq boluşi keräk. Biraq, җämiyät täräqqiyatiniŋ tezlişişi, ihtisatniŋ yetäkçi orunğa štüşi, istimal säviyäsiniŋ kündin-küngä eşip berişi bilän kişilärgä härҗähättin hatirҗäm, bähitlik yaşaş pursiti hazirlap berilgän bolsimu, ayrimlirimizniŋ şähsiyätçilik ideyasiniŋ patqiğiğa çoŋqur petip, minnätdarliq eŋiniŋ suslap, adimiylik päzilätliriniŋ aziyişqa başliğanliğini bayqaymiz. Mundaq adämlärdä mäşäqätlik ämgäk qilişni halimasliq, täyyartapliq, başqilarğa yšliniveliş, payda-mänpiyät qoğlaş, mäs°uliyättin qeçiş hahişi ovҗ alidu.
Minnätdarliqni bilmäslik – kişilär arisidiki mehir-muhäbbätniŋ suslişişini, hayattin, turmuştin narazi boluşni kältürüp çiqidu. Җämiyitimizdä minnätdarliq tuyğusini ovҗ alduruşniŋ, minnätdarliq tuyğusini küçäytişniŋ ähmiyiti zor. Bu – adimiylik vä ählaq-päzilät tärbiyisiniŋ bir qismidur.
Minnätdarliq bildürüş arqiliq kişilär arisidiki mehir-muhäbbätni küçäytkili, ularğa duniyaniŋ, җämiyätniŋ illiqliğini his qildurğili, yaşaşniŋ ähmiyitini tonutqili, şundaqla boyidiki päqät elişnila oylap, berişni bilmäydiğan aditini šzgärtkili, orunsiz ränҗiş vä ağrinişni tügätkili bolidu. Minnätdarliqni bilgän kişiniŋ qälbi çoqum mehir-muhäbbätkä bay bolidu. İlahim, hämmimizniŋ qälbi minnätdarliq tuyğusiğa, mehir-muhäbbätkä tolsun!

Bälüşüş

Javap qalduruŋ