«Qorğas» soda märkizidiki navayhana

0
228 ret oqıldı

Gšhärbüvi İSMAYİLҖANOVA,
«Uyğur avazi»

Yarkänt şähiridin 34 kilometr jiraqliqqa orunlaşqan «Qorğas» soda märkizigä här küni miŋliğan turistlar kelidu. Şuŋlaşqa u yärdä soda-setiq işliri qizğin. Biz här qetim soda märkizigä barğinimizda, yeŋi-yeŋi soda orunliri bilän mehmanhana, qobul qiliş märkäzliri ohşaş yeŋi ob°ektlarniŋ selinivatqanliğini, quruluş işliriniŋ sür°ätlik jürgüzülüvatqanliğini, ularniŋ paydilinişqa berilivatqanliğini kšrümiz. Bu qetim biz «Qorğas» häliqara soda märkizidä hitayliq tiҗarätçilär üçün yeŋi navayhaniniŋ eçiliş märasiminiŋ guvaçisi bolduq.
Täkitläş keräkki, navayhanida päqät Qazaqstanda işlängän päçlärdä qazaqstanliq navaylar täripidin pişip çiqivatqan issiq nanniŋ hidi hämmini birdin šzigä җälip qilidu.
«Qorğas» häliqara soda märkiziniŋ prezidenti Qaharman Jazinniŋ täkitlişiçä, Qazaqstanniŋ issiq nenini Hitay turistliri vä soda märkizigä här küni Rossiya, Qirğizstan, Özbäkstandin kelip-ketivatqan miŋliğan turistlar kšpläp setivalidu häm buyrutma berivatqanlarmu intayin nurğun. Çünki käspiy bilimgä egä navaylar nan pişirişniŋ häqiqiy mahirliridin ekän. May, süt qoşup pişirilgän nanniŋ birini alğan turist җäzmän yänä šzi bilän birnäççisini elip ketidu.
Qazaqstan Tovar işläpçiqarğuçilar vä tiҗarätçilär assotsiatsiyasiniŋ räisi Qayrat Bekturgenevniŋ täkitlişiçä, bu layihä toluği bilän elimizdä täyyarlanğan un vä nan mähsulatlirini pişiriş üçün haҗät närsilär bilän 100 payiz täminlängän.
Һäqiqätänmu qazaqstanliq «Treyding tsentr KZ» şirkiti navayhanini yeŋi ilğar tehnologiyalär bilän җabduqlap, juquri kvalifikatsiyalik navaylarniŋ hizmitidin paydilanmaqta.
Navaylarniŋ eytişiçä, keläçäktä nanniŋ başqimu türliri vä nan mähsulatlirini pişiriş mähsät qilinivatidu. Çünki «Qorğas» soda märkizidä yeŋi pişip çiqqan meyizliq nanniŋ hidi jiraq-yeqindin kelivatqan turistlarni birdin šzigä җälip qilmaqta.

Panfilov nahiyäsi.

Bälüşüş

Javap qalduruŋ