Äsärliridä äҗdatlar qiyapiti gävdilängän

0
134 ret oqıldı

Mälumki, štkän äsirniŋ 80 – 90-jilliri Qazaqstan uyğur milliy täsviriy sän°iti šz täräqqiyatiniŋ güllängän dävrini baştin käçürüvatatti. Uyğur rässamliri, başqimu här millät väkilliri bilän birqatarda, җämiyätniŋ iҗtimaiy, säyasiy, mädäniy mäsililirini äkis ättürüş bilän billä milliy än°änilärni, tarihni, mädäniyätni täsvirläşkimu alahidä kšŋül bšldi. Qazaqstan mustäqillik alğan däsläpki jilliridin tartip uyğur rässamliriniŋ iҗadiyitidä yeŋi yšnilişlär, mavzular, obrazlar, uslublar päyda boluşqa başlidi.
Vaqit štüşi bilän milliy rässamçiliq sän°itimizdä yänä bir top yeŋi isimlar päyda bolup, ularmu zamanğa beqip, iҗat qilişqa kirişti. Nazugum Samieva, Venera Vaҗitova, Munisäm Gulieva, Kamiläm Qurbanova vä başqilar şular җümlisidinlur. Eytmaqçi, bügün biz äynä şu yaş rässamlarniŋ sirliq, filosofiyalik oy-pikirlärgä tolup-taşqan äsärliridin hšzürliniş pursitigä egä bolmaqtimiz.
Yeqinda Almuta şähiridiki Qazaqstan dšlät märkiziy mirasgahida štkän yaş rässam Gšzäl Zakirovaniŋ «Märkiziy Aziya obrazliri» däp atalğan şähsiy kšrgäzmisi şuniŋ yarqin bir ispati bolsa keräk.
80gä yeqin äsär qoyulğan mäzkür kšrgäzminiŋ eçiliş märasimida sšzgä çiqqan mirasgah mudiriniŋ birinçi orunbasari Beybitqali Qaqabaev, «Keremet Art» layihisiniŋ asasçisi Jibek Qaramanova, «Duniya Art» zamaniviy sän°ät galereyasiniŋ mudiri, mädäniyätşunasliq pänliriniŋ namziti Һakimҗan Guliev vä başqilar Gšzäl Zakirovaniŋ qälimigä mänsüp äsärlärniŋ bädiiy qimmitini, rässam iҗadiyitiniŋ šzgiçiliklirini, uniŋ talantini alahidä täkitlidi.
– Bu mavzuni talliğanliğimniŋ sävävi şuki, – däp sšzini başlidi yaş rässam hayaҗanlinip, – Märkiziy Aziya җumhuriyätliriniŋ Taşkänt, Namangän, Bişkek ohşaş kšpligän çoŋ şähärlirini, şundaqla Şinjaŋ-Uyğur Avtonom Rayoniniŋ Qäşqär, Hotän, Aqsu, Turpan ohşaş şähärlirini säyahät qilip çiqtim. Älvättä, bu kšrgäzmä meniŋ şu säyahättin alğan täsiratlirimniŋ nätiҗisidur.
Män Märkiziy Aziyadiki millätlärniŋ mädäniyitigä bäk qiziqimän. Bolupmu uyğurlarniŋ mädäniyiti nahayiti bay. Män bügün kšrgäzmigä qoyğan ämgäklirim arqiliq uyğurlarniŋ vä pütün Märkiziy Aziyadiki millätlärniŋ mädäniyitini täsvirläp berişni mähsät qildim.
Asasän portret janrida işlängän bu äsärlärdä Märkiziy Aziyadä yaşavatqan härhil millätlärniŋ hayati, mädäniyiti äkis etilip, ularda muällipniŋ üçjilliq säyahiti davamida alğan täsiratliri muҗässämlängän.
Gšzäl Zakirova 1985-jili Almuta şähiridä tuğulup, Talğir nahiyäsigä qaraşliq Güldala yezisidiki ottura mäktäpni ana tilida tamamliğandin keyin, hazirqi Abay namidiki Qazaq milliy pedagogikiliq universitetiniŋ rässamçiliq fakul'tetida tähsil kšridu vä şu universitetniŋ magistraturisini tamamlaydu. U šziniŋ ämgäk paaliyitini Almuta memarçiliq-quruluş kolledjida sän°ät tarihi päni boyiçä muällimliktin başliğan.
Rässamniŋ äsärliri Rossiya, Türkiya, Hitay ohşaş mämlikätlärdä štkän häliqara kšrgäzmilärdä qoyuldi. Gšzäl hazir šziniŋ bilim däriҗisini tehimu mukämmälläştürüş bilän birqatarda rässamçiliq iҗadiyitiniŋ yeŋi sirlirini üginiş vä egiläş bilän җiddiy şuğullanmaqta.
Yaş rässamniŋ kšrgäzmisi 4-oktyabr'ğiçä davamlişidu. Biz sän°ät muhlisliri namidin Gšzälgä aq yol tiläp, tehimu egiz çoqqilardin kšrünüşigä tiläkdaşliq bildürimiz.

Rähmätҗan YÜSÜPOV.

Bälüşüş

Javap qalduruŋ