Һämdostluq tehimu mustähkämlinidu

0
243 ret oqıldı

Nursultan Nazarbaev MDҺ Dšlätliriniŋ başliqliri keŋişiniŋ Düşänbidä bolup štkän mäҗlisigä qatnaşti.
Taҗikstan paytähtidä štkän sammitqa Qazaqstan, Äzärbäyҗan, Belarus', Qirğizstan, Moldova, Özbäkstan, Rossiya, Taҗikstan Prezidentliri – Nursultan Nazarbaev, İlham Äliev, Aleksandr Lukaşenko, Sooronbay Jeenbekov, İgor' Dodon, Şavkät Mirziyaev, Vladimir Putin, Emomali Rahmon, Ärmänstan Prem'er-ministri Nikol Paşinyan, şundaqla Türkmänstan Ministrlar kabineti räisiniŋ orunbasari Purli Agamuradov qatnaşti.
Dšlät başliqliriniŋ keŋişi – bu MDҺ qurulumidiki aliy organ. Һämdostluq älliriniŋ liderliri äynä şundaq tärtiptä här jili štidiğan uçrişişlarda moşu dšlätlärara birläşmä dairisidiki hämkarliqniŋ muhim mäsililiri boyiçä qararlarni muhakimigä salidu vä qobul qilidu. Taҗikstan 2018-jilda MDҺ räisi süpitidä štküzgän sammitniŋ kün tärtividä novättiki räisni tästiqläş vä kadrlarni almaşturuştin tartip, Uluq Vätän uruşidiki Ğalibiyätniŋ 75 jilliğini nişanlaş vä behätärlikni täminläş üçün birläşkän iş-härikätlirigiçä bolğan 15kä yeqin mäsilä boldi.
Nursultan Nazarbaev sammitta sšzgä çiqip, MDҺ dairisidä munasivätlärni mustähkämläş vä täräqqiy ätküzüş boyiçä işniŋ nätiҗilirigä tohtaldi. Qazaqstan Prezidenti täşkilatni islahat qiliş vä Һämdostluqniŋ kontseptual hšҗҗätlirini yeŋilaş boyiçä jürgüzülüvatqan çarä-tädbirlärniŋ nätiҗidarliq boluvatqanliğini täkitlidi.
Dšlät rähbiri dšlätlärara munasivätlärni tehimu çoŋqurlitişqa yardäm qilidiğan birqatar istiqballiq yšnilişlärni atap kšrsätti. Җümlidin Prezident MDҺniŋ ihtisadiy asaslirini mustähkämläşniŋ vä mämlikätlär otturisida soda tosalğuluqlirini elip taşlaşqa qaritilğan çarilärni kšrüşniŋ zšrür ekänligini täkitlidi.
Nursultan Nazarbaev şundaqla MDҺqa qatnaşquçi barliq ällärniŋ soda-ihtisadiy munasivätlirini käŋäytiş vä tranzit-transport ihtidarini paydiliniş mäsililirigä tohtaldi. Pän-kosmos, räqämläştürüş vä turizm sahalirida birläşkän layihilärni ämälgä aşuruşqa diqqätni җälip qildi.
Uniŋdin taşqiri Dšlät rähbiri Qazaqstanda qurulğan “Astana” Häliqara maliyä märkiziniŋ alahidiliklirigä tohtilip, MDҺqa qatnaşquçi barliq mämlikätlärni uniŋ işiğa paal qatnişişqa çaqirdi.
Tar tärkiptiki mäҗlisniŋ nurğun qismi yepiq işiklär şaraitida štti. MDҺ İҗraiy komitetiniŋ räisi Sergey Lebedevniŋ mäҗlis ayaqlaşqandin keyin täkitlişiçä, MDҺqa äza dšlätlärniŋ rähbärliri hämdostluqniŋ muhim problemiliri boyiçä pikirläşti.
Tar tärkiptä štkän mäҗlistä MDҺdiki novättiki räis toğriliq qarar qobul qilindi – ändi MDҺqa Türkmänstan räislik qilidu (qoş räislär – Özbäkstan vä Taҗikstan), novättiki sammit bolsa, Türkmänstan täräpniŋ täklivigä benaän, 2019-jili 11-oktyabr'da Aşhabadta štidu.
Käŋäytilgän tärkiptä štkän mäҗlistä MDҺ älliriniŋ liderliri säyasiy šzara härikätni, gumanitarliq, behätärlikni täminläş sahaliridiki hämkarliqni mustähkämläşni tärtipkä kältüridiğan hšҗҗätlärni, şundaqla MDҺ paaliyitini hoquq vä täşkiliy-kadrlar җähättin täminläşni mukämmälläştürüşkä qaritilğan birqatar layihilärni qarap çiqti.
Җümlidin mäҗlistä Ähbarat tehnologiyaliri sahasidiki җinayätçilikkä qarşi kürişiştiki hämkarliq toğriliq kelişim imzalandi. 2019 – 2023-jillarğa bälgülängän җinayätçilikkä qarşi birlişip kürişiş çariliriniŋ dšlätlärara programmisi toğriliq qarar qobul qilindi.
Sammit yäküni boyiçä şundaqla MDҺniŋ Kosmos käŋligini teçliq mähsätlärdä tätqiq qiliş vä paydiliniş sahasidiki hämkarliq toğriliq kontseptsiyasi qobul qilindi.
Taҗikstanda štkän mäҗlis yäküni boyiçä qobul qilinğan hšҗҗätlär türküminiŋ bir qismi mädäniy-gumanitarliq hämkarliqni šz içigä alidu. Mäsilän, Prezidentlar 2021-jili Düşänbiniŋ Һämdostluqniŋ mädäniy paytähti bolidiğanliğiğa, 2021-jilniŋ MDҺda toluq “Memarçiliq vä şähär quruluşi jili” däp elan qilinidiğanliğiğa kelişti. Dšlät rähbärliri şundaqla Duniyaviy kšçmänlär oyunliri toğriliq bildürüş qobul qildi.
Sammit davamida birqatar yubileyliq sänälär, җümlidin Umumyüzlük insan hoquqi deklaratsiyasiniŋ 70 jilliği vä Çinğiz Aytmatovniŋ 90 jilliği toğriliq gäp boldi.
Ändi Uluq Vätän uruşidiki Ğalibiyätniŋ 75 jilliğiğa kälsäk, 2020-jili uni mäyrämläşkä täyyarliq kšrüş boyiçä çarä-tädbirlär plani tästiqländi. Uruştiki şanliq vaqiälär vä hatirilik sänälärgä beğişlanğan 70kä yeqin miqiyasliq täşkiliy vä ämäliy çarä-tädbirlär kšzdä tutuluvatidu. Yaşlarni vätänpärvärlik rohta tärbiyiläşkä, Ğalibiyät yubileyini mäyrämläşniŋ härtäräplimä yorutuluşini täminläşkä vä uruş vaqiälirini häm yäkünini sahtilaşturuş urunuşlirini paş qilişqa çoŋ diqqät bšlündi. Uluq Vätän uruşiniŋ qatnaşquçiliri vä ularğa täŋläştürülgän şähslärni iҗtimaiy qoğdaş Çarä-tädbirlär planiniŋ mähsus bšlümidä kšzdä tutuldi.
Prezidentlar şundaqla Rossiyaniŋ MDҺqa qatnaşquçi dšlätlärniŋ veteranlirini mukapatlaş üçün “1941 – 1945-jillardiki Uluq Vätän uruşidiki Ğalibiyätkä 75 jil” birpütün yubileyliq medalini tästiqläş toğriliq täklivigä kelişti.
Düşänbidiki sammit dairisidä şundaqla Prezidentlar Mudapiä ministrliri keŋişiniŋ vä Mustäqil Dšlätlär Һämdostluğiğa qatnaşquçi dšlätlärniŋ terrorizmğa qarşi märkiziniŋ paaliyitini tärtipkä kältüridiğan qaidilärgä kirgüzülidiğan šzgirişlärni tästiqlidi, kadrlarni tayinlaş jürgüzüldi, MDҺniŋ hoquq asasini mukämmälläştürüşkä munasivätlik mäsililär muhakimä qilindi.
***
Düşänbidä štkän sammit dairisidä Nursultan Nazarbaev Taҗikstan Җumhuriyitiniŋ Prezidenti Emomali Rahmon vä Ärmänstan Prem'er-ministri Nikol' Paşinyan bilän uçraşti.
Uçrişişlar davamida dšlätlärara alaqilarni tehimu çoŋqurlitiş, ikkitäräplimä šzara härikätni vä soda-ihtisadiy munasivätlärni tehimu küçäytiş mäsililiri muhakimä qilindi.

Bälüşüş

Javap qalduruŋ