Çoŋğa – hšrmät, kiçikkä – izzät

0
186 ret oqıldı

Şämşidin AYuPOV,
«Uyğur avazi»

Almuta şähiridiki uyğurlar ziç orunlaşqan Sultanqorğan jutiniŋ kün çiqiş täripidä «Çinar» degän mähällä bar. Uniŋ adämliri šm, bir-biri bilän quvalişip, iҗil-inaq yaşavatidu. Silär sürättä kšrüvatqan insanlar – äynä şu mähälliniŋ birtop aktivistliri. Ular turğunlar arisidiki šzara dostluq bilän iҗil-inaqliqni mustähkämläş, yaşlarni çoŋ ävlatniŋ munasip izbasarliridin qilip tärbiyiläş, iҗtimaiy-mädäniy mäsililärni birtäräp qiliş ohşaş işlar bilän җiddiy şuğullinip kälmäktä. «Uyğur avazi» gezitiğa muştiri toplaş yolidimu mähsätçanliq bilän iş elip berivatidu. Jut mänpiyiti üçün paaliyätçanliq kšrsitip kelivatqan bu insanlar mähällisidiki jut çoŋliriniŋ halidin hävär elip, ularniŋ şatliq dämlirini bšlüşüşni diqqät-näzäridin sirt qaldurğan ämäs.
Yeqinda mähälliniŋ jigitbeşi Yoldaş Һevullaev, orunbasari Raşit Aznibaqiev vä moşu mähällidä uzun jil Hanim-qizlar keŋişiniŋ räisi bolup işläp, talay izgü işlarniŋ täşäbbuskari bolğan, hazir Türksib nahiyälik Veteranlar keŋişidä paaliyät elip berivatqan Nuralähan Һevullaeva “Çinar” mähällisiniŋ äŋ çoŋ turğunliri, jutniŋ inavätlik moysäpitliri, 92 yaşniŋ üzini kšrgän Savut vä Aminäm Һapizovlarni ailä qurğininiŋ 70 jilliği bilän täbrikligäç, qutluq šyigä qädäm täşrip qildi. Tävärrük atiğa dopa kiygüzüp, nuraniy aniniŋ uçisiğa kämzol yapti. Jutdaşliriniŋ bu aliyҗanap insaniy hislätliri üçün mštivärlär minnätdar bolup, beşi kškkä yätti.
Är-ayal ikkimizniŋ ailä qurğiniğa 70 jil tolsa, bizniŋ Yarkänt täväsidin Sultanqorğan mähällisigä kšçüp kälginimizgä biyil 60 jil boptu, – däydu Savut ata hayaҗanlinip. – Biz jut ählidin vä jut mänpiyiti üçün paaliyätçanliq kšrsitip kelivatqan jigitbeşidin, aktivist hanim-qizlardin minnätdarmiz. Ular bizgä ohşaş jut çoŋlirini heçqaçan untuğan ämäs. Dayim halimizdin hävär elip, hšrmätläp turidu. Jut šmlügi bilän turğunlarniŋ mundaq inaq-ittipaqliğiniŋ huli mähällä bärpa bolğan däsläpki jillirila qeliplaşqan. Jut aktivistliriniŋ bizniŋ hoşalliğimiz bilän bšlüşüvatqiniğa tümän tazim. İlahim, jutumizdiki moşu bärikät buliği heçqaçan soğulmiğay!
Yaşliğimizda qiyinçiliqni kšp tarttuq. 1944 – 1949-jilliri yüz bärgän milliy inqilapqimu qatnaştuq. Bu baştin nemilär štmidi däysiz. Һämmigä bärdaşliq bärduq. Şükri, üç qiz, bir oğul tärbiyiläp äl qatariğa qoştuq. Ulardin 8 nävrä, 15 çävrä sšyduq. Qisqisi, är-ayal ikkimiz ata-aniliq väzipimizni orunliduq desäk bolidu. Şundaqtimu heçqaçan alämdäk iş qilivättuq demäymiz. Amma ämälgä aşurğan işlirimiz az ämäs. Karhana, fabrikilarda adil ämgäk qilduq, – dedi Savut ata bügünki hayatiğa razi ekänligini bildürüp. – Һazir mämlikitimiz keläçäkkä işäşlik qädäm taşlap kelivatidu. Dšlät rähbiri Nursultan Nazarbaevniŋ qazaqstanliqlarniŋ paravänligini šstürüş vä tapavitini yahşilaş boyiçä yolliğan Mäktübidä «2019-jilni yaşlar jili däp ataş keräk», degini şähsän meniŋdä qanaät hasil qildi. Bu, demäk, mustäqil dšlätniŋ egisi – yaşlarğa bolğan ğämhorluqniŋ yarqin ipadisi ämäsmu! Birla eytarim, äynä şu keläçäk ävladimizniŋ bähtigä zamanimiz teç bolsun. Bizniŋ balilirimizmu ata-aniliq väzipisini adil ada qilip, biz ohşaş pärzäntliriniŋ yahşiliğini kšrsun. Millitiniŋ häm mustäqil Qazaqstan dšlitiniŋ täräqqiyati üçün adil hizmät qilsun. Biz, çoŋlar, üçün moşuniŋ šzi ävzäl.
Bizmu šz novitidä jutiniŋ bärikitigä bärikät qoşup kelivatqan moşundaq mštivär atilar bilän nuraniy anilirimiz aman bolsun. Çinar mähällisiniŋ häm uşbu jutniŋ mänpiyiti yolida ayanmay hizmät qilivatqan jut särkiliriniŋ šmlügigä til tägmisun däymiz.

Bälüşüş

Javap qalduruŋ