«Bizgä qol qoşturup oltiriş yaraşmaydu»

0
168 ret oqıldı

Bähtişat SOPİEV,
«Uyğur avazi»

Moşu künlärdä Prezidentimizniŋ Mäktübi ämgäk kollektivlirida käŋ muhakimä qilinmaqta. Äynä şundaq baş qoşuşlarniŋ biri Almuta şähärlik 4-klinikiliq-poliklinikiniŋ Kšyük bšlümidä štti. Biyilqi Mäktüptin keyin dohturlar bilän muällimlärniŋ, umumän, byudjet mähkimiliriniŋ hadimliriniŋ käypiyati helila üstün. Çünki ayliq maaş kštirilidiğan boldi. Buniŋdin keyin muällimlärgä kälsä-kälmäs väzipilär jüklänmäydu. Dohturlarniçu, ända ularni qandaq yahşiliqlar kütüvatidu? Prezident däsläpki meditsiniliq-sanitarliq yardäm hizmiti hadimlirini räğbätländürüş üçün 2019-jilniŋ 1-yanvaridin tartip ağriqni davalaş işini başquruşniŋ yeŋi yandişişlirini җariy qilğan uçastkiliq meditsina hadimliriniŋ iş häqqini basquçluq asasta 20 payiz kšpäytişni tapşurdi.
Buniŋ üçün kelär jili 5 milliard täŋgä bšlünmäkçi.
2019-jilniŋ 1-yanvaridin tartip barliq şipahanilar bilän ağriqhanilar meditsiniliq hšҗҗätlärni qäğäzsiz, räqämlik şäkildä jürgüzüşkä kšçidu.
Bu 2020-jilğa qädär pütkül ahali üçün elektronluq salamätlik pasportlirini yasaş, novätni, byurokratiyani yoqitiş, hizmät süpitini aşuruş imkaniyitini beridu.
4-klinikiliq-poliklinikiniŋ Kšyük bšlüminiŋ başliği Nurjan Biqonurov Mäktüptä eytilğan uşbu mäsililär boyiçä šz pikri bilän ortaqlaşqandin keyin mäzkür bšlümni kšzdin käçürüp, u yärdä yatqan bemarlarniŋ halidin hävär alduq.
Mäzkür poliklinika jänubiy paytähttiki Türksib vä Jetısu nahiyäsiniŋ ahalisiğa hizmät kšrsitidu. Kšyük bšlüminiŋ zimmisidä bolsa, pütkül şähär turğunliri turidu. Çünki u Almutidiki yalğuz bšlüm. On bäş orunluq bolğiniğa qarimay, ikki vraç bilän jigirmigä yeqin meditsiniliq hadim bemarlarğa süpätlik hizmät qilidu. Bšlümdä eğir kšyük bilän çüşkänlärni davalaydiğan ikki mähsus karivät bar. Bu karivätlär Gollandiyadä işläp çiqirilğan. U – «redaktron» däp atilidu. Addiy til bilän eytqanda, qum tolturulğan vanna. Uniŋ harariti bemarniŋ җarahitigä qarap šzgiridu. Adämniŋ hararitini, qan besimini täŋşäp turidu. Bšlümdä plastikiliq operatsiyamu ämälgä aşurulidu.
Bügünki kündä mäzkür bšlümdä äŋ çoŋ bemar 86 yaşta ekän. Uniŋ qoltuği kšyüp çüşkän. Uniŋğa plastikiliq operatsiya qiliniptu.
Bšlümgä Nurjan Omarulı tšrt jildin beri rähbärlik qilip kelivatidu. U Sankt-Peterburgta härbiy-sanitarliq akademiyani pütirip kälgän. Kšyükni davalaydiğan dohtur.
– Һär küni bizgä kšyükkä duç kälgän oŋğa yeqin adäm kelip çüşidu, –däydu u biz bilän bolğan sšhbättä. – Bolupmu bemarlarniŋ sani ätiyaz vä küz päsilliridä kšpiyidu. Çünki bahar eyiniŋ kelişi bilän adämlär daçiliriğa berip oqät qilidu. Bağlirini tazilap, ählätlärni kšydüridu. Mundaq “taziliqniŋ” aqiviti bäzidä šrtniŋ çiqişini elip kelidu. Küzdä “qişniŋ ğemini qilimiz” däp, päçlirini tazilavetip, ottin җarahät alidu. Şundaqla qaynaq su bilän kšyüp çüşkänlär bar. Undaqlar asasän işlävatqan yeridä bala-qazağa uçraydu. Yazliği säl bemarlarniŋ ayiği besilğandäk qilidu. Bu päsildä bizgä künniŋ nuridin zärdap çäkkänlär muraҗiät qilidu. Suğa çšmülüşkä berip, aptapta uhlap qalğanlarnimu davalaşqa toğra kelidu. Aşpäzlär bilän elektriklarni kšp uçritimiz. Yaşlarğa qariğanda yaşanğanlar kšp. Mäsilän, štkändä yeşi atmiştin aşqan bir bemarni davaliduq. Monça qizitivetip gaz balloni yerilip ketiptu. Teniniŋ yätmiş payizi kšyüp kätkän. Ähvali nahayiti eğir boldi. Äsli meditsinida adäm tenidiki kšygän yärlär 20 payizdin eşip kätsä, u eğir hesaplinidu. U bizdä ikki ay davalandi. Biz ävu kişiniŋ hayatini saqlap qalduq. Bu yärdä kšpiräk redaktronni işqa qoşuşqa toğra käldi. Çät äl tehnologiyasiniŋ yardimi kšp tegivatidu. Bizniŋ vraçlar çät ällärgä täҗribä almaşturuşqimu berip turidu.
– Şähär turğunliriğa bšlümdiki jigirmidin oşuq meditsina hadimi hizmät qilip ülgirälämdu? – degän soalimizğa bšlüm başliği oylanmayla «ülgiridu» däp җavap qayturdi.
– Prezident šz Mäktübidä bu mäsiligimu alahidä ähmiyät bärdi. Һärqandaq kollektivta adäm saniğa ämäs, işniŋ süpitigä qaraş keräk. Bolupmu biz, dohturlarğa, vaqit štküzüp, qol qoştirip oltarğan yaraşmaydu. Çünki bizniŋ qolumizda adämlärniŋ täğdiri turidu.

Bälüşüş

Javap qalduruŋ