“Bizniŋ Bähitҗan bähitlik”

0
211 ret oqıldı

Һär küni degidäk kšrüp jürgän Bähitҗanniŋ avğan uruşiğa qatnaşqanliği toğriliq hävirim yoq ekän. Bu häqqidä män başqilardin aŋlidim. Şuniŋ rast-yalğinini biliş mähsitidä uni izdäp šyigä bardim. U ailisi bilän käçki ğiza içip oltarğan ekän. Meni kšrüp, därru ornidin turdidä, salam berip, җoziğa täklip qildi. Teçliq-amanliq soraşqandin keyin kälgän mähsitimni eytivedim, külümsirigän halda maŋa mundaq dedi:
– Aka, kälginiŋiz yahşi boptu. Avğan uruşida bolğinim rast. Amma u künlär käynimizdä qaldi. Untulupmu kätti…
– Uğu şundaq, amma bu häqqidä başqilarniŋ aŋlap qalğini toğrimekin, – dedim uniŋğa.
Bähitҗan Ärşidinov 1968-jili 9-mayda Ämgäkçiqazaq nahiyäsiniŋ Avat yezisida tuğulup, şu yärdiki mäktäptä bilim alidu. 1986-jili härbiy säpkä çaqirtilidu. U Moskvaniŋ Podol'skiy şähiridiki injener-saper yol-quruluş batal'onida hizmät qilidu. Altä aydin keyin tuyuqsiz buyruq çiqip, җäŋgivar dostliri bilän uni Avğanstanniŋ Çarikar şähirigä elip kelidu. U yärdä uruş rasa ovҗ elivatatti. Bir küni Bähitҗanğa BTR bilän oq-dorini vä җäŋçilärni tegişlik җayğa yätküzüş jüklinidu. U bu väzipiniŋ hšddisidin çiqalidi.
– Äҗäl bilän yäkmu-yäk jürgän päytlirimdä, dadam Şeripҗan bilän anam Taşbüviniŋ maŋa yazğan hätliri mädät berätti, – däp štkän künlärni äskä aldi Bähitҗan. – Arminim keçä-kündüz uyqa kšrmäy, ğäm-qayğuda jürgän ata-anamniŋ quçiğiğa saq-salamät yetiş edi.
1988-jili Bähitҗan tuğulup šskän juti Avatqa aman-esän qaytip käldi. “Bu seniŋ bähtiŋ” deyişti uni bağriğa basqan jutdaşliri.
“Җasariti üçün”, “Avğan hälqiniŋ minnätdarliği üçün” medal'liriniŋ sahibi Bähitҗan Ärşidinov häqiqätänmu bähitlik. Ömürlük җüpti Zohra ikkisi ikki oğul, ikki qiz sšyüp, bähitlik hayat käçürmäktä.
Abdumeҗit ҺOSMANOV.
Avat yezisi,
Ämgäkçiqazaq nahiyäsi.

Bälüşüş

Javap qalduruŋ